Thread by @Brasilwala

@naturaize,@annamalai_k
#சர்வம்கிருஷ்ணார்ப்பணம்!!
த்வாதஸ ஸ்தோத்ரம்.
ஐந்தாவது அத்தியாயம்.

2. கேஸவ கேஸவ ஸாஸக வந்தே பாஸதரார்சித ஸூரவரேஸ ॥

" கேஸவா  ! கேஸவா  ! சகலரையும் ஆட்கொள்பவனே ! வருணனால் பூஜிக்கப்பட்டவனே !  சூராதி சூரனே ! உன்னை வணங்குகிறேன் "

கேஸவா , கேஸவா என்று இருமுறை சொல்வது பிரார்த்தனையின் அழுத்தத்தைத் தெரிவிக்கிறது.  இம்மாதிரியான அழுத்தத்தை ஹனுமான் ஸ்ரீராமனை துதிப்பதை வர்ணிக்கும் ஸுமத்வ விஜய ஸ்லோகத்திலும் காணலாம். " நமோ நமோ நாத நமோ நமஸ்தே நமோ நமோ ராம நமோ நமஸ்தே।
புன:புனஸ்தே சரணாரவிந்தம் நமாமி நாதேதி நமன் ஸ ரேமே ॥

கேஸவா என்பதற்கு பல அர்த்தங்களை பண்டிதர்கள் கொடுக்கிறார்கள்.  க என்றால் பிரஹ்மா,  ஈசன் என்றால் ருத்ரன்.  இவர்களை தோற்றுவித்தவன் ஆதலால் அவன் கேஸவன். கே என்றால் பிரளயோதகம்.  அந்த பிரளயக்  கடலிலும் சுகமாக இருப்பவன் ஆதலால் அவன் கேஸவன்.  அவனுடைய கேஸங்கள் உத்தமமானவை, ஸ்வரூபபூதமானவை.

அதனால் அவன் கேஸவன்.  கேஸத்திலிருந்து  பாத நகம் வரை அவன் அனைவருக்கும் நியாமகன். அதனால் அவன் கேஸவன். இப்படி பல அர்த்தங்கள். பாஸதர என்றால் வருணன். பகவான் அவனால் பூஜிக்கப்பட்டவன். கோவர்த்தனகிரி சம்பவத்தை அடுத்து,  நந்தகோபன் துவாதசியன்று

அதிகாலையில் யமுனையில் குளிக்கும்போது வருணனின் சேவகர்களால் சிறைபடுத்தப்படுகிறான். ஸ்ரீகிருஷ்ணன் இதையறிந்து நந்தகோபனை விடுவிக்க வருணலோகம் சென்றபோது வருணன் கிருஷ்ணனை பூஜித்து நந்தகோபனை விடுவித்து தவறை மன்னிக்குமாறு வேண்டுகிறான் என்று ஸ்ரீமத் பாகவதத்தில் வருகிறது.

ஸாஸக = அவன் எல்லோரையும் சாஸனம் செய்பவன். " அஜோ துர்மர்ஷண : ஸாஸ்தா விஸ்ருதாத்மா ஸுராரிஹா  " - விஷ்ணு சஹஸ்ர நாமம். அவன் துஷ்டர்களுக்கு சிக்ஷை கொடுக்கிறான்,  நல்லவர்களை ரக்ஷிக்கிறான். விஷ்ணு தூதர்கள் அஜாமிளனை யமபாசத்திலிருந்து விடுவித்தபோது யமதூதர்கள் யமனிடம் வந்து ," உங்கள்

அதிகாரத்தை எதிர்ப்பவரும் உண்டோ  ? " என்று கேட்கும்போது,  யமன் விஷ்ணுவின் சர்வோத்தமத்தை விவரித்து சகலரையும் ஆட்கொள்பவன் விஷ்ணுவே என்கிறான்.

ஸூரவரேஸ = சம்சார பந்தத்தை நீக்கும் ஞான பக்தியைக் கொடுப்பவனே  ! என்று அர்த்தம்.  ஸூர ,வர  , ஈஸ  என்று பிரித்தால்  ,  ஹே சூரனே ! ,ஹே ஸ்ரேஷ்டனே ! ஹே ஈசனே! என்று அர்த்தம். சிறு சிறு பதங்கள்தான்,  ஆனால் அவைகள் அத்தனையும் பகவானின் புகழைப் பாடுபவை!!
நன்றி.திரு.ரங்கராஜன்