#नरेंद्र_दाभोलकर यांनी एकदा भाषणात #बुवाबाजी वर सगितलेला किस्सा.
"एकदा माजी मुख्यमंत्री विलासराव देशमुखांशी बोलण्याचा योग आला. ते म्हणाले, ‘‘दाभोलकर, ते बाकीचं सगळं ठीक आहे हो! कायदा वगैरे करायला पाहिजे, ते आम्हाला सगळं पटतं; पण बुवा आणि बाबा यांच्याकडे लक्षावधी लोक जातात.
"एकदा माजी मुख्यमंत्री विलासराव देशमुखांशी बोलण्याचा योग आला. ते म्हणाले, ‘‘दाभोलकर, ते बाकीचं सगळं ठीक आहे हो! कायदा वगैरे करायला पाहिजे, ते आम्हाला सगळं पटतं; पण बुवा आणि बाबा यांच्याकडे लक्षावधी लोक जातात.
आम्ही शेवटी राजकारणी आहोत. ज्यांच्याकडे लोक जातात, त्यांच्याकडे आम्हाला जावं लागतं. तुमच्याकडे याचं काही उत्तर आहे का?’’ त्यांना वाटलं, त्यांनी मला निरुत्तर करणारा प्रश्न विचारला आहे. मी म्हणालो ‘‘हो, माझ्याकडे याचं उत्तर आहे.’’ त्यांना जरा आश्चर्य वाटलं. ते म्हणाले,
‘‘काय उत्तर आहे तुमच्याकडे?’’ मी म्हणालो, ‘‘याचं उत्तर म्हणजे या प्रश्नाचं उत्तर तुमच्याकडेच कसं आहे, हे तुम्हाला समजावून सांगणं.’’ मग तर त्यांना काही कळलंच नाही. ते म्हणाले, ‘‘आमच्याकडे काय उत्तर आहे? आम्ही काय तुमच्यासारखे सामाजिक कार्यकर्ते आहोत काय!’’.
मी म्हणालो, ‘‘साहेब, तुम्ही सामाजिक कार्यकर्ते नाही, तुम्ही राज्यकर्ते आहात. तुमच्याकडे आज घडीला 20,000 माध्यमिक शाळा आहेत. 80,000 प्राथमिक शाळा आहेत. 2,200 कॉलेजेस आहेत. प्राथमिक आणि माध्यमिक शाळांमधल्या शिक्षकांची संख्या 6 लाख आहे आणि शाळेतल्या विद्यार्थ्यांची संख्या 1 कोटी 10
लाख आहे. कॉलेजमध्ये 10 लाख मुलं शिकतात आणि जवळजवळ 1 लाख प्राध्यापक आहेत.या सगळ्यांच्या अभ्यासक्रमात, मूल्यशिक्षणात, तसंच भारतीय संविधानातही ‘वैज्ञानिक दृष्टिकोनाचा प्रचार करावा’ असं लिहिलेलं आहे. यातलं काहीच तुम्ही करत नाही, म्हणून आम्हाला करावं लागतं.’’
दाभोलकरांनी आपल्या राजकीय नेत्यांना हा दाखवलेला आरसा आहे. काही वर्षांपूर्वी महाराष्ट्रासारख्या प्रगत राज्याचे मुख्यमंत्री आमच्या घरातला गणपती दूध पितो म्हणाले होते आणि दुसऱ्या एका मुख्यमंत्र्यांने तर आपली खुर्ची टिकावी म्हणून शासकीय निवासस्थानी अघोरी पूजा केली होती.
याच मुख्यमंत्र्याने पहिल्या शपथविधीला मंचावर ढीगभर बाबाबुवा बसवले होते. सत्यसाईबाबाच्या कार्यक्रमाला अधिवेशन सोडून जाणारे मुख्यमंत्री पण याच महाराष्ट्रातले. त्या बाबाचे भक्त असणारे पिता पुत्र सुध्दा याच महाराष्ट्राचे मुख्यमंत्री होऊन गेले. याव्यतिरिक्त अनेक बाबाबुवांना
राजकीय मंच देणाऱ्या राजकारण्यांची राज्याच्या आणि देशाच्या राजकारणात कमी नाही. देशाचे आजी आणि माजी प्रधानमंत्री ज्यांच्या समोर नतमस्तक होऊन नाचले, गोडवे गायले असा एक बापू अनैतिक कामामुळे अनेक वर्ष जेल मध्ये आहे. मतांच्या जोगवा मागायला अशा बाबांची सुद्धा मदत होते हे सुद्धा सत्यच.
राज्यकर्त्यांनी समाजातली चुकीच्या गोष्टी दूर करण्यासाठी सरकारी, निमसरकारी आणि सामाजिक संस्थांचा वापर करावा पण सध्याच्या परिस्थितीत कुठल्याही पक्षाचं सरकार हे अशा समाज बदलासाठी तयार दिसत नाही. त्यामुळे गंडे, धागे दोरे घालणारे नेते वेगवेगळ्या पूजापाठ करण्यात व्यस्त आहे. दाभोलकर आज
आपल्यात नाही पण त्यांनी दाखवलेली दिशा ही येणाऱ्या काळाची नांदी आहे. आज नाही तर उद्या आपण पाळत असणाऱ्या भाकड समजुती सोडून देऊ हे नक्की. पण या गोष्टी समाजात लवकर व्हाव्या म्हणून राजकारण्यांनी पुढाकार घेणं अपेक्षित आहे. बाकी वेळ लागेल पण सुधारणा त्या होणारच.
• • •
Missing some Tweet in this thread? You can try to
force a refresh
