'యాడికి' పట్టణానికి ఆ పేరేలా వచ్చింది ?
యాడికి -
భైరవకొండ సమీపంలోని మాత్యేని కోట అనే పేరు గల కొండ మీద మాల్యవంతుడు అనే మిక్కిలినేని కమ్మ నాయకుడు ఉండేవాడు. అతన్ని అండలో అనేకమంది వేటగాళ్లు ఉండేవారు. వారు ఉదయమంతా తలో దిక్కుకు వేటకు వెళ్లి, సాయంత్రం గ్రామం చేరేవారు.
యాడికి -
భైరవకొండ సమీపంలోని మాత్యేని కోట అనే పేరు గల కొండ మీద మాల్యవంతుడు అనే మిక్కిలినేని కమ్మ నాయకుడు ఉండేవాడు. అతన్ని అండలో అనేకమంది వేటగాళ్లు ఉండేవారు. వారు ఉదయమంతా తలో దిక్కుకు వేటకు వెళ్లి, సాయంత్రం గ్రామం చేరేవారు.
ఒక నాడు మాల్యవంతుడు ఈ వేటగాళ్లను పిలిచి తాను మాత్యేని కోట సమీపంలో ఒక గ్రామము నిర్మించదలచానని, మీరంతా వేట నిమిత్తం అరణ్యాలలో సంచరిస్తూ ఉంటారు కాబట్టి, గ్రామం కట్టడానికి ఉత్తమమైన ప్రాంతం తనకు తెలియపరచమని వారిని అడిగాడు.
వారు తామంతా వేటకు వెళ్లి, గ్రామం నిర్మించడానికి అనువైన ప్రాంతాన్ని వెతికి మాల్యవంతుడికి విన్నవిస్తామని చెప్పి తలో దిక్కూ వేటకు వెళ్లారు.
ఆ సాయంత్రం కిలారి నాయుడు అనే వేటకాడు తప్ప మిగతా వారంతా మాత్యేని కోట చేరుకున్నారు.
ఆ సాయంత్రం కిలారి నాయుడు అనే వేటకాడు తప్ప మిగతా వారంతా మాత్యేని కోట చేరుకున్నారు.
కిలారి నాయుడు రాలేదని తెలుసుకున్న మాల్యవంతుడు కిలారి నాయుడు 'యాడికి' పోయినా వెతికి తీసుకుని రండని ఆ వేటగాళ్ళకి చెప్పగా వారంతా సమీపంలో ఉన్న మరో కొండ వద్దకు వెతకడానికి వెళ్లారు. కొండను సమీపించే సరికి సాయంత్రం అవ్వడంతో “కిలారి నాయుడా! యాడికి పోయి ఉన్నావో? చీకటి, మాకు తెలియదు” అని
అరుచుకుంటూ కొండ ఎక్కసాగారు. వారి అరుపులు విన్న కిలారి నాయుడు, తాను కొండ మీద ఉన్నానని అలాగే అరుచుకుంటూ కొండమీదకు రమ్మని చెప్పగా, యాడికి యాడికి అని అరుచుకుంటూ తక్కిన వేటగాళ్లంతా కొండ మీదకి చేరుకుని, కిలారి నాయుడిని కలుసుకున్నారు.
ఎందువల్ల నీవు గ్రామానికి రాలేదు అని కిలారి నాయుడిని మిగతా వేటగాళ్లు ప్రశ్నించగా, ఈ కొండ కింద తన వేటకుక్కులు కుందేలుని చూసి దాని మీదకి ఉరకగా, కుందేలు కుక్కలను ఎదురించి నాలుగు ఘడియలు పోరాడిందని, అందువలన కుక్కలను తీసుకుని కొండ మీదకి చేరేసరికి ఆలస్యం అయ్యిందని,
ఈ స్థలానికి మహిమ ఉన్నదని కిలారి నాయుడు తెలపగా ఇక్కడే ఒక గ్రామం కట్టి ఆ గ్రామనికి యాడికి అనే పేరు పెడితే బాగుంటుందని వేటగాళ్లు అందరూ తీర్మానించుకుని, ఆ రాత్రి అక్కడే నిద్రజేసి పొద్దున జరిగిన వృత్తాంతం అంతా మాల్యవంతం నాయుడికి తెలియజేశారు.
అప్పుడు అక్కడ గ్రామం కట్టించమని మాల్యవంత నాయుడు కిలారి నాయుడిని, తన తమ్ముడు ఉద్దండయ్య ను పురమాయించగా వారు అక్కడ అడవిలో చెట్లు నరికించి, గుడిశెలు వేయించి, ఈశాన్య భాగాన అంకాలమ్మను, పూర్వ భాగాన పోతురాజును ప్రతిష్టించి, ఆ గ్రామానికి యాడికి అని పేరు పెట్టారు.
మూలం : యాడికి కైఫీయత్తు
మూలం : యాడికి కైఫీయత్తు
• • •
Missing some Tweet in this thread? You can try to
force a refresh
