Thread by @jayahanuma

ఇవాళ #రాధాష్టమి(#భాద్రపద_శుద్ధ_అష్టమి)
రాధాదేవి గురించి కొన్ని విషయాలు తెలుసుకుందాం.
🕉రాధాదేవి అమ్మవారి 5
పూర్ణబ్రహ్మస్వరూపాల్లో ఒకళ్ళు.(దుర్గ-లక్ష్మీ-సరస్వతి-గాయత్రి-రాధ)
🕉ఈ 5 స్వరూపాలు మనలో ఉండే 5శక్తులకి ప్రతిరూపాలు(ఇచ్చాశక్తి, ఐశ్వర్యశక్తి,జ్ఞానశక్తి,వేదశక్తి, ఆనందశక్తి)

🕉బృందావనం లో నంద,యశోదాదేవి పుత్రుడుగా
శ్రీకృష్ణుడు శ్రావణ బహుళాష్టమి రోజు జన్మించాడు.

🕉బృందావనం లోనే, వృషభానుడు & కళావతి అనే దంపతులకు రాధాదేవి భాద్రపద శుక్ల అష్టమి రోజు జన్మించింది.

🕉వృషభానుడు,కళావతి పితృదేవతల లోకానికి చెందినవాళ్ళు పూర్వ జన్మలో.

🕉అమ్మవారు 3 సార్లు ముగ్గురికి కుమార్తెగా వచ్చింది.
1.మేనాదేవి,హిమవంతులకు గౌరీదేవిగా,
2.కళావతి,వృషభానుడికి రాధాదేవిగా,
3.ధన్యా(సుమేధా),జనకమహారాజుకి సీతాదేవిగా.

🕉రాధాదేవి, ఉసీరవ మహారాజు తపస్సుకు ఫలితంగా ఒక చిన్న శిశువుగా(అయోనిజ)ప్రత్యక్షమయ్యి తనని ఒక కమలంలో ఉంచి వెళ్ళమని చెప్పి

ఆ రాజుకి మోక్షం ప్రసాదిస్తుంది.
🕉తరువాత కళావతి,వృషభానుడికి కమలంలో ఉన్న శిశువుగా దొరుకుతుంది.
🕉రాధాదేవి జన్మస్థలం ఉత్తరప్రదేశ్ లో మధురకి 13 కిలోమీటర్ల దూరంలో ఉన్న RAVAL అనే ప్రదేశంలో జరిగింది.(ఇప్పటికీ అక్కడ రాధాదేవి గుళ్లో అమ్మవారిని చిన్న శిశువుగా ఉన్న పాలరాతి విగ్రహంగా

పూజలందుకుంటోంది.)
🕉రాధాదేవి పుట్టాక కళ్ళు తెరవలేదుట,శ్రీకృష్ణుడి చేతి స్పర్శ తగిలేంత వరకు!!..
తాను కళ్ళు తెరిచి చూసే మొదటి వ్యక్తి శ్రీకృష్ణుడు అవ్వాలని ఉద్దేశంతో.
🕉యుక్తవయస్సులో ఆమె శ్రీకృష్ణుడితో వివాహం కోసం ఏమి చెయ్యాలి అని గర్గ మహామునిని అడిగితే ,ఆయన "తులసీపూజ"

చెయ్యమన్నారట.
🕉రాధాదేవి భక్తికి మెచ్చిన తులసి, వృక్షరూపం లోంచి మానవరూపం దాల్చి,రాధాదేవిని కౌగిలించుకుని, తనలోని శక్తిని ధారపోసింది.
🕉బృందావనంలో శ్రీకృష్ణుడితో నీకు వివాహం జరుగుతుంది అని ఆశీర్వదించింది.
🕉శ్రీకృష్ణ,రాధాదేవి వివాహం లౌకికమైనది కాదు.
సాక్షాత్తూ బ్రహ్మ దేవుడే

వీరిరువురికి వివాహం జరిపిస్తాడు.
🕉ఇది భక్తి లేదా భక్తుడు..భగవంతుడిలో ఐక్యం కావడంగా  భావించాలే తప్ప మాములు పెళ్లి అని అనుకోకూడదు.
🕉వీరి వివాహం "పౌర్ణమాసీదేవి" జరిపించింది అని ప్రతీతి.ఈ అమ్మవారి గుడి బృందావనంలో చూడచ్చు.
🕉వివాహానంతరం అమ్మవారికి శ్రీకృష్ణుడే స్వయంగా పట్టాభిషేకం

కూడా జరిపిస్తాడు.
🕉అమ్మవారికి కిరీటాన్ని అలంకరించి #బృందావనేశ్వరి"-#మహాభావస్వరూపిణీ"అని కీర్తిస్తాడు.
🕉నిధి కుంజ్ & సేవా కుంజ్ పేర్లతో  బృందావనంలో ఉన్న ఉద్యానవనాల్లో ఇప్పటికి రాత్రివేళల్లో రాధా కృష్ణులు, గోపికలు సంచరిస్తూ ఉంటారు అని భావనతో, సాయంత్రం6:30 తర్వాత లోపలికి

ఎవ్వరిని అనుమతించరు.
🕉దానికి గుర్తుగా ఇప్పటికీ ఆ వనంలో ఉన్న చెట్లు వింతకాంతితో మెరవడం, గజ్జెల శబ్దాలు వస్తాయి అని అక్కడి ప్రజలు చెప్తారు.
🕉రాధా అంటే నిరంతరం భక్తి,ప్రేమ,ఆసక్తి ...ఆ భగవంతుని మీద.
🕉రాధాశక్తి -కృష్ణప్రేమని ఇస్తుంది.

🕉లలితా సహస్రనామాల్లో --ప్రేమరూపా, ప్రియంకరి,రతిరూపా,రతిప్రియా భక్తిరూప,భక్తివశ్యా...ఇవన్నీ రాధాదేవి గురించి చెప్పినవే.
🕉రాధానామస్మరణ మనకి భగవదనుగ్రహం లభించేలా చూస్తుంది.
🕉#రాధ అక్షరాలు తారుమారు చేస్తే #ధార!!
అంటే రాధతో కూడిన కృష్ణునికి పూజ చేస్తే,స్వామి కరుణ,దయ మనమీద ధారగా

వర్షిస్తుంది,మనకి స్వామి శాశ్వత నివాసమైన #గోలోకం చేరేలా అనుగ్రహిస్తుంది🙏🏻

🎵రాధే రాధే బృందావనీశ్వరి,
రాధే రాధే వృషభాను నందిని,
రాధే రాధే శ్రీకృష్ణ రంజని,
రాధే రాధే రాధేశ్వరిదేవి,
రాధే రాధే రసమండలనాయకి.
🎵

శ్రీ సామవేదం షణ్ముఖశర్మ గారి  #రాధాష్టమి" ప్రవచన సారాంశం🙏🏻

అందరికీ #రాధాష్టమి_పర్వదిన_శుభాకాంక్షలు💐
Pic courtesy Google