Thread by @zeeq_ch

نہ جاؤ گھر ابھی تو رات ہے، بادل بھی کالے ہیں
اذاں سمجھے ہو تم جس کو کسی بے کس کے نالے ہیں

ہجومِ حشر کو گھبرا کے مجھ سے پوچھتے کیا ہو
ستایا ہے جنہیں تم نے، یہ وہ فریاد والے ہیں

عیادت کو جو روز آتے ہو اس کا شکریہ لیکن
کبھی سوچا قضا کے وقت تم نے کتنے ٹالے ہیں

قمر جلالوی
++

++
نہ پوچھیں آپ دیوانوں سے شام و صبح کا عالم
یہ کیا جانیں کہ دنیا میں اندھیرے ہیں، اجالے ہیں

تیری نیچی نظر ظالم! مسیحا بھی ہے، ظالم بھی
ہزاروں کو جلایا ہے، ہزاروں مار ڈالے ہیں

ہُوا کچھ تم کو اپنے ظلم کا محشر میں اندازہ
خدا کے سامنے جتنے ہیں، سب فریاد والے ہیں

قمر جلالوی
++

++
ہمارا کارواں اب تک تو منزل پر پہنچ جاتا
مگر یہ راستے میں پیچ تو راہبر نے ڈالے ہیں

بمحبت میں نظر آتا نہیں اہلِ محبت کو
کہ دنیا میں اندھیرے چھا رہے ہیں یا اجالے ہیں

قمرؔ تسبیح پڑھتے جا رہے ہیں سُوئے بت خانہ
کوئی دیکھے تو یہ سمجھے بڑے اللہ والے ہیں

قمر جلالوی

#LateNightVibes

@threadreaderapp compile