Thread by @mayurjoshi999

एक अथांग समुद्र. यामध्ये असंख्य लाटा.

एक नवीन छोटीशी लाट या समुद्रा मध्ये तयार झाली. तिला पण बेबी लाट म्हणू.

इकडे तिकडे बघून इतके मजा वाटली तिला. छोटे बुडबुडे कायम इकडे तिकडे येत होते. फेस असलेले पाणी. त्या छोट्या बुडबुडे बघून लाटेला वाटू लागले मी

बघा किती मोठी तुमच्यापेक्षा. एवढ्यात कैक मोठ्या लाटा देखील दिसल्या मग थोडीशी हिरमुसली. हळूहळू ही पण मोठी होत होती.

तेवढ्यात तीचे लक्ष किनार्‍यावर गेले. तेथे अनेक लाटा जाऊन जमिनीवर आपटत होत्या किंवा दगडांवर

आपटत होत्या आणि फुटून नष्ट होत होत्या.

तेवढ्यात तिला शेजारी एक मोठी लाट दिसली..

बेबी लाट: काय हो या लाटा किनाऱ्यावर जाऊन मरतात का?

मोठी लाट: हो कोणतीही लाट किनाऱ्या वर जाऊन आपटून फुटून नष्ट होऊन जाते.

बेबी लाट: बापरे🙄🙄😳😳😳😳😳😳😳
म्हणजे मी पण किनार्‍यावर जाऊन मारणार का?

मोठी लाट: हो, जास्तीत जास्त पाच मिनिटाच्या आत .

बेबी लाट: आईच्या गावात....(पुंग्या टाईट)

जाम घाबरली बेबी लाट.

तेवढ्यात मागून एक वेदांत जाणवलेली आणि आणि आत्मसाक्षात्कार झालेली लाट जवळ आली.

वेदांती लाट: काय झाले बाळ? भीती वाटतेय का?

बेबी लाट: हो. मी मरणार आहे. 🥺😕🙁☹️

वेदांती लाट: आजूबाजूला बघ किती पाणी आहे... हे पाणी तर कधीच मरत नाही.

बेबी लाट: असेल असेल...मी काय करू त्याचे? पण माझं काय? मी तर मरणारच आणि किती छान दिसते मी ते रूप आकार देखील जाणार . 🙄🙄

वेदांती लाट: तू कधी स्वतःच्या आत मध्ये काय आहे ते बघितले आहेस का? तुझा आकार छान आहे तू दिसतेस

देखील खूप छान. पण तू स्वतः कष्यापासून बनलेली आहेस हे कधी तू बघितलस का?

बेबी लाट विचारात 🙄🙄🤔🤔

वेदांती लाट: तू देखील पाण्या पासून बनलेली आहेस असे नाही का वाटत तुला? नीट बघ. तुला आकार असला किंवा रूप असले तरीदेखील पाणी आणि तू

अजिबात वेगळे नाही आहात. तुझ्या आकारामुळे पाण्या पेक्षा वेगळी तू आहेस असे तुला वाटत असेल पण तसे अजिबात नाहीये. हो की नाही?

बेबी लाट: ( खरोखर विचार करून व आजूबाजूला आणि स्वतःच्या आत मध्ये बघून) अरे हो की मी देखील पाणीच आहे.

पण तरीदेखील मी मरणार हेदेखील सत्यच आहे.

वेदांती लाट: हो तुझा आकार आणि रूप निघून जाणार हे सत्यच आहे. पण तू कधीही मरत नाही. कारण पाणी रूपाने तू कायम अस्तित्वातच असणार आहेस.

बेबी लाटेला एका प्रकारचे समाधान आणि शांती येऊ लागली होती.

आत्तापर्यंत जे काही बेबी लाटेला समजले त्याला अद्वैत वेदांत म्हणत नाहीत तर त्याला सांख्य शास्त्र असे म्हणतात. अद्वैत वेदांत याच्यापुढे चालू होतो.

अद्वैत लाट पुढे म्हणाली. अजून एक मजा सांगते तुला.

तुझ्या आजूबाजूला जितक्या लाटा दिसत आहेत.

जितके बुडबुडे दिसत आहेत त्यांच्याकडे बघून तुला असे वाटायचं की तू त्यांच्यापेक्षा मोठी आहेस. किंवा मोठ्या लाटा बघून तुला असे वाटायचे की तू खूप छोटी आहेस. पण त्यादेखील पाण्या पासूनच बनलेल्या आहेत हे कधी बघितलेस का? तू देखील पाणी आणि त्या लाटा देखील पाणी. मग कशासाठी गर्व करायचा आणि

कशासाठी डिप्रेस व्हायचे?

बेबी लाट िनार्‍यावर येऊ लागली होती. परंतु आता प्रत्येक क्षण तिला मजेचा वाटू लागला होता. आपण कधीही मरू शकत नाही हे तिला आतून उमजले होते. जोपर्यंत हे रुप आणि आकार आहे तोपर्यंत त्यात मजा करायची. व ज्यावेळी त्या नष्ट होईल त्यावेळी देखील

पाणी म्हणून आपले अस्तित्व उपभोगायचे. जीवन तेच होते परंतु बघायचा दृष्टिकोनच पूर्णपणे बदलल्यामुळे प्रत्येक क्षण अत्यंत आनंदाचा आणि समाधानाचा आणि पूर्ण शांतीचा होता.

अतिव समाधानाने भरलेली ही बेबी लाट खऱ्या अर्थाने किनार्‍याला लागलेली होती.

सामान्य माणसाला अद्वैत वेदांत समजायला कठीण जातो.कारण ते अशा पद्धतीने लिहिलेले आहे हे वाचताना दमछाक होऊ शकते. बुद्धीची आणि विचारांची. त्यामुळे क्लिष्ट काय वाचत बसायचे हा कंटाळा आपण करत असतो. त्यासाठी जास्तीत जास्त सोप्या प्रकारे या गोष्टीत मांडायचा प्रयत्न केला.
#mayurthelonewolf

@__aninda @omkarthatte @KelkarJai @MumukshuSavitri @AdvBHarshada @BrahmandSundari @AditiMumma @PankaajChitnis @AAvdhootdn @ajaypkale @KaduManus @gajanan137 @Rofl_Annu @PreetiSK1103 @ashwinisd86 @krushnanuragini @Motabhaigujratw @saukhya22 @priyamvada22s @GogriBeena