Thread by @Gnaanapragaasan

பேரன்பிற்கும் பெருமதிப்பிற்கும் உரிய @Arunrajakamaraj!

#நெஞ்சுக்குநீதி படம் இன்றுதான் பார்த்தேன்!
நெகிழ வைத்து விட்டீர்கள்!🥲🥲
பல இடங்களில் கண்ணீரைக் கட்டுப்படுத்திக் கொள்ள வேண்டி வந்தது, கதையின் சோகத்தினால் மட்டுமில்லை பெருமிதத்தினாலும்!
<1/11>

https://twitter.com/kalaignartv_off/status/1559087496700407808?s=20&t=kSpnw4mT6hFhh2EyQEv3dQ

"கொட்டுற தெய்வம் கூரைய பிச்சி
கொட்டுன்னுதானே சொன்னாங்க?
கூரையுமில்லா வீட்டுல வாழும்
எங்களை எதுக்கு கொன்னாங்க?"- என்ற பாடல் வரியில் சோகத்தால் கண்ணீர். கடைசியில் எல்லோரும் ஒரே மேசையில் அமர்ந்து தேநீர் அருந்தும்பொழுது பெருமிதத்தால் கண்ணீர். கண்ணீருக்குத்தான் பாகுபாடு இல்லையே!
<2/11>

எனவேதான் சோகத்திலும் வருகிறது, பெருமிதத்தாலும் வருகிறது!🥲

ஒரு படம் பார்க்கையில் இத்தனை தடவை மெய்சிலிர்க்குமா? இந்தப் படத்தில் அது நிகழ்கிறது. கொல்லப்பட்ட நம் தங்கை அனிதாவுக்குப் படத்தில் மருத்துவ அங்கி மாட்டி அழகு பார்த்திருக்கிறீர்கள்! அந்த ஒரு காட்சியே கோடி பெறும்!
<3/11>

1) முழுப் பெயர் கேட்கும் இடங்கள்
2) இந்தித் திணிப்புக்கு எதிரான காட்சி
3) காவல்துறைக்குள் சாதிய மனப்பான்மை
4) தாழ்த்தப்பட்டவர்களை மனிதர்களாகவே பார்க்காத மேட்டிமைத் திமிர்
5) மேல்சாதி கீழ்சாதி என எல்லாருக்குள்ளும் கொஞ்சம் ஒட்டியிருக்கும் சாதியப் பார்வை
- இன்னும் இன்னும் என
<4/11>

கிடைக்கும் அத்தனை இடைவெளிகளிலும் ஆப்படித்திருக்கிறீர்கள்!

கூட்டுப் பாலியல் வன்புணர்வுக் கதையை எந்த இடத்திலும் முகம் சுளிக்க வைக்காமல் காட்சிப்படுத்தி அதே நேரம் சொல்ல வந்த கருத்தைக் காரமும் ஈரமும் குறையாமலும் சொன்ன விதம் அசத்தல்!
<5/11>

உரையாடல் ஒவ்வொன்றும் வெடிமருந்து!

"30 ரூபா கூலி ஜாஸ்தி கேட்டதுக்கா அடிச்ச?" என்ற கேள்விக்கு "இல்ல, ஜாஸ்தி கேட்டதுக்கு" என்ற மறுமொழி கீழவெண்மணிப் படுகொலைகளுக்குப் பின் இருந்த வன்மத்துக்கு 54 ஆண்டுகள் கழித்துப் புது விளக்கம் தருகிறது!
<6/11>

எல்லாவற்றுக்கும் மேலாக நம் சமுகத்தின் உண்மையான வில்லன் யார் என்பதை உருவமாகவே காட்டி விட்ட உங்கள் துணிச்சல் உச்சக்கட்டம்!🫡

இதில் பார்ப்பனராக நடிக்கத் துணிந்து முன்வந்த சுரேசு சக்கரவர்த்தி அவர்களுக்குத் தலை வணக்கம்!
<7/11>

படத்துக்குக் கதைத்தலைவனாக @Udhaystalin அவர்களை நீங்கள் தேர்ந்தெடுத்தது செம்மை! இதன் மூலம் படத்தின் கருத்து மக்களுக்கானதாக மட்டுமின்றி தேசிய அரசியல் மட்டத்திலுமானதாக உயர்ந்து நிற்கிறது!
<8/11>

சாதியின் கொடூரத்தை அறியாமலே அதைச் சரி என நினைத்துக் கடைப்பிடிக்கும் சராசரித் தமிழனாகக் கடைசியில் மயில்சாமி அவர்களின் நடிப்பு விழிப்புணர்வற்ற கோடிக்கணக்கான மக்கள் நெஞ்சில் நீங்கள் அள்ளி வைத்த நெருப்பு!
<9/11>

தயவு செய்து இந்தப் படத்தை இந்தியிலும் மொழிமாற்றம் செய்து வெளியிடுங்கள்! நாட்டிலுள்ள அத்தனை பேருக்கும் உறைக்கட்டும்!

ஆனால் இவ்வளவும் இருந்தாலும் திரைமொழியைப் பொறுத்த வரை ‘கனா’வில் இருந்த உலகத்தரம் இதில் கொஞ்சம் குறைவுதான். ஏன்? அடுத்த படத்தில் இன்னும் கவனம் வேண்டுகிறேன்!
<10/11>

முதல் படத்தில் பெண்மையின் பேராண்மையும் இந்திய வேளாண்மையும். இந்தப் படத்தில் சாதியம். அடுத்தது என்ன? காத்திருக்கிறோம் ஆவலுடன்!

மற்றபடி இப்பேர்ப்பட்ட ஒரு படைப்பை எங்களுக்கு வழங்கியமைக்காகத் #தமிழ் மக்கள் அனைவர் சார்பிலும் நெஞ்சம் நெகிழ் நன்றி!🙏🏾
#NenjukkuNeedhi #UdhayanidhiStalin