Thread by @DrNagajothi11

பெரும் கூட்டம் ஏற்றுக் கொள்ளாத பேசத் தயங்கும் உட்பொருட்களை சமூகக் கூறுகளை எந்த தயக்கமும் இல்லாமல் வெளிப்படையாக பேசும் படம்.

சாதி மதம் இனம் மொழி பாலினம் கடந்தது காதல், ஒற்றை வரியில் சொல்ல வேண்டுமெனில் "LOVE IS LOVE"என்பதை சொல்வதே @beemji அவர்களின் "நட்சத்திரம் நகர்கிறது"
(1)

முதல் காட்சியிலிருந்து கடைசி காட்சி வரை பேசப்பட்ட அத்தனை வார்த்தைகளிலும் அரசியல், இசையிலும் வரிகளிலும் மெய்சிலிர்க்க வைத்த அதே நேரத்தில் சிந்திக்க மறந்து போன அல்லது பொதுப் பார்வையிலிருந்து மறைக்கப்பட்ட பலவற்றையும் பேசுகிறது.

(2)

இசைஞானியை வைத்து செய்யப்படும் அரசியல், அவரின் இசை மீது வைக்கப்படும் வெறுப்பு பிரச்சாரத்தை பட்டவர்த்தனமாக பேசி பொதுபுத்தியை கேள்வி கேட்கிற ரெனே மாற்றத்தை விரும்பும் பலரின் பிரதிநிதியாக இருக்கிறாள்.

(3)

பல இடங்களில் முற்போக்கு பேசினாலும் ஏதோ ஒரு ஓரத்தில் ஆதிக்க மனநிலை ஒட்டிக் கொண்டிருக்கும் இனியன், பலரையும் தங்களை சுயபரிசோதனை செய்ய தூண்டுகிறான். பொது சமூகத்தின் பிரதிபலிப்பாக இருக்கும் அர்ஜுன், இந்த சமூகம் எவ்விதமான மாற்றத்தை நோக்கி நகர வேண்டும் என சிந்திக்க வைக்கிறான்.

(4)

இந்த சமூகத்தில் வாழும் பல வகையான மனிதர்களின் பிரதிபலிப்பாய் நட்சத்திரம் நகர்கிறது. ரெனே பேசும் ஒவ்வொரு வசனமும் சிந்தாமல் சிதறாமல் இந்த சமூகத்தில் படிந்துள்ள அழுக்குகளை பட்டவர்த்தனமாக காட்டுகிறது.

ஒரு பெண் தன்னை கம்யூனிஸ்டாகவோ பெரியாரிஸ்டாகவோ வெளிப்படுத்தும் போது பெரிய (5)

ஆச்சரியத்திற்கு உள்ளாகாத சமூகம், அவள் தன்னை அம்பேத்கரியவாதி என சொல்லும் போது ஒரு வித ஆச்சரியக்குறியுடன் அவளை அணுகுகிறது என்பதை மிக நுட்பமாக சொல்கிறது.

"என்னை எப்படி கூப்பிடனும்னு நான் தான் முடிவு செய்வேன்" என ரெனே சொன்ன விதமும் அவள் குரலில் இருந்த தீர்க்கமும்,

(6)

ரெனே என்பவள் யார் என முதல் காட்சியிலேயே உணர வைக்கிறது.

காதல் என்பது இயல்பான ஒன்று என உணர மறந்து, காதலுக்கு பல காரணங்கள் தேடும் காதலின் பின்னால் கட்டி வைக்க பல கதைகளை தேடும் ஒரு சாராருக்கும், காதல் என்பது இயற்கையான ஒன்று அதன் பின்னால் கதைகளை தேடுவது அப்பட்டமான முட்டாள்தனம்
(7)

என சொல்லும் இன்னொரு சாராருக்கும் நடக்கும் உரையாடல் தான் நட்சத்திரம் நகர்கிறது.
சமூகத்தின் எந்த புரிதலும் இல்லாமல் பொது வெள்ளத்தில் கலந்து அதனுள் ஊறிக் கிடக்கும் ஒருவருடன், ஒரு உரையாடலை ஏற்படுத்துவதை தவிர்த்து அவர்களை ஒதுக்கி வைப்பது என்பது எந்தவித பயனையும் தராது என்பதை,
(8)

அர்ஜுன் ரெனேவிடம் தவறாக நடந்து கொண்ட பின்னும்
ரெனே அர்ஜுனை மன்னித்து ஒரு உரையாடலுக்கான தளத்தை அமைத்துக் கொடுக்கும் காட்சியில் வெளிப்படுகிறது.

"political correctness" என்பது ஒரு நாளில் வருவது அல்ல பல தவறுகள் செய்து அந்த தவறுகளில் இருந்து பாடம் கற்று நாம் திருத்திக் கொள்ளும்
(9)

போது அமைவது தான் அது
எனவே தவறை திருத்திக் கொள்ள தளத்தை அமைத்துக் கொடுப்பது மாற்றத்தை விரும்புபவர்களின் முதல் கடமை என்பதை மிகத் தெளிவாக புரிய வைக்கிறது.

சிறிய காட்சியானாலும் அர்ஜுக்கும் அவன் அம்மாவிற்கும் இடையில் நடக்கும் உரையாடல் என்பது மிக முக்கியமாக கவனிக்க வேண்டியது

(10)

என தோன்றுகிறது. தன் மகன் ஏதோ ஒரு பெண்ணை காதலிக்கிறான் என தெரிந்ததும் முதலில் அவன் அம்மா அவனிடம் கேட்ட கேள்வி "அவங்க என்ன ஆளுங்க?"

இந்த வசனத்தை கேட்டதும் புரட்சியாளர் அம்பேத்கர் சொன்ன ஒரு வாக்கியம் நினைவுக்கு வந்தது "சாதி அமைப்பினால் மிகவும் பாதிக்கப்பட்டிருப்பவர்கள்

(11)

பெண்களே ஆவர். ஒரு தலைமுறையில் இருந்து இன்னொரு தலைமுறைக்கு சாதியை கடத்துவது அவர்கள் மீது விதிக்கப்பட்டிருக்கிறது."

ஒரு பெண் இந்த சமூகத்தால் ஏற்றுக் கொள்ளப்பட வேண்டுமெனில், இங்கு சமூகம் கட்டமைத்துள்ள அத்தனை கட்டுப்பாடுகளையும் காப்பாற்றும் பெண்ணாக இருக்க வேண்டும்.

(12)

பல பெண்களும் தெரிந்தோ தெரியாமலோ இதைத்தான் கடைப்பிடிக்கிறார்கள் காரணம் சமூகம் அதைத்தான் அந்த பெண்களுக்கு சொல்லிக் கொடுத்திருக்கிறது, அதுதான் சரி என நம்பவும் வைத்திருக்கிறது.

"ஒருவன் அடிமைப்பட்டு இருந்தால் அவன் அடிமைபட்டு இருப்பதை உணர்த்தினாலே போதும் பிறகு

(13)

அவன் தானாகவே கிளர்ந்து எழுவான்." என புரட்சியாளர் அம்பேத்கர் சொன்னது, சமூக கட்டுக்குள் அடிமையாக இருக்கும் அத்தனை பேருக்கும் பொருந்தும் முக்கியமாக பெண்களுக்கு.

சமூகத்திற்கு காதலின் மீது சாதி அடிப்படையிலான கண்ணோட்டம் எப்படி உள்ளது என்பது மட்டுமல்லாமல், பாலினம் சார்ந்த

(14)

பார்வையும் எப்படி உள்ளது என இந்த படத்தில் தெளிவாக வெளிப்படுகிறது. சமூக சமத்துவத்திற்கு பாலின அரசியல் என்பது மிக முக்கியமானது என ஒவ்வொரு நிமிடமும் உணர்த்துகிறது.

சமூக மாற்றத்திற்காக என்ன உரையாடல் நடத்தினாலும் எத்தனை காலம் புரிய வைக்க முயற்சி செய்தாலும்,

(15)

மாற்றத்தை விரும்பாத ஒரு கூட்டம் மனிதர்களின் பிரதிநிதியாக "பெரும் பூனை". சமூகத்தில் வலம் வரும் பல பெரும் பூனைகளுக்கு "நட்சத்திரம் நகர்கிறது" என்பது ஏற்றுக்கொள்ள முடியாத மிக உறுத்தலான விஷயமாக உள்ளது.
ஆனாலும் மாற்றத்திற்கான ஒவ்வொரு விஷயமும் தொடர்ந்து நடந்து கொண்டே இருக்கும்,

(16)

யார் அனுமதித்தாலும் இல்லை என்றாலும் என்பதை தெளிவாக உணர்த்துகிறது இந்த படம்.

இப்படி காட்சிக்கு காட்சி பேசு பொருளாக அமைந்துள்ள #நட்சத்திரம்_நகர்கிறது பெரிதும் கொண்டாடப்பட வேண்டிய ஆகச் சிறந்த படைப்பு.
வாழ்த்துகள் @beemji
&Team #NatchathiramNagargirathu
(17)
End 🖤💙❤️🧡💛💚💜🤎🤍