Thread by @Riaz_Hussain77

#گھڑے کی کہانی

کہا جاتا ہےکہ کسی بادشاہ کا گزر اپنی سلطنت کےایک ایسےعلاقے سے ہوا جہاں کےلوگ نہر سے ہی پانی لیکر پیتے تھے
بادشاہ نے حکم دیا کہ عوام الناس کی سہولت کیلیئے یہاں ایک گھڑا بھر کر رکھ دیا جائے تو زیادہ بہتر رہےگا اور ہر چھوٹا بڑا سہولت کےساتھ پانی پی سکےگا
👇1/14

بادشاہ یہ کہتے ہوئے اپنی باقی کے سفر پر آگے کی طرف بڑھ گیا۔

شاہی حکم پر ایک گھڑا خرید کر نہر کے کنارے رکھا جانے لگا تو ایک اہلکار نے مشورہ دیا یہ گھڑا عوامی دولت سے خرید کر شاہی حکم پر یہاں نصب کیا جا رہا ہے۔ ضروری ہے کہ اس کی حفاظت کا بندوبست کیا جائے اور ایک سنتری
👇2/14

کو چوکیداری کیلیئے مقرر کیا جائے

سنتری کی تعیناتی کا حکم ملنے پر یہ قباحت بھی سامنےآئی کہ گھڑا بھر نےکیلیئے کسی ماشکی کا ہونا بھی ضروری ہے
اور ہفتے کے ساتوں دن صرف ایک ماشکی یا ایک سنتری کو نہیں پابند کیا جا سکتا بہتر ہوگا کہ سات سنتری اور سات ہی ماشکی ملازم رکھے جائیں
👇3/14

تاکہ باری کیساتھ بلا تعطل یہ کام چلتا رہے
ایک اور محنتی اہلکار نےرائے دی کہ نہر سے گھڑا بھرا ہوا اٹھا کر لانا نہ تو ماشکی کا کام بنتا ہے اور نہ ہی سنتری کا
اس محنت طلب کام کیلیئے سات بار بردار بھی رکھےجانےچاہیئں جو باری باری روزانہ بھرے ہوئےگھڑے کو احتیاط سےاٹھا کرلائیں
👇4/14

اچھےطریقے سےڈھکنا لگا کر بند کرکےرکھیں

ایک اور دور اندیش مصاحب نے مشورہ دیا کہ اتنے لوگوں کو رکھکر کام کو منظم طریقےسےچلانے کیلیئےسب اہلکاروں کا حساب کتاب اور تنخواہوں کا نظام چلانے کیلئے منشی محاسب رکھنے ضروری ہونگے
اکاؤنٹ کا ادارہ بنانا ہوگا
اکاؤنٹنٹ متعیین کرنا ہونگے
👇5/14

ایک اور ذو فہم و فراست اہلکار نے مشورہ دیا کہ یہ اسی صورت میں
یقینی بنایا جا سکتاھے کہ ہر کام اچھے طریقے سے چل رہا ہے تو ان سارے ماشکیوں، سنتریوں اور باربرداروں سے بہتر طریقے سے کام لینے کیلیئے ایک ذاتی معاملات کا ایک شعبہ قائم کرنا پڑے گا۔

ایک اور مشورہ آیا کہ
👇6/14

یہ سب کچھ ٹھیک ہو رہا ہے مگر ملازمین کے درمیان میں لڑائی جھگڑا یا کوئی زیادتی ہو جاتی ہے تو ان کا تصفیہ اور ان کے درمیان میں صلح صفائی کون کرائے گا؟ تاکہ کام بلاتعطل چلا رہے، اس لیئے میری رائے میں خلاف ورزی کرنے والوں اور اختلاف کرنے والوں کی تفتیش کے لیے ایک قانونی
👇7/14

امور کا محکمہ قائم کیا جانا چاہیے

ان سارے محکموں کی انشاء
کےبعد ایک صاحب کا یہ مشورہ آیا کہ سارے انتظام پر کوئی ہیڈ بھی مقرر ہوناچاہیئے۔ایک ڈائریکٹر بھی تعیینات کر دیا گیا

سال کے بعد حسب روایت بادشاہ کا اپنی رعایا کے دورے کے دوران اس مقام سے گزر ہوا تو اس نے دیکھا
👇8/14

کہ نہرکے کنارے کئی کنال رقبے پر ایک عظیم الشان عمارت کا وجود
آچکاھے جس پر لگی ہوئی روشنیاں دور سے نظر آتی ہیں اور عمارت کا دبدبہ آنکھوں کو خیرہ کرتا ہے عمارت کی پیشانی پر نمایاں #وزارت انتظامی امور برائے #گھڑا کا بورڈ لگا ہوا ہے

بادشاہ اپنےمصاحبین کےساتھ اندر داخل ہوا
👇9/14

تو ایک علیحدہ ہی جہان پایا عمارت میں کئی کمرے، میٹنگ روم اور دفاتر قائم تھے۔ ایک بڑے سے دفتر میں، آرام کرسی پر عظیم الشان چوبی میز کے پیچھے سرمئی بالوں والا ایک پر وقار معزز شخص بیٹھا ہوا تھا جسکے سامنےتختی پر اسکے القابات "پروفیسر ڈاکٹر دو جنگوں کا فاتح فلان بن فلاں
👇10/14

ڈائریکٹر جنرل برائے معاملات سرکاری گھڑا"لکھا ہوا تھا۔

بادشاہ نےحیرت کے ساتھ اپنے وزیر سے اس عمارت کا سبب پوچھا، اور ساتھ ہی اس عجیب و غریب محکمہ کے بارے میں پوچھا جس کا اس نے اپنی زندگی میں کبھی نام بھی نہیں سنا تھا۔

بادشاہ کے وزیر نے جواب دیا: حضور والا، یہ سب کچھ
👇11/14

آپ ہی کے حکم پر ہی تو ہوا ہے جو آپ نے پچھلے سال عوام الناس کی فلاح اور آسانی کیلیئے یہاں پر گھڑا نصب کرنے کا حکم دیا تھا۔

بادشاہ مزید حیرت کے ساتھ باہر نکل کر اس گھڑے کو دیکھنے گیا جسکو لگانے کا اس نے حکم دیا تھا۔ بادشاہ نے دیکھا کہ گھڑا
نہ صرف خالی اور ٹوٹا ہوا ہے
👇13/14

بلکہ اس کے اندر ایک مرا ہوا پرندہ بھی پڑا ہوا ہے۔ گھڑے کے اطراف میں بیشمار لوگ آرام کرتے اور سوئے ہوئے پڑے ہیں اور سامنے ایک بڑا بورڈ لگا ہوا ہے:
#گھڑے کی مرمت اور بحالی کیلیئے اپنے عطیات جمع کرائیں۔ منجانب وزارت انتظامی امور برائے گھڑا"

بلکل اسیطرح ہمارے ملک
👇14/15

میں بھی متعدد ایسی وزارتیں ، محکمے اور تقرریاں ملینگی، جن کی سرے سے کوئی ضرورت ہی نہیں۔ اور کام بھی 0 ہوتا ہے۔ ہمارے وفاقی و صوبائی اسیمبلی میں بیٹھے ہوئے لوگ صرف اپنوں کو نوازنےکے لیے ملک کو دونوں ہاتھوں سے لوٹتے آرہے ہیں۔
ختم شد
پلیز فالو اور شیئر کریں🙏