Thread by @ThanjaiMadhavan

பண்டைய பெருவழிகளும், வைகைப் பெருவழியும்...!

வழிகளைக் குறிப்பதற்கு இலக்கியங்களும், கல்வெட்டுகளும் பல்வேறு சொற்களைக் குறிப்பிடுகின்றன.

அவற்றில் அத்தம், நெறி, வழி, இட்டுநெறி, பெருவழி ஆகிய சொற்கள் சங்க இலக்கியங்களிலும், காவியங்களிலும் பயின்று வருகின்றன.

சங்க இலக்கியத் திணைக்குடி வாழ்வில் தலைவியைக் காண #இரவுக்குறி செல்லும் குறிஞ்சி நிலத்தலைவன் சென்று வந்த வழி பற்றிக் குறிஞ்சித் திணைப் பாடல்கள் பேசுகின்றன.

முல்லை நிலத்து ஆயர்கள் கால்நடைகள் மேய்த்து வந்த வழியும், முல்லை மகளிர் தயிர் விற்கச் சென்ற வழியும்...,

மன்னர்கள் போர் முடித்து நாடு திரும்பும் தேர் வழியும் முல்லைப் பாடல்கள் பேசுகின்றன.

தலைவியும் தலைவனும் உடன் போக்குச் சென்ற அத்தமும், தலைவன் பொருள் தேடச் சென்ற சுர வழிகளும், மொழிபெயர் தேயத்து வழிகளும், உமணர்களும், வணிகச் சாத்துகளும் சென்ற வணிக வழிகளும்....

பாலைத்திணைப் பாடல்களில் விரிவாகப் பேசப்படுகின்றன.

திணைகளுக்குள்ளும், திணை கடந்தும் தொடர்பை நீட்டித்துக் கொண்ட அன்றைய வாழ்வியல் தேவைகள் போக்குவரத்தையும் விரிவுபடுத்தின.

திணை கடந்த போக்குவரத்து வழிகளை ஆற்றுப்படை இலக்கியங்களும், சிலப்பதிகாரமும் பதிவு செய்துள்ளன.

#ஆற்றுப்படை ஐவகை நிலங்களையும் கடந்து சென்ற வழிகளைக் குறிப்பிடுகிறது.

#சிலப்பதிகாரம் சோழ நாட்டிலிருந்து பாண்டிய நாட்டை அடைந்து, அங்கிருந்து சேர நாட்டை அடைந்ததைப் பேசுகிறது.

#வஞ்சிக்காண்டம் சேர நாட்டிலிருந்து இமயம் சென்று வந்தது குறித்து பேசுகிறது.

பெருவழிகளை அதன் இயல்பின் அடிப்படையில் 'செந்நிலப் பெருவழி', 'தண்பதப் பெருவழி' என்று சங்க இலக்கியம் கூறுகிறது.

#திணைக்குடிகள் தங்களின் நடமாட்டம், மேய்ச்சல், இடப்பெயர்வு ஆகியவற்றிற்காக உருவாக்கிய #அத்தம் என்ற வழிகள் காலப்போக்கில் பெருவழிகளாக மாறியுள்ளன.

அதேபோல் வழி, பெருவழி, காட்டுவழி, நாட்டுவழி என்று கல்வெட்டுக்கள் குறிப்பிடுகின்றன.

ஆட்களின் பெயரிலும் ஊரின் பெயரிலும், நிலத்தின் பெயரிலும், #பெருவழிகள் இருந்ததைக் கல்வெட்டுகள் மூலம் அறிய முடிகிறது.

கல்வெட்டுகள் குறிப்பிடும் பெருவழிகள்...!

ஆந்திரபாத, தட்சிணபதம், பருகச்சம், காஞ்சிப் பெருவழி, ராஜகேசரிப் பெருவழி, வீரநாராயணப் பெருவழி, மகதைப் பெருவழி, பராந்தகப் பெருவழி, சோழமாதேவிப் பெருவழி, அதியமான் பெருவழி, நாட்டுப் பெருவழி, பாலைப் பெருவழி, கரைத்துறைப் பெருவழி...

... பேராற்றுப் பெருவழி, தஞ்சாவூர் பெருவழி, குண்டையூர்க்குப் போகும் பெருவழி, மணிமங்கலத்துக்குப் போகும் பெருவழி என்று கல்வெட்டுகள் குறித்துள்ளன.

#ஆந்திரபாத:

வட இந்தியாவையும் ஆந்திரத்தையும், தமிழகத்திற்கு ஆற்றுப்படுத்துகிற கிழக்குக் கடற்கரை வடுக வழியைப்பற்றிக் கல்வெட்டுகள் குறிப்பிடுகின்றன.

இந்த வடுக வழியையே 'மயிதவோலு செப்பேடுகள்' #அந்தபாத என பாகவத மொழியில் குறிப்பிடுகின்றன.

அதைத்தான் #ஆந்திரபாத என 'உதயேந்திரம் செப்பேடுகள்' குறிப்பிடுகின்றன.

இவ்வடுக வழியையே 'உலக இடைக்கழி' என்று #புறநானூறு குறிப்பிடுகிறது.

#தட்சிணபதம்:

#மௌரியர் ஆட்சிக்கு முன்பே தென் இந்தியாவிலிருந்து தட்சசீலத்திற்கும், வடநாட்டு நகரங்களுக்கும் வணிகப் போக்குவரத்து நடைபெற்று...

... இருப்பதைத் தட்சசில அகழாய்வுகள் காட்டுகின்றன.

தென்னிந்தியாவிற்கும் வட இந்தியாவிற்கும் இடையே சென்ற இந்த வழியே #தட்சிணபதம் என அழைக்கப்பட்ட பண்டையப் பெருவழி. இவ்வழி பற்றி #அர்த்தசாஸ்திரம் குறிப்பிடுகிறது.

#தட்சிணபதம் தமிழ்நாட்டில் தகடூர், கருவூர், மதுரை, திருநெல்வேலி வழியாகக் கன்னியாகுமரியைச் சென்றடைந்தது.

இப்பெருவழி சென்ற இடங்களில் கனிமச்சுரங்கங்கள் இருப்பதாக #கௌடில்யர் குறிப்பிடுகிறார்.

இது இன்றைய தேசிய நெடுஞ்சாலை வழி எண் ஏழு என்பதாக இருக்கலாம்.

மும்பைக்கு வடக்கில் உள்ள பரோச்சிலிருந்து (பருகச்சம்) #காஞ்சிபுரம் வரை வந்த பெருவழி,

நாசிக், பைதான், மாஸ்கி பிரம்மகிரி, சந்திரவல்லி, சித்தல்துர்கம், ஸ்ரீபர்வதம் (திருப்பதி) வழியாகக் காஞ்சிபுரத்தை அடைந்துள்ளன.

அவ்வூர்கள் பலவற்றில் உரோமானியக் காசுகளும், பொருட்களும் கிடைத்துள்ளன.

தமிழ்நாட்டுப் பெருவழிகள்...!

பாலக்காட்டிலிருந்து கொங்கு நாட்டின் வழியாக #மாமல்லை, #புகார், #அழகன்குளம் ஆகிய துறைமுகங்களுக்குப் பெருவழிகள் சென்றுள்ளன.

கொழுமத்திலிருந்து பழனி வரை சென்ற அயிரை மலைப் பெருவழி, கொழுமத்திலிருந்து....

சோழமாதேவிப் பெருவழி, ஆனை மலையிலுந்து கொழுமம் வரை சென்ற வீர நாராயணப் பெருவழி, கருவூரிலிருந்து புகார் வரை சென்ற பெருவழி கொங்கு பெருவழி ஆகியவை குறிப்பிடத்தக்கவையாகும்.

#கோவை மாவ‌ட்ட‌ம் #மதுக்கரை மலைக்காட்டுச் சரிவில் கிடைத்த கல்வெட்டில் ஆதித்ய சோழன் ஆட்சிக்காலத்தில் (கிபி. 871-907) முப்பது அடி அகலத்தில் ராஜகேசரிப் பெருவழி இருந்ததையும்,

பெருவழியை வீரர் என்று தெரியாதவண்ணம் மக்களோடு மக்களாக இருந்து கண்காணித்ததையும் அறிய முடிகிறது.

மேற்குக் கடற்கரையையும் புகாரையும் இணைக்கும் முக்கியமான பெருவழியாக "ராசகேசரிப் பெருவழி" விளங்கியுள்ளது.

#தருமபுரி பகுதியில் அதியமான் கோட்டை புறவழிச் சாலையில் உள்ள பதிகால் பள்ளத்திலும், #காரிமங்கலம் ஒன்றியம் கெங்கு செட்டிபட்டி அருகிலும், மூன்றாம் குலோத்துங்க சோழன் காலத்தில்...

தகடூரை ஆண்ட மன்னன் இராசராச அதியமான் காலத்தில் (கிபி. 12 ஆம் நூற்றாண்டு) "அதியமான் பெருவழி" என்று குறிப்பிடப்பட்ட இரண்டு பெருவழிக்கற்கள் கண்டுபிடிக்கப்பட்டன.

தமிழகம் மற்றும் வட மாநிலங்களில் இருந்து #சேலம்
மாவட்டம் #ஆறகழூர் வழியாகக் #காஞ்சிபுரம் சென்ற சாலைக்கு "மகதைப் பெருவழி" என்று பெயர்.

மகதேசன் பெருவழிக்கல்லில் "ஸ்வஸ்திஸ்ரீ மகதேசன் பெருவழிக்கல் காஞ்சிபுரம் “எனப் பொறிக்கப்பட்டுள்ளது.

"தஞ்சாவூர் பெருவழி" பற்றி (கிபி. 9 - 12) முதலாம் இராஜராஜன் காலம் முதல் முதலாம் குலோத்துங்கன் காலம் வரையில் கிடைத்துள்ள கல்வெட்டுகள் குறிப்பிடுகின்றன.

அடுத்தடுத்த நாடுகளுக்கு மட்டுமல்லாமல் அடுத்த ஊர்களுக்குச் செல்லும் வழிகளுக்கும், அடுத்த தெருவுக்குச் செல்லும் வீதிகளுக்கும்...

...பெயர்கள் இருந்துள்ளன. ஒரு ஊரிலிருந்து மற்றொரு ஊருக்குச் செல்லும் வழியைக் கல்வெட்டுகள் குண்டையூர்க்கு போகும் பெருவழி, மணிமங்கலத்துக்குப் போகும் பெருவழி என்று குறிப்பிட்டுள்ளன.

பெருவழிகளில் பெருவழிக் கல்லும், ஊருக்குள் உள்ள சாலைகளில் சாலைக் கற்களும் பெருவழிகளில் இருப்பது போல..

ஊருக்குள் உள்ள சாலைகளுக்கும் பெயர்கள் இருந்ததைச் சாலைக் கற்கள் மூலமும் கல்வெட்டுகள் மூலமும் அறியமுடிகிறது.

திருவண்ணாமலையில், அண்ணாமலையார் மலையைச் சுற்றிய கிரி வலப்பாதையில் வீரபாண்டியன் காலத்தில் சாலைக்கற்கள் இருந்ததும், அச்சாலைகளுக்கு "வீரபாண்டியன் திருவீதி" என அழைக்கப்பட்டதை..

பின்வரும் கிபி. 13 ஆம் நூற்றாண்டு கல்வெட்டு மூலம் அறிய முடிகிறது.

“ஸ்வஸ்தி ஸ்ரீ விக்கிரம பாண்டியந் திருவீதி னாலாம் வகுப்பு”

"ஸ்வஸ்தி ஸ்ரீ விக்கிரம பாண்டியந் திருவீதி ஆறாம் வகுப்பு”

சுருளியாற்றின் கரையில் உள்ள சின்னமனூரில் (அரிகேசரி நல்லூர்) ஒரு சாலைக்குத் 'தெங்கம் திருவீதி' என பெயர் இருந்துள்ளது.

முதலாம் குலசேகரனின் (1293-94) 6-ஆம் ஆட்சியாண்டுக் கல்வெட்டு திருப்பூலாந்துறைக் கோவிலுக்குத் தேவதானமாக வழங்கிய நிலத்தின் நான்கெல்லை வகுத்ததில் #திருவீதி ஒன்று...

...எல்லையாகக் கொடுக்கப்பட்டுள்ளது.

"கீழ் எல்லை குளக்கரைக்கு மெற்கும் தென் எல்லை தெங்கம் திரு வீதிக்கு வடக்கும் மேல் எல்லை ஒள்ளத்துக்குக் கிழக்கு வட எல்லை பனையொடு செய் வடவரம்பில் மேற்கு நோக்கிப் போகும் வாய்க்காலுக்கு தெற்கில்”

அதேபோல் தென்பாண்டி மண்டலத்தில் நானாதிசைகளிலும் பல சிற்றூர்களில் மங்கம்மாள், காலத்தில் உருவான சாலைக்கு இன்றும் "மங்கம்மாள் சாலை" என்றே பெயர் வழங்கி வருகின்றது.

அது போல் சங்ககாலத்திலும் இடைக்காலத்திலும், நாயக்கர் ஆட்சிக்கு முன் பாண்டி நாட்டில் இருந்து சேர நாட்டிற்கு வைகைக் கரைவழியாகச் சென்ற பெருவழிகள் என்ன பெயர் கொண்டு அழைக்கப்பட்டன என்று தெரியவில்லை.

இனிவரும் நீள் கீச்சுக்கள் "வைகைப் பெருவழி"...