Thread by @CoachAnsey

MBINU zitakazokusaidia KUUZA Huduma zako kwa urahisi zaidi.

Siku zote, wateja huangalia ubora wa huduma wanayoipata bila kujali sekta ya biashara uliyopo.

Ndio maana, ni muhimu sana kufahamu ni kwa namna gani unaweza kuwafikia na kufikisha huduma zako kwa haraka.

#UZI

Hizi ni Mbinu 5 zitakazokusaidia KUUZA huduma zako kwa urahisi, kupitia mitandao ya kijamii.

1. Hakikisha WANAKUTAMBUA mapema.

Ni rahisi kuuza huduma zako kama tu Audience watakuelewa mapema, na kufahamu THAMANI ya kile unachowapatia.

Jaribu kutumia LUGHA rahisi, itakayowasaidia Audience wako kufahamu kuhusu huduma zako na namna unavyoweza kutatua changamoto zao.

Muhimu zaidi, jitahidi kuongea lugha wanayoongea audience wako.

Kama ni watu wenye changamoto za uzazi, basi zungumza lugha yao. Gusa maumivu yao, ili wakuelewe kwa haraka na kuwa tayari kununua huduma zako.

2. Onyesha UPEKEE wa Huduma zako.

Ili unielewe vizuri, soma mfano huu.

Fikiria mteja A, anahitaji kupata Mshauri na Huduma juu ya kupunguza uzito ili awe na Afya nzuri zaidi.

Bahati mbaya, baada ya kupita katika kurasa kadhaa zinazohusika na huduma hiyo ...

hakuridhika. Mwisho wa siku, akafanya uamuzi ya kuanza kufanya mazoezi peke yake...

Kwa sababu, hakuona UTOFAUTI katika page zote alizotembelea.

Hali aliyopitia Mteja A, ndio wanayopitia wateja wengi pale wanapotafuta huduma kwa ajili ya kutatua changamoto zao.

Kuna kurasa nyingi sana mtandaoni, zinazofanana almost kila kitu.

Ndio maana, wewe kama mfanyabiashara, ni muhimu kufanyia uchunguzi washindani wako ...

Ili kufahamu uzuri na udhaifu wao. Hii inaitwa Competitors Analysis.

Kuwa na taarifa kuhusu washindani wako (kibiashara) ili uje na mbinu mpya zitakazokupa utofauti na upekee katika huduma zako.

3. Fikiria kuhusu THAMANI (Value) utakayompa Mteja wako.

Moja kati ya kitu muhimu sana unachopaswa kukumbuka wewe kama mfanyabiashara, ni kwamba...

... Ubora wa huduma zako upo katika THAMANI unayoitoa, na si GHARAMA za huduma zako.

Weka focus yako kubwa katika kuongeza THAMANI ya huduma zako, kuliko kupandisha au kushusha Gharama zako.

Ili kukusaidia kuongeza THAMANI zaidi katika huduma yako, ninakupa mbinu hii...

Weka huduma zako katika mfumo wa PACKAGE.

Tengeneza Package zenye gharama tofauti tofauti, ili kumpa mteja uhuru wa kuchagua kulingana na THAMANI anayoipata katika Package husika.

4. Dumisha MAHUSIANO yako na wateja wako.

Furaha na mafanikio makubwa katika huduma zako, haipo pale mteja anapolipia huduma zako.

Bali, ni namna utakavyodumisha uhusiano wako na kila mteja anaenunua huduma zako.

Nikuibie siri moja...

Ni rahisi sana kumshawishi Mteja aliyewahi kununua huduma zako, kuliko yule ambae bado hajanunua kabisa.

Mafanikio yamejificha katika kujenga mahusiano ya MUDA mrefu na wateja wako. Wekeza hapo!

5. Usikubali kuwa JIWE!

Kuwa huru katika kufanya mabadiliko, kulingana na mahitaji ya soko.

Wakati wowote, mabadiko yanaweza kutokea katika sekta yako ya biashara au tabia za wanunuaji wako.

Weka room ya mabadiliko, ili kuendana na mahitaji ya soko kwa wakati husika.

Umenielewa? Umeongeza kitu?

Usiache kuRETWEET ili Maarifa haya yawafikie watu wengi zaidi.

Your friend
Ansey.