Thread by @tolchintamani01

#CinemaGully
#remake
#bollywood

रिमेकचं भूत
जेव्हा मी लहान होतो, तेव्हा आमिर खानचा 'गजनी', सलमानचा 'वॉन्टेड' आणि अक्षय कुमारचा 'रावडी राठोड' आला होता. त्या काळात रिमेक म्हणजे काय हे कितीतरी लोकांच्या गावी नव्हतं. त्यामुळे सीन टू सीन कॉपी केलेला चित्रपट आम्ही

बघायचो आणि अचंबित व्हायचो. त्या चित्रपटांनी जवळपास 100 करोड गल्ला जमवला. ही झाली 2011-12 पर्यंतची गोष्ट. नंतरसुद्धा हॉलिडे सारखे चित्रपट रिमेक होऊन येतच होते. हिटसुद्धा व्हायचे.
गोष्ट अशी झाली,की त्यानंतर भारतात OTT ने जम बसवला. Youtube तर होतंच. डब मूवी च्या

नावाखाली जिथे सेट मॅक्स वर नागार्जुनचा 'मेरी जंग: One Man Army', 'Don No. 1' यासारखे मोजके चित्रपट बघायला मिळायचे, त्या जागी आता बरेच मूळ चित्रपट,मग ते दाक्षिणात्य असोत किंवा जगभरातील कोणतेही चित्रपट उपलब्ध होऊ लागले. माझ्या मते शेवटचा सुपरहिट ठरलेला रिमेक 'Simba' आहे.

मग 2020 मध्ये lockdown लागला, जनतेने अक्षरशः OTT वर प्रचंड सिनेमे बघितले. त्यात सुशांत सिंग रजपूत प्रकरण झालं. तो एक वाद निर्माण झाला. चित्रपटगृहे जशी उघडली, तशी भरमसाठ तिकिटांची रक्कम, डोक्यात असलेला राग आणि घरी बसून जर का मला ओरिजिनल बघायला मिळत असेल, तर मग मी कॉपी का बघू!

असा काहीसा मानस तयार झाला. त्यामुळे गेल्या 2 वर्षात जे काही रिमेक आले, ते दणकून आपटले.
त्यामानाने जे स्वतःचं काहीतरी घेऊन आले,ते सिनेमे चालले. आजचा प्रेक्षक बदललेला आहे. जोपर्यंत तुम्ही त्याला काही भव्यदिव्य किंवा मनाला भुरळ पडणारं दाखवू शकला नाहीत, तर तो पाठ फिरवतो.

जर हिंदी चित्रपट काढणाऱ्यांना प्रेक्षक पुन्हा हवा असेल, तर त्यांनी रिमेकचं भूत डोक्यावरून उतरवायला हवं, असं एक प्रेक्षक म्हणून माझं प्रामाणिक मत आहे.