Thread by @tolchintamani01

#CinemaGully
#सिनेमा_पर्व
रॉकेट्री द नंबी इफेक्ट

शब्दांच्या पलीकडचे आहे हे सगळं... एखादा क्षण...एखादा सिन चुकवणे म्हणजे महत्प्रपाप म्हणावं एवढं सुंदर मांडले आहे आर माधवनने आणि ह्या सगळ्यांचे रचयिते आहेत ते म्हणजे...नंबी नारायणन.

खरंच खेदाने मान्य करतो की मंगळयान, पद्मभूषण आणि त्यांनंतर चित्रपटाच्या निमित्ताने...ह्याव्यतिरिक्त ह्या महान व्यक्तीविषयी काहीच माहिती नव्हती...कदाचित जाणून घ्यायचा प्रयत्न केला नाही किंवा त्यांना तेवढे समोरच आणले गेले नाही जेणेकरून सर्वांपर्यंत पोचवेत... विक्रम साराभाई, अब्दुल

कलाम ह्यांच्यासोबतच घडलेलं हे व्यक्तिमत्त्व...ज्याने देशाचे नाव उंचावण्यासाठी ज्या सुखाचा त्याग केलाय त्यासमोर नतमस्तक होण्यापलीकडे काहीच नाहीये आपल्याकडे...पाच वर्षात संपूर्ण कुटुंब कमावेल एवढा पगार एका महिन्याला देण्याची ऑफर धुडकवणारा निव्वळ

अवलिया असू शकतो आणि ह्या अवलियाने ते सर्व केलं ते फक्त देशाचे नाव उंचावण्यासाठी.... त्यापलीकडे कसलीही अपेक्षा नाही.
कमालीची बुद्धी, देशप्रेमामुळे स्वतःला वाहून घेतलेला पण तरीही माणसातल्या उगवत्याकडे नमस्कार आणि मावळत्याला पाठ ह्याचा शब्दशः अनुभव घेऊनही तसूभर न हलता जे मनी

ठरवलं ते साक्षात उतरवूनच दम घेतला ह्यांनी.. देशद्रोहाचा आरोप...त्या काळात भोगलेलं सर्व दुःख,यातना आणि त्यानंतर 24 वर्षांनीही त्या घटनेने कुटुंबावर, स्वतःच्या पत्नीवर ओढवलेली वेळ धीरोदात्तपणे सावरत आजही कित्येकांचे प्रेरणास्थान, भारतीय अंतराळाक्षेत्रातला माईलस्टोन...

ज्याच्या शोधामुळे आज भारत, इस्रो छातीढोकपणे जगाच्या समोर उभी आहे...
भारत जेव्हा सॉलिड इंजिनवर काम नुकतेच सुरू करत होता, त्यावेळी लिक्विड इंजिन्सच्या ध्येय्यापायी अचाट मेहनत करून ते प्रत्यक्षात आणण्यासाठी 400 मिलियन पाउंड किमतीचे इक्युपमेंट्स स्वतःच्या कौशल्याने फक्त शिपिंग

चार्जेसच्या खर्चात भारतात घेऊन येणे ही साधी गोष्ट नाहीये तेही त्या काळात जेव्हा जगातल्या बलाढ्य शक्ती स्वतःच्या हुकुमासाठी कुणालाही लोळवण्यासाठी कोणत्याही थराला जात होते. क्रायजेनिक इंजिनासाठी रशियासोबत केलेल्या वाटाघाटी आणि ते साहित्य भारतात पोचवण्यासाठी केलेले

प्रयत्न आजच्या सर्वोत्तम निगोशीएटरला जमतील की नाही ह्यात शंका आहे. हे सर्व करताना कुटुंबाची काळजी देशानंतर हे एकच मनात ठेवून केलेले प्रयत्न थक्क करणारे आहेत.
कथा, पटकथा, दिगदर्शन ह्या सर्वांसोबत अभिनयातील कौशल्य अक्षरशः कोळून प्यायला आहे आर माधवन.... चित्रपटातले असे कित्येक सिन

आहेत त्यात अश्रू, संताप आणि अभिमान ह्यासोबत अंगावरचे शहारे....चित्रपट बघितल्यानंतर नंबी नारायणन ह्यांचे युट्यूबवरील व्हिडीओ पाहून त्यांच्याबद्दल अजून माहिती गोळा करण्याचा मोह आवरला नाही आणि त्यांनंतर लक्षात आलेली गोष्ट म्हणजे

आर माधवनने तंतोतंत भूमिका सांभाळण्याचार केलेला प्रयत्न, सिमरनने त्यांच्या पत्नीची साकारलेली भूमिका सुद्धा तितक्याच ताकदीची आहे. चित्रपटात थेट निल आर्मस्ट्राँग, युरी, विक्रम साराभाई, अब्दुल कलाम अश्या अनेकांना थेट पटकथेचा भाग म्हणून पाहताना खूप अभिमान वाटतो सर्वांचा...

चित्रपटाचा शेवट तर अप्रतिमच जमवलाय आणि त्यात साक्षात स्वतः नंबी नारायणन ह्यांना पाहिल्यावर दडपण, उत्सुकता, शहारा.....
जाणवलेली गोष्ट नेहमीचीच आहे जी खटकते कायमच...राजकारण...दुर्लक्षित असणारे चेहरे... योग्य वेळी योग्य मदत न मिळालेले.... आपल्याला लागलेला शाप असावा हा कदाचित एखादा.

...जो अश्या व्यक्तींची पाठ काही सोडत नाही....

लक्षात राहिलेले काही क्षण/सीन
१. देशद्रोहाचा आरोप लागल्यानंतर त्यांची आणि कुटुंबाची झालेली अवहेलना
2. IB अधिकाऱ्यांनी केलेल्या चौकशीवेळेचा सीन.... तो अभिनय

3.उन्नी ह्यांना त्याच्याबद्दल लपवलेली माहिती उघड झाल्यानंतरची प्रतिक्रिया आणि त्याच उन्नीह्यांना जेलमध्ये भेटल्यानंतरची अगतिकता
4. घरी परतल्यानंतर पत्नीची अवस्था आणि त्यानंतर दोषमुक्त झाल्याचा कॉल आल्यानंतर स्वतःला व्यक्त करताना जे काही व्यक्त झालाय अभिनयातून ते केवळ अप्रतिम....

काही सीन सोबत जोडत आहे..... जे तितकेच लक्षात राहण्याजोगे आहेत.

5. चित्रपटातील एक कॅमिओ आणि सरप्राईज

कित्येक सीन आणि संवाद आहेत असे जे लक्षात राहण्याजोगे आहेत पण त्यासाठी हा चित्रपट पहावा लागेल तुम्हाला....एकदा नक्कीच पहावा असा चित्रपट.... मेहनत

आणि पूर्ण संशोधन करून मांडलेला विषय...सिनेमॅटिक लिबर्टीचा वापर हा जेवणातल्या मिठाच्या चवीएवढाच... अभिनय तर्रीसारखा कडक आणि विषय हा उर भरून येण्यासारखा.....
@ActorMadhavan @Cool_Rahulya @omkarthatte @anna_chimbori @patilji_speaks @migratorscave @devharshada @prempawar28

@amar_ghodke @angarajkarna @BadalD0 @VinodWayal11 @Manishapangark1 @sameerbhosale44 @Shraddha_b__ @rrrrajput @Muk_Nayak