Thread by @humiraj1

آج پاکستان کے عالمی شہرت یافتہ مایہ ناز سائنس دان، نوبل انعام حاصل کرنے والے ماہر طبیعات پروفیسر ڈاکٹر عبدالسلام کا جنم دن ہے...
29 جنوری 1926 کو پیدا ہونے والے عبدالسلام نے میٹرک تک تعلیم گورنمنٹ کالج جھنگ سے حاصل کی۔ 1946 میں انہوں نے گورنمنٹ کالج لاہور سے ریاضی میں👇🏻

ایم اے کیا اور 95.5 فی صد کے ساتھ یونیورسٹی میں اول پوزیشن حاصل کی
ماسٹرز تک تعلیم حاصل کرنے کے بعد عبدالسلام کے پاس دو ہی راستے تھے کہ یا تو وہ سِول سروس سے وابستہ ہو جاتے یا اعلیٰ تعلیم کے لئے بیرونِ ملک کا رخ کرتے لیکن ایک چھوٹے سے زمیندار کے بیٹے ہونے کے ناطے ان کے👇🏻

پاس اتنے وسائل نہیں تھے۔ خوش قسمتی سے سلام کو ایک اسکالرشپ مل گئی اور وہ پڑھنے کے لئے انگلینڈ روانہ ہو گئے
انہوں نے 1946ء میں سینٹ جان کالج، کیمبرج میں داخلہ لیا اور اپنا ٹرائی پاز ( بی اے آنرز) صرف دو سال میں مکمل کر لیا جبکہ یہ کورس تین سال کا ہوتا ہے۔ اس کامیابی پر👇🏻

انہیں رینگلر کا خطاب دیا گیا، کیمبرج میں کوئی ماہرِ ریاضی کا امتحان فرسٹ کلاس میں پاس کر لے تو اسے "رینگلر" کہا جاتا ہے۔

ڈاکٹر عبدالسلام کی ڈاکٹریٹ کا واقعہ بھی بہت متاثر کن ہے۔ انہوں نے پی ایچ۔ ڈی کے لئے ایک نہایت مشکل مسئلہ منتخب کیا تھا جس کے تحت میسون تھیوری👇🏻

سے لامتناہیت (انفینٹیس) کا خاتمہ تھا۔ سلام نے اپنی صلاحیتوں کی بنا پر یہ مسئلہ صرف تین مہینے میں حل کر لیا۔ تاہم انہیں پی ایچ ڈی کی ڈگری کے لئے تین سال کا انتظار کرنا پڑا کیونکہ کیمبرج یونیورسٹی کے قواعد کے تحت پی ایچ۔ ڈی کی ڈگری داخلے کے تین سال کے بعد ہی دی جاتی ہے۔👇🏻

آخر کار 1952ء میں انہیں پی ایچ۔ ڈی کی ڈگری مل گئی1951ء میں عبدالسلام کو پرنسٹن یونیورسٹی امریکہ میں واقع انسٹی ٹیوٹ آف ایڈوانسڈ سٹڈی کی فیلو شپ دی گئی جہاں البرٹ آئن سٹائن لیکچر دینے آتے تھے
ڈاکٹر عبدالسلام 1951ء سے 1954ء تک گورنمنٹ کالج لاہور کے شعبہ ریاضی کے صدر👇🏻

اور پروفیسر رہے اس دوران وہ شدید تنہائی کا شکار تھے,وہاں تحقیق نہ ہونے کے برابر، سائنس دانوں سے رابطے نہ تھے اور نہ ہی تازہ ترین ریسرچ کی کوئی خبر تھی,دوسری جانب کالج کے سربراہ نے ان کا شاندار تعلیمی ریکارڈ نظر انداز کرتے ہوئے انہیں احمقانہ کام کرنے کو کہا👇🏻

کالج پرنسپل نے عبدالسلام سے کہا کہ اگر درس و تدریس کے بعد ان کے پاس وقت بچتا ہے تو وہ ان تین کاموں میں سے کسی ایک کا انتخاب کر لیں۔ ہاسٹل کے وارڈن بن جائیں، کالج کے خزانچی کا عہدہ سنبھال لیں یا پھر فٹ بال کلب کے صدر بن جائیں۔ سلام کو مجبوراً فٹ بال کلب کا صدر بننا پڑا۔👇🏻

اس کے بعد وہ دوبارہ کیمبرج چلے گئے جہاں لیکچرر مقرر ہوئے
ڈاکٹر عبدالسلام نے امپیریل کالج لندن میں تھیوریٹکل فزکس کو کورس متعارف کرایا اور 1957ء سے 1993ء تک وہاں پڑھاتے رہے کیمبرج میں انہوں نے پی اے ایم ڈیراک، میکس بورن، وولف گینگ پاؤلی اور دیگر عظیم سائنسدانوں کے ساتھ👇🏻

تعلیم حاصل کی اور ان کی فکر سے فائدہ اُٹھایا
ڈاکٹر عبدالسلام کے حصے میں 1959ء میں ایک اور اعزاز آیا جب وہ رائل سوسائٹی کے سب سے کم عمر فیلو منتخب ہوئے اس وقت ان کی عمر صرف 33 سال تھی۔ واضح رہے کہ یہ سوسائٹی دنیا میں سائنس دانوں کی سب سے قدیم انجمن ہے۔👇🏻

1950ء کے عشرے میں پروفیسر عبدالسلام پاکستان جاتے رہے کیونکہ وہ سائنس پالیسی پر حکومت کے مشیر تھے اور 1961ء میں انہیں صدرِ پاکستان محمد ایوب خان کا مشیر خاص برائے سائنس بنایا گیا تھا۔ اس دوران انہوں نے پاکستان میں سائنس و ٹیکنالوجی کے فروغ میں نمایاں کردار ادا کیا👇🏻

اور ملک میں پاکستان اسپیس اینڈ اپر ایٹماسفیئر ریسرچ کمیشن (سپارکو) جیسا ادارہ قائم کیا
فروری 1974ء کو لاہور میں منعقدہ اسلامی سربراہی کانفرنس کے موقع پر ڈاکٹر عبدالسلام نے تمام اسلامی ممالک پر مشتمل اسلامی سائنس فاؤنڈیشن کا تصور پیش کیا👇🏻

1960ء میں انٹرنیشنل اٹامک انرجی ایجنسی کی ایک میٹنگ میں شرکت کے دوران سلام نے انٹرنیشنل سینٹر فار تھیوریٹکل فزکس ( آئی سی ٹی پی ) کا منصوبہ پیش کیا۔ وہ ایک ایسا پلیٹ فارم چاہتے تھے جہاں دنیا بھر خصوصاً تیسری دنیا کے مایرینِ فزکس آ کر ایک دوسرے سے تبادلہ خیال کر سکیں اور👇🏻

اس طرح امیر ممالک کی جانب ذہانت کے فرار کو روکا جائے
سلام اس کے متعلق ایک کتاب میں لکھتے ہیں
'خصوصاً ترقی پذیر ممالک سے فزکس کے ماہرین کے لئے ایک مرکز (تعمیر کرنے) کا خیال 1954ء سے میرے ساتھ رہا جب مجھے مجبوراً اپنا ملک چھوڑنا پڑا۔ کیونکہ مجھے احساس ہو گیا تھا کہ اگر👇🏻

میں مزید ٹھہرا رہا تو علمی تنہائی کی وجہ سے فزکس چھوڑنی پڑے گی۔ (آئیڈیلز اینڈ ریئلیٹیز، تیسرا ایڈیشن، صفحہ نمبر 392، ورلڈ سائینٹفک پبلشرز)
ڈاکٹر عبدالسلام چاہتے تھے کہ یہ مرکز پاکستان میں بنے۔ انہوں نے اس کا ذکر صدر ایوب خان سے بھی کیا۔ صدر ایوب خان نے اس پر اپنے👇🏻

وزیر خزانہ محمد شعیب سے مشورہ مانگا تو شعیب نے کہا کہ عبدالسلام سائنس دانوں کے لئے ایک ہوٹل بنانا چاہتے ہیں نہ کہ کوئی بین الاقوامی مرکز۔"
ڈاکٹر عبدالسلام کا قول تھا کہ "ترقی اس یقین سے شروع ہوتی ہے کہ جو ضروری ہے وہ ممکن ہے۔" اسی جذبے کے ساتھ انہوں فزکس میں👇🏻

موجود چار اہم قوتوں کے اتحاد (یونیفکیشن) کا نظریہ پیش کیا۔ عبدالسلام نے برقی مقناطیسی (الکیٹرومیگنیٹک) اور کمزور نیوکلیائی قوت (ویک نیوکلئیر فورس) کو ریاضی کے ذریعے ایک ثابت کیا۔ دونوں قوتیں انتہائی بنیادی ہیں لیکن اپنی نوعیت میں مختلف ہیں اور سلام نے دو قوتوں کو ایک قرار دے👇🏻

کر اسے الیکٹرو ویک فورس کا نام دیا
یہ کام آزادانہ طور پر دو امریکی سائنس دانوں پروفیسر اسٹیون وائنبرگ اور شیلڈن لی گلاشو نے بھی انجام دیا۔ اس نظریئے کے تحت تینوں سائنس دانوں نے ڈبلیو اور زیڈ بوسون ذرات کی پیشگوئی کی تھی۔ جلد ہی اس کی تجرباتی تصدیق اس وقت ہو گئی👇🏻

جب پروفیسر کارلو روبیا نے یورپ کے ایٹمی تحقیقی مرکز سرن کی خاص مشینوں پر تجربات کے دوران یہ نمائندہ ذرات دریافت کر لئے اور انہیں اپنے ساتھی سائمن وان ڈر میر کے ساتھ 1984ء میں فزکس کا نوبیل انعام دیا گیا
عمر کے آخری حصے میں پارکنسن بیماری کے باوجود ڈاکٹر عبدالسلام کام کرتے رہے👇🏻

اور انہوں نے اعلیٰ معیار کے تحقیقی مقالات بھی تحریر کئے۔ انہوں نے چائرلٹی اور زندگی کی ابتدا، گریوٹی، سپر کنڈکٹوٹی، سمٹری، پروٹون کے زوال، فرمیون ذرات اور سائنس اور انسانی ترقی پر ریسرچ پیپرز پیش کئے
1979ء میں ڈاکٹر عبدالسلام کو دو امریکی ماہرین👇🏻

سٹیون وائنبرگ اور شیلڈن لی گلاشو کے ساتھ نوبیل انعام سے نوازا گیا۔ ڈاکٹر عبدالسلام نے اس اہم تقریب میں شیروانی اور شلوار کا قومی لباس زیب تن کیا اور سر پر پگڑی پہنی۔ ان کی خواہش پر انہیں نوبیل انعام وصول کرنے کے بعد اردو میں تقریر کرنے کی اجازت دی گئی👇🏻

فزکس میں فطری قوتوں کےاتحاد کے علاوہ عبدالسلام کا ایک اور جنون تھا اور وہ تھا دنیا بھر کے سائنس دانوں کو یکجا کرنا۔ وہ اکثر کہا کرتے تھے کہ سائنس انسانیت کی مشترکہ میراث ہے۔ 1974ء میں ڈاکٹر عبدالسلام نے انٹرنیشنل سینٹر فار تھیوریٹکل فزکس کی بنیاد رکھی،👇🏻

حکومتِ اٹلی نے اس کے لئے فراخ دلانہ مدد کی اور ٹریسٹے کے خوبصورت شہرمیں قائم اس مرکز کے لئے آج بھی تعاون کر رہی ہے۔ اس کے علاوہ یونیسکو اور انٹرنیشنل اٹامک انرجی ایجنسی (آئی اے ای اے) کا اشتراک بھی حاصل ہے
اس مرکز کا مقصد یہ ہے کہ ترقی پذیر اور ترقی👇🏻

یافتہ ممالک کے سائنس دان ایک مقام پر جمع ہو کر اپنے تجربات اور علم کا تبادلہ کر سکیں تاکہ نہ صرف علم کی نئی راہیں کھلیں بلکہ غریب ممالک کے سائنس دانوں کی ترقی یافتہ دنیا تک منتقلی کو بھی روکا جائے 1974ء کو لاہور میں منعقدہ اسلامی سربراہی کانفرنس کے موقع پر ڈاکٹر👇🏻

عبدالسلام نے تمام اسلامی ممالک پر مشتمل اسلامی سائنس فاؤنڈیشن کا تصور پیش کیا
اس کے علاوہ یہ سینٹر مختلف سائنسی اور علم تک رسائی کے آؤٹ ریچ پروگرام بھی مہیا کرتا ہے جن کا خاص ہدف ترقی پذیر ممالک کے سائنس دان ہوتےہیں۔ آئی سی ٹی پی میں ہر سال 60 سے زائد👇🏻

کانفرنس اور سیمینارز کے علاوہ لاتعداد ورکشاپس منعقد ہوتی ہیں۔ ہرسال ہزاروں ماہرین اور اسکالرز آئی سی ٹی پی کا دورہ کرتے ہیں کیونکہ ادارہ انہیں سفر کی گرانٹ بھی فراہم کرتا ہے
ڈاکٹر عبدالسلام 1964ء سے 1993ء تک آئی سی ٹی پی کے بانی سربراہ رہے، فزکس سلام کا عشق رہا لیکن👇🏻

ساتھ ہی انہیں شدت سے یہ احساس تھا کہ تیسری دنیا کے ماہرین کو ایک پلیٹ فارم بھی میسر آ جائے، جہاں وہ اپنی علمی تنہائی کو دور کر سکیں۔ اس مقصد کے لیے انہوں نے تھرڈ ورلڈ اکیڈمی آف سائنسز (ٹی ڈبلیو اے ایس) کی بنیاد رکھی اور اس کا مرکز بھی ٹریسٹے میں واقع ہے۔👇🏻

یہ اکیڈمی ترقی پذیر ممالک کے اداروں اور اسکالرز کو گرانٹس اور فیلوشپس فراہم کرتی ہے اور سائنسی منصوبوں کی سرپرستی بھی کرتی ہے۔ پاکستان کے اس مایہ ناز سائنس دان نے 21 نومبر 1996ء کو آکسفورڈ میں آخری سانسیں لیں

افسوس آپ قادیانی تھے آپکے لیئے جنت کی دعا کرنا فضول
آپکا مقدمہ الله کے حضور بخشش کے لائق نہیں جورب بہتر کرے...