Thread by @DaktariKiongozi

“TUSIKATE TAMAA”
#Uzi shuka nao 👇👇

Kuna wakati kwenye maisha unaweza kujiuliza “Mbona mambo hayabadiliki kwa haraka kama ninavyotaka?”
Unakumbuka kitu kinaitwa “GESTATION PERIOD!?” Yaani ule muda tangu ujauzito umetokea hadi mtoto amezaliwa.

Usisahau, kwenye maisha kuna vitu ni MATOKEO YA MUDA.
Yaani ni kama mama mjamzito, haijalishi ana hamu ya mtoto kiasi gani ni lazima asubirie miezi tisa.
Changamoto kubwa utakayokutana nayo utakapotaka kulazimisha, ni kuishia kuharibu kile kizuri ambacho ulipaswa kukipata.

Kila unachokitamani kwenye maisha huwa kina “gestation period”.
Siku umepata wazo hadi litakapokuwa halisi, kuna muda wa kusubiri.
Siku umeanza kusoma hadi utakapomaliza, kuna muda wa kusubiri.
Siku umekutana na umpendaye hadi mfanikiwe kuishi pamoja, kuna muda wa kusubiri.

Siku umetamani kuwa kiongozi hadi kupata nafasi/ushawishi unayotaka, kuna muda wa kusubiri.
Ukikiuka kanuni hii ukataka “kuzaa” kabla ya muda utapata matatizo,
...sio kwa sababu Mungu hakupendi ila kwa sababu unakiuka kanuni muhimu ya maisha.

Kumbuka wakati huu ULICHOKIBEBA huwa hakionekani ila wewe ndio UNAKIJUA.
Huu si muda wa kutaka kila mtu akuelewe au akukubali.
Ni muda wa kuendelea kulea kile ulichobeba ndani hadi kitakapotokea.

USIKATE TAMAA unapoona wenzako “wameshazaa” na wewe bado uko kwenye “Gestation Period”, zamu yako itafika.
#Tuishi. ✊🏾🙏🏽
Credits: J.Nanauka