राजा अरिस हा तरुणपणापासूनच एक अकलेने सुमार, गर्विष्ठ आणि भाटांच्या स्तुतीसुमनांमध्ये रमणारा राजा होता. त्याने त्याच्या क्रूर, कपटी आणि धूर्त प्रधानाच्या म्हणजे टायविनच्या जीवावर राज्य आपल्या काबूत ठेवलं होतं. मात्र जसजसा त्याचा पाडाव होऊ लागला, तो जनतेत अप्रिय होऊ लागला तसतसा तो
अधिकाधिक क्रूर, खुनशी, संशयग्रस्त आणि पिसाट बनू लागला. लोकांना जाळून मारताना, तडफडताना, जीवाची भीक मागताना बघून या राजाला चरमसुख लाभत असे. आपल्या विरोधात बोलणारे शिल्लक असतील ते सगळेच देशद्रोही असल्याची भयाण कल्पना या राजाला छळत असे. शेवटी एकेकाला पकडून जाळून मारण्याचे तंत्र 
अपुरे पडले म्हणून या राजाने त्याच्या डोक्यातील "त्याच्या पूर्वजांचे महान कार्य" सिद्धीस नेण्यासाठी हजारो लहान मुले असलेली आपलीच राजधानी जाळून खाक करण्याचे आदेश दिले. त्याच्या शेवटच्या दिवसांत माझ्या विरोधात जे जिंकतील त्यांनी जळालेल्या हाडांची सत्ता भोगावी अशी त्याची मानसिकता
बनत चालली होती. त्यासाठी स्वतःच्या नागरिकांना ते बेसावध असताना, क्रूरपणे, हजारोंच्या संख्येने लहान मुलांसकट जाळून टाकायला हा राजा कमालीचा उत्सुक बनला होता!
टीप: हे जॉर्ज आर आर मार्टिनच्या लेखणीने जन्माला घातलेल्या एका काल्पनिक सत्ताधीशाचे वर्णन आहे. तरी याचा वास्तवाशी संबंध
टीप: हे जॉर्ज आर आर मार्टिनच्या लेखणीने जन्माला घातलेल्या एका काल्पनिक सत्ताधीशाचे वर्णन आहे. तरी याचा वास्तवाशी संबंध
आढळल्यास तो योगायोग आहे की नाही हे प्रत्येकाने आपापले ठरवायचे आहे!!
• • •
Missing some Tweet in this thread? You can try to
force a refresh
