Thread by @WaghamareVikas

गेले दोन - तीन दिवस झाले उद्धव ठाकरे यांच्या मुलाखतीचे टिझर येताहेत, ते पाहत असताना कमालीची कीव येते, इतक्या टुकार गप्पा आणि टोमणे केवळ तेच मारू शकतात. मुलाखत पाहणं सोडा, टिझरही पाहणं जीवावर येतंय. मात्र त्या टिझरमध्ये सर्वात जास्त भांडवल काय असेल तर ते त्यांच्या आजारपणाचं आहे.+

केवळ आजार, आजार आणि आजार या शिवाय त्यांनी वेगळं काही त्यात सांगितलं असेल असं मला वाटत नाही.
मला हे ऐकत असताना भाजपाचे गोव्याचे माजी मुख्यमंत्री स्व. मनोहरजी पर्रीकर यांचा फोटो सतत डोळ्यासमोर येत होता. एका दुर्धर आजाराशी झुंज देत असताना आपण एका राज्याचे मुख्यमंत्री आहोत,+

आपल्यामुळे राज्याचे नुकसान होऊ नये हे लक्षात ठेवणारा आणि कर्तव्याशी इमान ठेऊन अक्षरशः शेवटच्या श्वासापर्यंत जीव ओतून काम करणारा दुसरा कोणताच नेता देशाने अनुभवला नाही. ना कधी त्यांनी त्या आजाराचं भांडवल केलं, ना त्यावर कधी चकार शब्द!
नाकाला नळी लावलेली असताना सभागृहात आलेला हा+

नेता असामान्य आहे. उद्धव ठाकरे सातत्याने मी आजारी होतो हे सांगत आहेत, पण सांगताहेत कुणाला? आणि कशासाठी? तेच कळत नाही.
मनोहरजी पर्रीकर हेही मुख्यमंत्री होते आणि उद्धवजी सुद्धा मुख्यमंत्री होते मात्र मनोहरभाईंनी जे कमावलं त्याच्या जवळपासही उद्धवजींना जाता आलं नाही, खरंतर यांची+

तुलनाच होऊ शकत नाही. त्या मुलाखतीतून आजारपणाचे भांडवल करून सहानुभूती मिळवण्याची जी निन्जा टेक्निक उद्धवजींनी वापरली आहे, ती सपशेल फेल गेलीय, उलट ते सगळं जुगाड ऐकून लोकांना हसू यायला लागलंय.
कामाशी निष्ठा आणि आत्मीयता असायला हृदयात राष्ट्र प्रथम हे ब्रीद जगणारी माणसं असायला हवीत.+

"कार्यमग्नता जीवन व्हावे, मृत्यू ही विश्रांती" हे मनोहरजी पर्रीकर यांनीच सार्थ जगलं... भाई राजकारणातले राजहंस होते!❤️🌷🙏

- विकास विठोबा वाघमारे
वाघोली, ता. मोहोळ, जि. सोलापूर
#vikaswaghamare #mohol