Thread by @RuzindanaRUGASA

Uraho neza

Ndatekereza ko imwe mu mpamvu ibitera kandi ikomeye ari uko imigongo bayifata nk'umutako wabo gakondo kuva kera iyo mu kinyejana cya 18!

Reka duhugurane tumenye AMATEKA y'IMIGONGO mu #Rwanda. #Imigongo #TumenyeAmateka

https://twitter.com/RGisanintwari/status/1480932230465732618

Abashakashatsi (Celis & Thérèse 1971, Anquetil 1980; Maes-Greerinckx & Van Pee 2004) bemeza ko imitako y’imigongo yatangiriye mu Gisaka ahayinga ikinyejana cya 18. #Imigongo #TumenyeAmateka

Igitekerezo cyogeye mu Rwanda kivuga ko imigongo yadukanywe na Kakira ka Kimenyi Getura Umwami w’i Gisaka (1710-1805), wari igikomangoma cyo mu Migongo atuye ku musozi wa Nyarutunga [ubu ni muri @KireheDistrict] (Maes-Greerinckx & Van Pee 2004:32). #Imigongo #TumenyeAmateka

Kakira uwo yagira isuku cyane ndetse yamamaye mu Rwanda hose kugeza aho yabaye insigamugani, igira iti “Isuku ni iya Kakira” bashaka kuvuga ko kanaka akeye nka Kakira (Maes-Greerinckx & Van Pee 2004:32). #Imigongo #TumenyeAmateka

Nk’umuntu wakundaga guhanga udushya, Kakira yadukanye imigongo ashaka kwishimisha no kubera gukunda isuku. Ayitakisha bwa mbere yahereye ku nzu ya se, Kimenyi Getura akurikizaho iye bwite. #Imigongo #TumenyeAmateka

Kubera ukuntu imigongo yashimishije Kimenyi, inzu umuhungu we yamutakiye guhera ubwo niyo yakiriragamo abashyitsi b’icyubahiro. #Imigongo #TumenyeAmateka

Nyuma yaho abakobwa bo mu miryango ikize batangiye kujya bataka amazu y’iwabo nabo bigana Kakira, gutakisha imigongo byamamara mu Rwanda bityo (Anquetil 1980:49-50). #Imigongo #TumenyeAmateka

Uretse iyi nkuru y’imigongo igaragaza ko imitako gakondo yakoreshwaga mu kinyajana cya 18, ubushakashatsi bw’amateka ashingiye ku bisigaratongo nabwo bugaragaza ko mu kinyagihumbi cya mbere nyuma y’ivuka rya Yezu imitako gakondo yakoreshwaga mu Rwanda. #Imigongo #TumenyeAmateka

Urugero ni nk’utwabya tubiri twacukuwe mu gice cy’Amajyepfo y’u Rwanda bigaragara ko twakoreshejwe mu binyejana bya mbere nyuma y’ivuka rya Yezu. Utu twabya tumuritse mu Ngoro y’Umurage iri i Huye, duharazeho imitako gakondo itandukanye. #Imigongo #TumenyeAmateka

Ngayo ng'uko!

Ubwo nasomaga inyandiko y'abashakashatsi Georges & Thérèse Celis bise "Les peintures murales intérieures des habitations du Migongo (Rwanda)" nasanze harimo amazina agera kuri 18 y'imigongo. Abo banditsi barenga aho bagashyiramo n'imibare [bisome hepfo] #Imigongo #TumenyeAmateka

Mu nyandiko yabo Georges & Thérèse Celis basoza bagira bati: "Nous avons été étonnés de constater combien rares sont les personnes ayant entendu parler des peintures du Migongo. Le restant du Rwanda semble ignorer totalement l'existence de [...] #Imigongo #TumenyeAmateka