Thread by @humiraj1

سانحہ کیچ بلوچستان
آخری بندہ آخری گولی تک .....
وہ الله کی راہ لڑنے والے کسی شیرنی کے بچے تھے آدھی رات کو گھپ اندھیرے اور سخت سردی میں 10 جوان 50 حملہ آوروں کا 5 گھنٹے تک مقابلہ کرتے رہے۔ آخری بندہ شہید ہونے تک نہ پیچھے ہٹے اور نہ دشمن کو پوسٹ تک پہنچنے دیا👇🏻

ویسے دنیا بھر میں فوج کا اصول ہوتا ہے کہ اگر یقین ہوجائے کہ آپ چیک پوسٹ کو نہیں بچا سکتے تو بجائے جانیں دینے کے آپ عارضی طور پر پیچھے چلے جاتے ہیں اور کسی دوسری پوزیشن سے مقابلہ کرتے ہیں۔ بلکہ اندھیرے میں تو لوگ جانیں بچانے بھاگ بھی جاتے ہیں لیکن👇🏻

ان چند جوانوں نے بہادری کی مثال قائم کر دی اور تب تک لڑتے رہے جب تک آخری جوان شہید نہیں ہوگیا
اس حوالے سے دو تین اعتراضات کیے جارہے ہیں مثلاً کمک کیوں نہیں پہنچی؟
بلکل پہنچی تھی اور جو پہنچی تھی اس میں بھی 4 جوان شہید ہوئے ہیں۔ مسئلہ یہ تھا کہ یہ👇🏻

چیک پوسٹ دیگر چیک پوسٹوں سے ذرا دور تھی اور اس تک پہنچنے کا راستہ خراب، کچا اور مشکل تھا۔ میدان میں لڑنے والے جوان جانتے ہیں کہ ایسا حملہ کرنے والے پہلے ہی ممکنہ کمک کو روکنے کے لیے راستوں میں آئی ڈیز لگا دیتے ہیں یا گھات لگا کر بیٹھے ہوتے ہیں۔ ان آئی ڈیز👇🏻

سے بچنے اور راستے کی خرابی کے پیش نظر کمک موٹر سائیکلوں پر روانہ کی گئی تاکہ جلد سے جلد پہنچے۔ تاہم ان میں بھی شہادتیں ہوئیں۔ حملہ شروع ہونے کے 20 سے 30 منٹ بعد کمک روانہ کر دی گئی تھی۔ اس کے علاوہ تربت سے ایف سی کے ایس ایس جی کمانڈوز بھی روانہ کر دئیے گئے تھے👇🏻

میری انفارمشین کے مطابق 2 یا 3 ہیلی کاپٹر بھی بھیجے گئے لیکن وہ صرف نائٹ وژن یا نگرانی کرنے والے ہیلی کاپٹر تھے بلوچستان میں گن شپ ہیلی کاپٹر استعمال نہیں ہوتے
جہاں تک ائر فورس یا ڈرون کی مدد کا تعلق ہے تو ائر فورس اس قسم کے حملوں میں موثر ثابت نہیں ہوتی۔👇🏻

ائر فورس جو بمباری کرتی ہے وہ کم از کم بھی 600 تا 700 میٹر کا علاقہ تباہ کرتی ہیں ایسے میں دشمن اور آپ کی فوج میں کافی فاصلہ ہونا چاہئے تاکہ آپ کی فوج اپنی ہی ائر فورس کا نشانہ نہ بنے۔ یہاں حملہ کلاشنکوفوں وغیرہ سے کیا گیا تھا جن کی موثر رینج 250 تا 300 میٹر ہوتی ہے۔👇🏻

یعنی دشمن چیک پوسٹ کے قریب تھا۔ ایسے میں ائر فورس تب ہی حملہ کرتی ہے جب یہ طے کر لیا جاتا ہے کہ اپنے بندے بھی ماردو ساتھ میں
شہدا کے حوالے سے ایک فہرست سوشل میڈیا پر سرکولیٹ کی جارہی ہے جن میں ایک دو آٖفیسرز کا بھی تذکرہ ہے۔ یہ فہرست بلکل جعلی ہے👇🏻

حملے میں کوئی افسر شہید نہیں ہوا ہے۔ حملہ آور سرخوں کا یہ وطیرہ ہے کہ اپنی ہلاکتیں کم اور پاک فوج کی بڑھا چڑھا کر بتاتے ہیں۔ اس وقت وہ اپنی ایک ہلاکت اور چند زخمیوں کو مان رہے ہیں جب کہ گمان ہے کہ ان کی بھی متعدد ہلاکتیں ہوئی ہیں۔ سرچ آپریشن مین تین دہشتگردوں کو👇🏻

زندہ گرفتار کر لیا گیا ہے
اس حوالے سے وزیراعظم یا آرمی چیف بیانات اس لیے جاری نہیں کر رہے تھے کہ حملہ آوروں کا ایک بنیادی مقصد پاکستان کو غیر محفوظ ملک ثابت کرنا ہے۔ یہاں کھیلوں کے علاوہ جو معاشی سرگرمیاں فروغ پا رہی ہیں ان کا راستہ روکنا ہے پاکستان پی ایس ایل وغیرہ کا👇🏻

انعقاد کر کے دنیا کو بتانا چاہتا ہے کہ پاکستان ہر قسم کی سرمایہ کاری اور معاشی سرگرمیوں یا سیر سیاحت کے لیے بلکل محفوظ ملک ہے۔ اگر اس پر وزیراعظم یا آرمی چیف گرم گرم بیانات دیتے تو دشمن کا وہ مقصد حاصل ہوجاتا اور یہ خبر پھر بھرپور انداز میں میڈیا اٹھاتا۔ (کاش👇🏻

کراچی میں فسادات برپا کرنے والی جماعتوں کو بھی یہ بات سمجھ آجائے۔) لیکن اس حملے کا دشمن کو بھرپور جواب ملے گا اور اس کی خبریں آنا شروع ہوگئی ہیں افغانستان اور ایران دونوں جگہ ملوث لوگ نشانہ بنے ہیں
یہ آپ ضرور کہہ سکتے ہیں کہ یہ اینٹلی جنس کی ناکامی تھی👇🏻

جوایسے حملے کی منصوبہ بندی کا قبل از وقت سراغ نہ لگا سکی اور نقصان ہوگیا
باقی یہ کہنا کہ واپس کیسے گئے تو وہاں پر وہی سیکیورٹی فورس تھی جو لڑ رہی تھی اور شہید ہوگئی یا جو مدد کو پہنچی اور ان پرپیچ اور انتہائی مشکل علاقوں میں آدھی رات کے اندھیرے میں نکل جانا کوئی مشکل بات نہیں👇🏻

سانحہ کیچ بلوچستان کے شہدا پر دل خون کے انسو رو رہا ہے لیکن سر اونچا ہے ہماری یہ دعا کہ قربانیاں رائیگاں نہیں جائینگی اور بلوچستان میں خون کی ہولی کھیلنے والے خونی سرخے اپنے انجام کو پہنچیں گے ان شاءاللہ!