معروف پلے رائٹر انور مقصود کا کھیل 'ساڑھے 14 اگست' گزشتہ ایک ماہ سے آرٹس کونسل کراچی میں جاری ہے۔ یہ انور مقصود کی اگست سیریز' کا تیسرا اور آخری کھیل ہے، اس سے قبل 'پونے 14 اگست' اور 'سوا 14 اگست' پیش کیے جاچکے ہیں۔
#VOAUrdu #Saadhay14Aug
#VOAUrdu #Saadhay14Aug
'پونے 14 اگست' آج سے دس برس پہلے پیش کیا گیا تھا جس کی کہانی محمد علی جناح ، علامہ اقبال اور مولانا شوکت علی کے گرد گھومتی تھی۔جب کہ 'سوا 14 اگست' کچھ عرصے بعد ہی پیش کیا گیا جس میں محمد علی جناح کی ملاقات سابق صدر جنرل ضیاء الحق اور سابق وزیر اعظم ذوالفقارعلی بھٹو سے ہوتی ہے۔
سیریز کے تیسرے اور آخری کھیل میں محمد علی جناح بھارتی رہنما مہاتما گاندھی کے ساتھ پاکستان اور بھارت کے چند حصوں میں وقت گزارتے ہیں اور انہیں آزاد وطن کے شہریوں اور ان کی ترجیحات دیکھ کر افسوس ہوتا ہے۔
کھیل کے گزشتہ دونوں حصوں کے دوران اگر ناظرین کے چہروں پر مسکراہٹ آتی ہے تو دوسرے ہی لمحے ان کی آنکھیں نم ہوجاتی ہیں کیوں کہ ان دونوں ڈراموں میں جس طرح پاکستان کے حالات بیان کیے گئے وہ دیکھنے والوں کو سوچنے پر مجبور کرتے تھے۔
اس کے برعکس 'ساڑھے 14 اگست' میں طنز و مزاح کا عنصر زیادہ ہے۔ 'پونے 14 اگست' کی طرح اس میں بنگالیوں کی محرومیوں پر بات نہیں کی گئی جب کہ اس کھیل میں پاکستان کی سیاست کے کئی اہم پہلوؤں کو نظر انداز کیا گیا ہے جس میں بھٹو اور ضیاء کی پالیسیاں بھی شامل ہیں۔
'ساڑھے 14 اگست' میں کشمیریوں پر ہونے والے مظالم پر تو شروع میں بات ہوئی لیکن اس کے بعد ہندوستان میں اقلیتیوں کے کیس کو جس انداز میں پیش کیا گیا وہ متاثر کن نہ تھا۔
مکمل مضمون پڑھنے کے لیے وائس آف امریکہ اردو کی ویب سائٹ وزٹ کیجیے۔
• • •
Missing some Tweet in this thread? You can try to
force a refresh
