Thread by @kingsmanT11

#Thread
"सत्ताधारी पक्ष आणि सरकारी यंत्रणा"

भाजपचे नेते- जे लोकशाहीत अधिकृतपणे कुठल्याही शासकीय प्रशासनात सहभागी नाही.
ते प्रेस कॉन्फरन्स घेतात, विरोधी पक्षांतील नेत्यांवर भ्रष्ट्राचाराचे आरोप करतात, अन शासकीय यंत्रणा लगेच कारवाई करतात..! याचा अर्थ जनतेने नक्की काय घ्यायचा ?

ज्या पक्षाचे सरकार आहे त्या पक्षातील पक्षातील नेते पदाधिकारी यंत्रणेत हस्तक्षेप कसा काय करू शकतात ? अन त्यांनी दिलेले पुरावे व तत्सम बाबींवर तातडीने होकारार्थी निर्णय घेऊन, सरकारी यंत्रणेतील लोक संबंधीत विरोधी पक्षातील नेत्यांची चौकशी मोठ्या वेगाने करतात, आणि थेट अटक करतात..!

नीट पाहिलं तर त्या राजकीय पक्षांनी केलेले आरोप हे फारसे मोठ्या स्वरूपाचे नसूनही, त्या यंत्रणा केवळ हुकमावरून असा हावभाव दाखवतात जणू काय त्यांनी भारत सरकारची तिजोरी फोडलीय. मला वाटत अशा आकसभावनेतून केलेल्या कारवाया समाजात, अन त्या विरोधी पक्षात एक विक्षिप्त मत तयार करत आहेत..!

याचे वाईट परिणाम देशाच्या कार्यकारी, संसदीय, न्यायपालिका या मंडळावर होणारे व संविधानीक प्रक्रियेला सुडाची संसर्गजन्य बाधा करणारे असून. यापुढे जनमत बदलून सत्ता बदल झाला अन, सत्तेत नवीन आलेले किंवा पूर्वीचे विरोधीपक्ष सत्तेत आले तर ह्याच पद्धतीने वागण्याची शक्यता नाकारता येत नाही

कारण इतर सजीव वृत्ती असो किंवा मानवी वृत्ती जात्याच सूडबुद्धीने वागणारी आहे. आणि आतापर्यंत राजकीय,सामाजिक, सांस्कृतिक, धार्मिक इतिहास याची प्रबळ उदाहरणे आणि ग्वाही देतो. याच कारणे जनतेतील संविधानावर श्रध्दा असलेल्या सुजाण व बुद्धिजीवी वर्गाला ह्याच प्रकारची धास्ती आहे..!

भारतात उद्या चालून काँग्रेस सरकार आले तर मी तरी किंवा कुणीही खात्री देणार नाही, की या यंत्रणांच्या सूड कारवाई थांबवतील. कारण हेच की त्याना गतवर्षात झालेला ज्या कारवाया होत्या त्याच्या त्रासाचा वचपा काढून मानसिक आनंद मिळेल किंवा आपल्या पुढील राजकीय भविष्यासाठी मोकळे रान मिळेल.

पण याने लोकशाहीच्या रचनात्मक भव्य आणि सुंदर व्यवस्थेचा मनोरा पोखरला जात असून, त्यात जर पुढे सत्तेत येऊन कुणी आणखीचे ठोसे दिले तर तो मनोरा सर्वांच्या अंगावर धाडदिशी कोसळेल, परंतु यात हकनाक चिरडले जातील ते या भिकार भानगडीचा लांबवर संबंध नसणारे सामान्य नागरिक..!
हे कितपत ठीक आहे ?

लोकशाही व्यवस्था हवी असणारे काही-काही लोक याबाबत जागरूक आहेत. मात्र यावर त्यांच्याकडून कुठलीही ठोस प्रभावी कृती होताना दिसत नाही. ही फार चांगली बाब नाही.
लोकांचा ह्या सर्व बाबीकडे असलेला दुर्लक्षित व्यवहार हा लोकशाहीला मारक आहे. मला वाटत सध्या तरी ह्यावर सकारात्मक जागरूकता हवी.

याने, सत्ताधारी पक्षाच्या एकाधिकारशाही महत्वाकांक्षेला खीळ बसण्यास मदत होईल..!

हा मुद्दा मुळातच सार्वत्रिक चर्चिण्याचा आहे. यावर माझ्या सभोवताली जी बुद्धिजीवी लोकांची आणि माझी साधकबाधक चर्चा झाली त्यातुन जो सारांश निघाला तो अपल्यापुढं मांडला आहे. आपल्याला जरूर पटेल.
#जय_हिंद 🇮🇳

#Thread 👆👆
सत्ताधारी पक्ष आणि सरकारी यंत्रणा.

@sachin_inc @Anand_Dasa88 @Bina_j_2000 @AquarianTruths @WriterDeepak @deepakbhatuse @TulsidasBhoite @ashish_jadhao @ShrimantManey @Chav0_ @bhiku_09 @AdbhutBhoot @DrVidyaDeshmukh @Am_here_DURGA @PoulAyodhya @KayandeDr @SahilVastad

@UnrollHelper