Thread by @phkule

Isinalaysay ni Shirley Pascual, miyembro ng organisasyong Desaparecidos, na ang kanilang kanilang agenda ngayong eleksyon ay itigil na ang pandudukot, panggigipit, at pangto-tortyur sa mga organisador at mga lumalaban para sa karapatan—mapababae man o lalaki. #IWD2022

Naging miyembro si Shirley ng Desaparecidos nang dukutin ang kanyang asawang si Roberto Pascual Sr., taong 1988 sa ilalim ng administrasyong Aquino. #IWD2022

Aniya, mula sa mga nagdaang pangulo hanggang sa kasalukuyan, laganap na ang pandudukot at pang-aabuso, kaya ang panawagan nila ay huwag nang pahintulutan pa ang pag-upo ng tambalang Marcos-Duterte sa pamahalaan. #IWD2022 #NoToMarcosDuterte2022

Disenteng pabahay at sahod na nakabubuhay ang bitbit na panawagan ni Ka Inday Bagatbat, chairperson ng @KadamaySanRoque sa isang lunch protest kanina. Aniya sa pagtaas ng mga bilihin, nananatiling bagsak ang kalidad ng buhay ng maralita dahil sa mababang sahod. #IWD2022

Isang ganap na community development plan para sa maralitang Pilipino ang dapat unahin ng mga kumakandidatong pulitiko, paalala niya. Kritikal para kay Ka Inday ang pagkakaisa ng kababaihan upang mapagtagumpayan ang kanilang ipinaglalaban. #IWD2022

Ayon kay Sharon Silva ng LILA Pilipina, ang kanilang agenda ngayong eleksyon ay ang pagkakaroon ng foreign policy na magtataguyod para sa katarungan ng Filipino Comfort Women, na nagtatakwil din sa pangingialam ng malalaking bansa gaya ng US at iba pang imperyalista. #IWD2022

Wala namang ibang paraan sa pagsulong liban sa sabay-sabay at nagkakaisang pagkilos ng mga kababaihan saan man silang panig ng mundo, upang ilitaw ang pangangailangan ng mga batayang sektor, ani Silva. #IWD2022

Isang tagumpay lampas sa sariling komunidad tungo sa isang makabayang pagbabago–Ito ang agendang bitbit ni Kakay Tolentino, spokesperson ng Bai Indigenous Women's Network, ngayong #IWD2022. Ang yayakap sa agenda ng IP community ang siyang dapat mailuklok sa pwesto, giit niya.

Karapatan para sa lupang ninuno at sariling pagpapasya ng IP community ang matagal nang ipinaglalaban ng organisasyon ni Tolentino. Panawagan ng spokesperson, wag nang pabalikin ang Marcos-Duterte tandem; mga tiranikong pwersa na lumalabag sa karapatan ng IP community. #IWD2022