Thread by @anbezhil12

#திருவரங்கம் #தேயும்_பாதணிகள் திருவரங்கத்தில் பள்ளி கொண்டுள்ள, பெருமாள் அணிந்து கொண்டிருக்கும் காலணிகள் தேய்மானத்திற்கு பின் ஸ்ரீரங்கம் #திருக்கொட்டாரம் எனும் இடத்தில் தூணில் மாட்டி வைக்கப் பட்டிருப்பதை அங்கு சென்றவர்கள் கண்டிருக்கலாம். இந்த காலணிகளைச் செய்யவென்றே காலம் காலமாக

தனித் தொண்டர்கள் இருக்கிறார்கள். இரண்டு செருப்பையும் இரண்டு ஊர்களில் தனித்தனியாக செய்வார்கள். இரண்டுமே ஒன்று போலவே இருக்கும் என்பது அதிசயம். 6 மாதங்களுக்கு ஒருமுறை இந்த செருப்புகளை அரங்கனின் திருப்பாதத்தில் இருந்து கழற்றுவார்கள். அவை பயன்படுத்தப் பட்டவை போல தேய்மானம் கொண்டு

இருக்கும் என்பதும் அதிசயம். பெருமாள் முற்காலத்தில் ஆழ்வார்கள் மற்றும் ஆச்சார்யர்களுடன் பேசுவதும் கட்டளை இடுவதும் நாம் கேள்விப் பட்ட விக்ஷயம். தற்பொழுது கலிகாலத்தில் இவைகள் நடக்குமா என்ற ஐயம் இருப்போர்க்கு கலியுகத்தில் அரங்கன் பாமரர்கள் கனவில் தோன்றி அருள்பாலிக்கும் அற்புத சம்பவம்

இன்னும் நடக்கிறது என்பதை உணரலாம். தொண்டரடிப்பொடி ஆழ்வார் பாசுரத்தை நிரூபிக்கும் வகையில் ஒரு கைங்கரியத்தை ஏற்கிறார். (திருமாலை – முப்பத்து ஒன்பதாம் பாசுரம்)
அடிமையில் குடிமை யில்லா அயல்சதுப் பேதி மாரில்,
குடிமையில் கடைமை பட்ட குக்கரில் பிறப்ப ரேலும்,
முடியினில் துளபம் வைத்தாய்

மொய்கழற் கன்பு செய்யும்,
அடியரை யுகத்தி போலும்
அரங்கமா நகருளானே.

புதிய பாதணிகள் செய்ய, தஞ்சாவூர்
மாவட்டத்தில் பிரத்தியேகமாக இருக்கிறார்கள். வலது பாதணி ஒருவரிடமும், இடது பாதணி
மற்றொருவரிடம், செய்ய கொடுக்கப் படும். இருவரும், ஒரே ஊரில் இல்லாமல், வெவ்வேறு ஊர்களில்
இருப்பர்.

பாதணிகள் இரண்டையும் தனித்தனியாக செய்வார்கள். 48 நாட்கள் உணவு கட்டுப்பாடு இருந்து, விரதம் மேற்கொண்டு பாதணிகளை செய்வார்கள். இவைகளை ஆறு
மாதத்திற்கு ஒரு முறை, செய்ய
வேண்டும். இவர்கள் இந்த
பாதணிகளை கொண்டு வந்து
அரங்கனுக்கு சமர்ப்பிக்கும்
போது, கோயில் மரியாதையை செய்வார்கள். பழைய

பாதணிகளை அரங்கன் திருவடிகளை விட்டு கழட்டி விட்டு, புதிய பாதணிகளை மாற்றி விடுவார்கள். இந்த காலணிகள் சமுதாயத்தில் அடித்தட்டு மக்களாகிய காலணி செய்து வாழும் மக்களின் சமர்ப்பணம். அடுத்த முறை அரங்கநாதன் கோயிலுக்கு செல்லும்போது 4ஆம் திருச்சுற்றில் (ஆரியப்படாள் வாசலுக்கு முன்னர் இடது

பறத்தில்) இருக்கக்கூடிய திருக்கொட்டாரத்திர்கு செல்லவும். இங்கு படத்தில் இருக்கும் திருபாதரக்க்ஷையை காணலாம்.
என்ன பக்தி இருந்தால் இந்த பாகவதருக்கு பெருமாள் கடாக்க்ஷம் அருளியிருப்பர். இந்த காணொளியில் இருக்கக்கூடிய பக்தருக்கு அரங்கன் சொப்பனத்தில் இட்ட கட்டளை:

1. பாதரக்க்ஷை அளவு
2. அதன் வர்ணம்
3. செலுத்தும் நாள்
4. கோவிலுக்கு வரவேண்டிய வாசல்
மேற்கு சித்திரை வீதிக்கும் மேற்கு உத்திரை வீதிக்கும் இடையில் இருக்கும் கோபுரத்தின் பெயர் சக்லியன் கோட்டை வாசல். பெருமாள் திருபாதரக்க்ஷை இந்த வழியாகத்தான் எடுத்து வரும்படி ஆணையிட்டான். ஏப்ரல் 2017

ஒரு கிராமத்தை சேர்ந்தவர்கள் சுமார் 78 ஆண்டுகளுக்கு பிறகு அரங்கன் கனவில் வந்து சொல்லி இதை செய்து கொண்டு வந்தாதாக சொல்கிறார்கள்.
இதில் மற்றொரு அதிசயம் உண்டு. சில சமயங்களில் பெருமாள் தனது இரு பாதங்கள் அளவை இருவேறு பக்தர்களுக்கு அளித்து இருவரும் ஓரே நாளில் வந்து சமர்ப்பிக்கவும்

செய்வார். நாம் ஒவ்வொருவரும் அரங்கனின் அருள் மற்றும் கருணை மழையை அறிந்து உணர தூய பக்தி மட்டுமே போதும் என்றும் அதற்குச் சாதி பேதம் இல்லை என உணர்த்தும் சம்பவம் இது 

சர்வம் ஶ்ரீ கிருஷ்ணார்ப்பணம்🙏🏻