Thread by @jayahanuma

#గడ్డికి #గరిక కీ చాలా తేడా ఉందండీ.
గరిక పొడవుగా,రెండు పక్కలా చాలా పదునుగా (rajor sharpness)ఉంటుంది.

గడ్డి పొట్టిగా, మెత్తగా ఉంటుంది.
మొదటి చిత్రం గరిక,రెండోది గడ్డి

పచ్చి గరిక ని ఎండపెడితే పవిత్రమైన  దర్భలు గా తయారవుతాయి.వాటికి అప్పుడు  పూజల్లో వాడే #అర్హత,#పవిత్రత వస్తుంది.గరుత్మంతుడు అమృతం తెచ్చి గరిక మీద ఉంచాడు.. #పవిత్రత పోకుండా ఉండేలా...పాములు ఆత్రంగా ఆ పాత్ర ని కదిలిస్తే అమృతం గరిక మీద ఒలికి పోవడం,దానిని నాకిన పాముల నాలుక రెండు గా

చీలిన సంగతి తెల్సిందే కదా!!   

అసలు గురుకులంలో చదివే విద్యార్థులకు మొట్టమొదట ఈ దర్భలు ఎంత జాగ్రత్తగా, చేతులు తెగకుండా ఎలా కోయాలో,ఎలా జాగ్రత్తగా ఎండబెట్టి దర్భలు గా తయారుచేసి నిల్వ చేయాలో నేర్పిస్తారు.చాలా నైపుణ్యం కావాలి ఆ పని చెయ్యడానికి.అందుకే ఏ పని ఐనా చాలా జాగ్రత్తగా,

నేర్పుతో,నైపుణ్యతతో చేసేవారికి #కుశాగ్రబుద్థి  ఉంది అనే నానుడి వచ్చింది.
కుశము అంటే దర్భ. అగ్రభాగాన్ని (upper part  of DARBHA)జాగ్రత్తగా,మెళుకువతో కట్ చేయడం అనే అర్థం తో.   

ఇక మీరన్నట్లు బుద్ధి గడ్డి తినడం అంటే "ఒక పని చెయ్యడం తప్పు అని తెలిసి కూడా కావాలని ఆ పని

ఏదైనా లాభం వస్తుంది కదా అనో,ఎవరికీ తెలియదు కదా అనో చేయడం"
అన్నం తినే మనుషులు ఐతే
అలాంటి పని చెయ్యకూడదు,గడ్డి తినే పశువులాగా మంచీ చెడూ విచక్షణ  లేకుండా చేసారు అని ,ఇంకెప్పుడూ చెయ్యవద్దు అని హెచ్చరికగా అనే మాట.పశువుతో పోల్చడం కంటే అవమానం ఇంకేం ఉంటుంది!!

పౌరుషం ఉన్న వ్యక్తి ఐతే మళ్ళీ ఆ రకమైన పని చెయ్యరు.

ఇక గణపతికి గరిక తో అలంకరణ చేస్తామే తప్ప #వండి_వడ్డించమనలేదు కదండీ!!
మన  పెళ్ళిళ్ళు, ఏదైనా ఫంక్షన్లలో రకరకాల పువ్వులు, ఆకులు, గడ్డి తో అలంకరణ చేస్తారు కదా.
తినడం వేరే అలంకరణ వేరే!!

నిజానికి గరిక తో పచ్చడి చేసి తినవచ్చు కూడా..కొన్న వ్యాధులకు మందు గా గరికతో చేసిన పదార్థాలు ఆయుర్వేద చికిత్స లో ఉపయోగిస్తారు.

ఈ వివరణ అంతా ఈ ప్రశ్నకి సమాధానం