Thread by @makmd

हरिद्वारमध्ये नुकत्याच झालेल्या 'धर्म संसदे'त जमलेल्या हिंदुत्ववादी धर्मगुरूंनी नक्की काय काय मौलिक रत्ने उधळली ती थोडक्यात बघू. हे वाचताना उत्तरप्रदेशात सध्या निवडणूका होणार आहेत, आणि एकेकाळी सध्याचे मुख्यमंत्री असलेले योगी आदित्यनाथ हे अशाच बाबा-बुवा-महाराज लोकांपैकी

एक होते हे लक्षात असू द्या... तर आता एकेक करून कोण काय बोललं ते बघू -

१. महामंडलेश्वर असलेल्या, हिंदूमहासभेच्या अन्नपूर्णा माँ म्हणाल्या की 'त्यांना' संपवायला आपल्याला त्यांना मारूनच टाकावं लागणार आहे, त्यासाठी त्यांचे वीस लाख कापतील असे 100 योद्धे आपल्याला हवेत.

२. बिहारचे

धरमदास महाराज म्हणाले की मनमोहन सिंग जेव्हा संसदेत बोलले की अल्पसंख्याकांना देशाच्या साधन संपत्तीवर पहिला अधिकार आहे, तेव्हा मी तिथे असतो तर गोडसे बनून त्यांच्या छातीत सहा गोळ्या डागल्या असत्या.

३. आनंद स्वरूप महाराज म्हणाले की जर सरकारने आमच्या मागण्या मान्य केल्या नाहीत तर

आम्ही 1857च्या बंडापेक्षा भीषण युद्ध पुकारू. ते पुढे म्हणतात की उत्तराखंडमध्ये मुस्लिम आणि ख्रिश्चन यांना त्यांचे सण साजरे करू देणार नाही, कारण ही हिंदूंची भूमी आहे.

४. यति नरसिंहानंद सरस्वती म्हणतात की आर्थिक बहिष्कार करून आता भागणार नाही, हिंदूंनी शस्त्र उचलायला हवीत.

नुसत्या तलवारी नको, तर अत्याधुनिक शस्त्रास्त्रे हिंदूंनी बाळगायला हवीत. त्यात त्यांनी हिंदूंना पाच हजारांचा मोबाईल वापरत दिवस काढा पण एक लाखाची शस्त्र विकत घ्या असं आवाहन केलं आहे.

५. स्वामी प्रेमानंद महाराज यांनीही हिंदूंनी शस्त्रे खरेदी करून धर्माच्या रक्षणाला सज्ज राहायला

हवं असं म्हटलं आहे.

६. याच मंचावर अश्विनी उपाध्याय यांनी यति नरसिंहानंद यांना 'भगवं संविधान' सुपूर्द केलं.

७. स्वामी प्रबोधानंद म्हणतात तुम्ही मारायला सज्ज व्हा नाही तर मराल. पोलीस, आर्मी, राजकीय नेते सगळ्यांनी मिळून म्यानमारसारखं (म्हणजे तिथे झालेलं रोहीग्यांचं शिरकाण)

'सफाई अभियान' हाती घ्यावं असंही ते म्हणाले.

८. सिंधू सागर स्वामी म्हणाले की मुसलमानांच्या जमिनी खरेदी करून टाका आणि गावेच्या गावे मुस्लिममुक्त करा. त्याचबरोबर त्यांनी अट्रोसिटी कायद्याखाली किमान दहा मुस्लिम त्यांनी फसवले आहेत तसेच प्रत्येकाने करावे अशी आयडिया दिली आहे.

९. यति

नरसिंहानंद म्हणाले की हिंदूंना प्रभाकरन, भिंद्रावाले, सारखी माणसं हिंदूंमध्ये घडायला हवी आहेत, तसं बनायला तयार असणाऱ्या माणसाला त्यांनी एक करोड द्यायचं आश्वासन दिलं आहे.

१०. सागर सिंधुराज महाराज म्हणाले की इथून गेल्यावर आपला मेसेज क्लिअर असायला हवा की 'ते' हिंदू धर्मात आले तरच

त्यांचे जीव वाचतील, नाहीतर म्यानमारसारखे पळवून मारले जातील. याचबरोबर त्यांनी हिंदूंनी दहा-दहा पोरे काढावीत असं आवाहन केलं आहे.

या सगळ्या वक्तव्यांचे व्हिडीओ एकेक करून बघण्यासाठी altnewsचे @zoo_bear यांचा ट्विटर थ्रेड पहिल्या कमेंटमध्ये दिला आहे.

ही हिंदुत्ववादी 'संत-महंत'

मंडळीनी धर्मसंसदेतून जाहीर पणे केलेली वक्तव्ये आहेत. आज जे यति नरसिंहानंद बोलत आहेत, संघटन बनवत आहेत तसंच काहीसं योगी आदित्यनाथ एकेकाळी करत होते. त्यांच्या 'हिंदू युवा वाहिनी'चा सूर हा असाच "हिंदू खतरे में है" वाला होता! यासंदर्भात त्यांना २००७साली धार्मिक तेढ पसरवल्याबद्दल अटक

सुद्धा झाली होती. यति नरसिंहानंद आणि त्यांच्या या धर्मसंसदेचं गांभीर्य आपल्या लक्षात यावं यासाठी ही आठवण पुरेशी आहे!

देश आज एका महत्त्वाच्या टप्प्यावर उभा आहे. ही जाहीरपणे झालेली विखारी धर्मसंसद आपल्याला या नव्या वळणावर देशासमोर नक्की काय वाढून ठेवलं आहे याची एक झलक देऊन

गेली आहे. कदाचित यातून देशाला सावरायची वेळ नागरिक म्हणून आपल्या हातातून कधीचीनिघून गेली असण्याचीही शक्यता आहे, धर्मांध हिंदुत्ववादी शक्तींच्या तावडीतून देश वाचवायचे प्रयत्न यशस्वी होतील याची आता काही शाश्वती वाटत नाही!

मात्र आधुनिक भारताच्या गळ्याला नख लावणारी ही

हिंदुत्ववादी भुतावळ माजावर होती तेव्हा आपण टाळ्या वाजवणाऱ्यांपैकी नव्हतो, जमेल तसा विरोधाचा सूर लावणाऱ्यांपैकी होतो एवढं या घडणाऱ्या इतिहासाला सांगण्यासाठी तरी याविरोधात बोलत राहणं आपल्याला भाग आहे!!

#HaridwarHateAssembly

या वक्तव्यांचे व्हिडीओ बघण्यासाठी लिंक:

https://twitter.com/zoo_bear/status/1473580321429868544?t=ZV-YpEp_-KsGb01JDErbFQ&s=19

पोस्टमध्ये उल्लेख केल्याप्रमाणे योगी आदित्यनाथ यांचा प्रवास कसा झाला याबद्दल वाचण्यासाठी लिंक:

bbc.com/hindi/india-59…