Thread by @mlq3

For me, it’s simple: #LetLenLead2022 heto ang iilan sa mga dahilan… (thread)

Ang darating na halalan ay hindi tungkol sa nakaraan kundi ang ating kinabukasan. Bilang VP napatunayan ni Leni na handa siyang magsilbe at tumulong: siya ang sinasaway at pinapalayas ng mga kinaukulan. Pero di siya naging bitter o nagbitaw ng sama ng loob. Kaya kaya niyang

makipagtrabaho sa mga sinserong tao anuman ang kanilang hanay o partido. Sa tutoo lang, iisa lang ang trabaho ng bise presidente ayon sa ating saligang batas: maghanda na magsilbe bilang pangulo kung mamatay o tanggalin ang nakaupong pangulo. Nasa pangulo kung bibigyan ang bise

ng anumang katungkulan at nakita natin na paiba-iba ang isip ng pangulo pagdating sa bagay na ito. Ganun ang buhay, ngunit si Leni, naghanap pa rin ng paraan para tumulong. Kung dadalawin mo ang kaniyang website maraming halimbawa kung paano niya ginawa ito. Napaka-inspiring.

Kaya nga #LetLeniLead2022 kasi may track record siya sa paghahanap ng mga solusyon o sagot sa mga problema na dulot ng pandemya, ng kakulangan ng katarangunang panlipunan sa ating bayan, atbp. Bilang abogado kakampi siya ng mga bahagi ng ating lipunan na pinagsasamantalahan ng

mga walang pake sa kanilang kapwang Pilipino. Bilang bise-presidente, tinanggap niya ang pagbabaliwala sa kaniya at imbes na mag intriga humanap siya ng makabuluhang mga proyekto na matutulungan niya. Nung nagkaroon ng pagkukulang ng PPE humanap siya ng paraan upang gumawa ng mga

ito, ayon sa lokal na desenyo, sa mura pero de kalidad na paraan. Nung maraming nagbibigay-pugad sa mga Frontliners ngunit pinapalayas sila sa kanilang mga dorm dahil sa takot sa Covid, humanap siya ng paraan upang maihatid ang mga Frontliner (dahil walang naging epektibong

plano ang mga otoridad pag dating sa pampublikong sasakyan sa panahon ng pandemya), at bigyan sila ng lugar kung saan sila puwedeng matulog at magpahinga na malapit sa kanilang trabaho. Bumuo siya ng sistema ng teleconsulting para ang mga humaharap sa panganib ng Covid ay may

makakausap at makononsultang health professional; humanap siya ng paraan upang bigyan ang mga kailangang mag quarantine ng gamot at iba pang mga pangangailangan nila, at marami pang iba. Nung mukhang di alam ng marami sa ating pamahalaan kung ano at paano ang dapat gawin, nag

aral siya, nakipag usap siya sa mga eksperto, naging tulay siya sa iba't ibang mga panig na handang tumulong ngunit nangangailangan ng paraan upang bumuo ng sistemang makakabigay-lunas sa napakarami nating mga kababayan na kabado at desperado sa panahon ng pandemya. Ginawa niya

ang lahat na ito at kung susuriin mo, makikita mo na katumbas ng kaniyang mga salita ang kaniyang mga gawain: at kung iilan lang kumpara sa buong Pilipinas ang natulungan niya, puwes isipin mo ano pa ang magagawa niya kung ang buong pamahalaan ay gagalaw at magsisilbi sa ilalim

ng kaniyang pamumuno. Pabayaan na lang natin ang mga tipong natatakot sa isang longkod-bayan na ginagampanan ang kaniyang mga tungkulin sa tahimik, epektibo, at may magaan na loob dahil hindi siya nagtatanim ng galit o naghahanap ng away. Tingnan nalang natin ang ating mga sarili

kung ang kagustuhan natin ay isang bayan kung saan ang lahat ay pakikinggan, kung saan ang a kinabukasan ang haharapin at hindi puro nakaraan ang huhukayin; kung saan ang lahat ng mga tanong ay kayan harapin ng tapat. #LetLeniLead2022 dahil sa unang araw pa lang ng termino ng

susonod na magiging pangulo, kailangan natin ng pinuno na may kakayahang maging pangulo, na naniniwala na mabait at matulungin ang bawat Pilipino, na may kaalaman paano kumpunin ang ibat ibang sekot upang magtulungan sila sa paraan ng tapat at sinsero.

Masusukat ang isang lider ayon sa kanilang paghaharap sa mga hamon o mga paratang ng mga kalaban. Napatunyan ni Leni na meron siyang sariling kaisipan, sariling panindigan, sariling lakas ng loob; hindi siya tumiklop ngunit hindi rin siya nagtapon ng putik o nagpakita ng sama ng

loob. Kalmado siya sa harap ng pagduduro at pambabastos; kusang-loob siyang nagpupursige ng mga proyektong makakatulong kesa sa paghanap ng drama at eksena upang gumawa ng drama sa entablado. Kung ginawa lang ng mga nanlalait sa kaniya ang 1% ng kaniyang gawain, siguro mas naging

matibay at marami ang naiwasang pagkakamali at pagawawaldas ng salapi at oportunidad sa panahon ng pandemya. Kung ano man ang naging kampo mo (o kung hindi ka. bahagi ng anumang hanay), ang desisyon sa darating na Mayo ay tungkol sa kinabukasan nating lahat. Katulad ni Leni, may

sarili lang kaisipian, panindigan, prinsipyo. Sa tingin ko, kung bibigyan mo si Leni ng pagkakataon at kung titingnan mo ang kaiyang buhay at gawain, makikita mo na sang-ayon ang iyo at kaniyang mga hangarin. At magiging magaan ang loob mo kapag pinili mo siya bilang susonod na

Pangulo ng Pilipinas (isama mo na rin si Kiko, pls. at dahil kailangan niya ng magsusulong ng reporma sa Senado, baka magustuhan mo rin ang mga kandidato niya bilang senador). #LetLeniLead2022

#LeniKiko2022