Thread by @IAMartin_

ROSA MISTIKA!

Riwaya iliandikwa na Euphrase Kezilahabi na kuchapishwa January 1, 1971, ni kitabu SERIKALI ya Nyerere ilikipiga marufuku sababu zikitajwa maudhui yake yalikuwa ni yenye kudhalilisha (haikuthibitishwa) ukatoliki. Dhehebu ambalo Mwalimu Nyerere alikuwa muumini huko

Watu wanajiuliza, endapo katika riwaya hiyo lingetumika jina la "MwanaAsha" kubeba taswira ya binti Rosa, wakatoliki akiwepo Mwalimu Nyerere wangelikasirika na kuzuia uchapishwaji wa riwaya hiyo ya Euphrase Kezilahabi? Maswali tu, tunajiuliza!

Kanisa katoliki pia likalalamika kwamba Mistika ni moja wapo kati ya sifa za Bikira Maria Mtakatifu (mama wa Yesu). Hivyo ni udhalilishaji kumpa Rosa jina hilo katika riwaya hiyo kwa sababu ni mchafu wa matendo kiwango cha juu katika riwaya hiyo.

Wanawake wa kitanzania nao wakaja juu kwa madai kuwa wamedhalilishwa kupitia matendo ya Rosa yaliyoandikwa kitabuni, inadaiwa kuwa mama mmoja aliwahi kuzimia baada ya kumkuta binti yake akisoma kitabu hicho.

SERIKALI ya Nyerere ikadai kuwa kitabu hicho kinaharibu maadili ya mtanzania kwa kuanika hadharani mambo machafu yasiyoendana na maadili ya mtanzania... Wakapata sababu ya msingi ya kuzuia riwaya hiyo..

Ajabu kabisa, baada ya muda kupita, riwaya hii ya ROSA MISTIKA, inasomwa na wanazuoni na kufundishwa katika vyuo vikuu, Kezilahabi akaendelea kutunga makala ngumu za kiswahili

Riwaya ya Rosa mistika iliandikwa kwa mara ya kwanza mwaka 1971, ilipochapishwa kwa mara ya kwanza, ilipigwa marufuku na wakuu wa chama tawala. Riwaya inamuonesha binti wa Kutoka visiwa vya Ukerewe, katika sura mbali mbali.

Rosa Mistika anaonekana katika riwaya kwa mara ya kwanza akiwa chini ya ulinzi wa bana yake. Baadae anaonekana katika shule ya 'misheni' ambayo ilikuwa ikisimamiwa na watawa wakikatoliki. Baadae akiwa tena chuo cha ualimu akiwa na vituko

Huko akiwa chuo cha ualimu akizunguka miji ya Tanzania, anakutana na ukatili wa maisha ya kisasa. Anashindwa kustahimili vishindo vya maisha hayo kwa sababu awali hakulelewa katika aina hiyo ya maisha. Baadae anaamua kujiua..

Tupate 'summary' kidogo!

Huko kisiwa cha Ukerewe kulikuwa na mwanamke mmoja aliyeitwa Regina. Regina na jamaa yake waliishi pamoja katika kijiji cha Namagondo. Regina alikuwa mzuri sana lakini alikuwa na bwana aliyemtesa.

Regina alikuwa na binti watano; Rosa Mistika, Flora, Honorata, Stella, na Sperantia. Mume wa Regina aliitwa Zakaria na alitaka sana kupata mtoto wa kiume. Regina alikuwa na mimba sasa na alimwomba Mungu ampe mtoto wa kiume.

Usiku mmoja, Regina alikuwa akila chakula cha jioni pamoja na watoto wake. Alizungumza nao juu ya mambo ya malezi. Baadaye walikwenda kulala. Wakati huo huo, Zakaria alikuwa akirudi kutoka mahali pa kunywa pombe.

Alilewa sana na alimwambia Regina kwamba alitaka kuwaona watoto wake. Watoto waliitwa isipokuwa Rosa kwa sababu Rosa alikuwa ameanza kuwa mtu mzima. Zakaria aliwaambia waimbe na kufanya mazoezi ya kijeshi.

Mara Stella alimwambia baba yake kwamba Rosa alipokea barua pamoja na pesa. Zakaria alikasirika. Hakutaka binti zake watembee na mvulana ye yote. Rosa aliitwa na Zakaria na aliulizwa juu ya barua hiyo.

Rosa hakumtaka babake asome barua yake. Alijaribu kuila, lakini Zakaria alimshika Rosa shingo. Zakaria aliipata barua, akaisoma. Barua ilizungumzia mapenzi na Zakaria alikasirika zaidi.

Alikwenda pamoja na Rosa nyumbani kwa mvulana aliyemwandikia Rosa barua.

Mvulana huyo, aliitwa Charles. Zakaria alimtupia Charles shilingi, akamwambia kwamba hakutaka kumwona tena pamoja na binti yake.

Itaendelea....

Leo baada ya kuleta habari za Mwl, J.K Nyerere, nikakumbuka hii riwaya ya Rosa-Mistika na ubabe wa serikali ya Nyerere kuifungia

#MMM