Thread by @ather_hameed

حسن الصباح
تھریڈ 2

اس زمانے میں مصر پر فاطمی خاندان کی حکومت تھی جو اسماعیلی تھے۔ حسن 1078ء میں قاہرہ پہنچ گیا فاطمی دربار میں اس کی بڑی آؤ بھگت ہوئی حسن نے مصر میں تین سال گزارے لیکن اس دوران فاطمیوں کے سپہ سالار بدر الجمالی، حسن کے مخالف ہو گئے اور اسے زنداں میں ڈال دیا

1👇

گیا
اتفاق سے زنداں کا مینار گر پڑا اس واقعے کو حسن کی کرامت سمجھا گیا اور اسے باعزت رہا کر دیا گیا
حسن نے مصر میں مزید قیام مناسب نہیں سمجھا وہ ایران لوٹ گیا اور اگلے نو برسوں تک مختلف علاقوں میں دعوت و تبلیغ میں مگن رہا رفتہ رفتہ اس نے اپنی توجہ رودبار صوبے کے علاقے دیلمان

2👇

پر مرکوز کرنا شروع کر دی۔ یہاں اسے کوہ البرز کی برفانی چوٹیوں میں گھرا ہوا ایک قلعہ نظر آیا جو ان کے مستقبل کے منصوبوں کے لیے نہایت سودمند ثابت ہو سکتا تھا
بظاہر تو لگتا ہے کہ اس قلعے کا نام موت یعنی مرنے سے متعلق ہے لیکن حقیقت یہ ہے کہ الموت مقامی زبان کے الفاظ

3👇

"الا" اور "آموت" سے نکلا ہے دیلمانی زبان میں "الا" عقاب ہے اور آموت (فارسی میں آموخت) کا مطلب ہے سیکھنا
ہلاکو خان کے درباری مورخ عطا ملک جوینی نے اس قلعے کا دورہ کیا تھا
وہ اپنی کتاب "تاریخِ جہاں گشا" میں لکھتا ہے
"الموت ایک ایسے پہاڑ پر واقع ہے جس کی شکل گھٹنوں کے بل

4👇

بیٹھے ہوئے اونٹ کی مانند ہے قلعہ جس چٹان پر تعمیر کیا گیا ہے اس کے چاروں طرف ڈھلوانیں ہیں صرف ایک تنگ راستہ ہے جس کا بڑی آسانی سے دفاع کیا جا سکتا ہے"
حسن نے قلعہ الموت کے آس پاس کے علاقے میں ڈیرے ڈال دیے ان کا پیغام زور پکڑتا گیا خود قلعے کے اندر اسکے حواریوں کی اتنی اکثریت

5👇

ہو گئی کہ قلعہ دار حسین مہدی کے پاس اس کے سوا کوئی چارہ نہ رہا کہ وہ قلعے کا اختیار حسن کے حوالے کر کے وہاں سے رخصت ہو جائے۔ یہ واقعہ سنہ 1090ء کا ہے
حسن الصباح نے قلعہ الموت کو اپنا مرکز بنا کر آس پاس کے وسیع علاقے میں اپنا پیغام پھیلانے کا کام شروع کر دیا
کچھ ہی عرصہ گزرا

6👇

تھا کہ آس پاس کے کئی قلعے اسکے قبضے میں آ گئے چند برسوں کے اندر تقریباً تمام رودبار اور پڑوسی علاقوں میں حسن کی عملداری قائم ہو گئی
اسکے انہماک و ارتکاز کا یہ عالم تھا کہ وہ الموت میں آ جانے کے بعد 35 برس تک قلعے سے باہر نہیں گیا، بلکہ اپنے گھر سے بھی صرف دو بار باہر نکلا

7👇

تاریخ دان رشید الدین ہمدانی "جامع التواریخ" میں لکھتے ہیں کہ وہ اپنی موت تک اپنے گھر ہی میں رہا جہاں وہ اپنا وقت مطالعے، دعوت تحریر کرنے، اپنی عملداری کا نظم و نسق چلانے میں گزارتا رہا
سلجوق سلطان ملک شاہ نے اپنے سرحدی علاقے چھن جانے کی خبر سن کر حسن الصباح کی سرکوبی کے

8👇

لیے 1092ء میں ایک لشکر بھیجا جس نے الموت کا محاصرہ کر لیا۔ لیکن سات ہزار فٹ کی بلندی پر واقع یہ قلعہ ناقابلِ تسخیر تھا
دوسری طرف آس پاس کے علاقوں سے حسن کے ماننے والوں نے شاہی لشکر کو اس قدر زچ کیا کہ اسے چار ماہ کے بعد لوٹتے ہی بنی

نوٹ: مزید اگلے تھریڈ میں

9✍️