#கும்பம்_தேங்காய்_வழிபாடு
எந்த சுப நிகழ்ச்சியாக இருந்தாலும், யாகம் செய்யும்போதும் கலச பூஜை முக்கியத்துவம் பெறுகிறது. நவராத்திரி போன்ற பண்டிகைகளிலும் வீட்டில் பலர் கலசம் வைத்து வழிபடுகின்றனர். இதன் தாத்பரியத்தைத் தெரிந்து கொள்வோம். மனிதன் உயிர்வாழத் தேவையானது தண்ணீர். நீர் இன்றி
எந்த சுப நிகழ்ச்சியாக இருந்தாலும், யாகம் செய்யும்போதும் கலச பூஜை முக்கியத்துவம் பெறுகிறது. நவராத்திரி போன்ற பண்டிகைகளிலும் வீட்டில் பலர் கலசம் வைத்து வழிபடுகின்றனர். இதன் தாத்பரியத்தைத் தெரிந்து கொள்வோம். மனிதன் உயிர்வாழத் தேவையானது தண்ணீர். நீர் இன்றி
அமையாது உலகு என்கிறார் வள்ளுவர். அந்த நீரில் இறைவனை ஆவாஹனம் செய்வதற்காக கலசம் வைத்து பூஜை செய்கிறோம். கலசம் மூலமாக இறைவனை உருவகப் படுத்துகிறோம். ஒரு சொம்பு அல்லது குடத்திற்கு நூல் சுற்றி அதில் நீர் நிரப்பி அதில் ஏலக்காய், லவங்கம், பச்சைக் கற்பூரம் முதலிய வாசனைத் திரவியங்களைப்
போட்டு, மேலே மாவிலை வைத்து தேங்காய் வைத்து பூஜிக்கிறோம். கலசம் வைக்க பித்தளை அல்லது தாமிரச் சொம்பினை பயன்படுத்துகிறோம். காரணம் இந்த உலோகங்கள் எளிதில் ஈர்க்கும் சக்தி கொண்டவை. இயற்பியலில் கடத்திகள் என்று என்பதுசொல்வார்கள். ஆங்கிலத்தில் Conductors என்பார்கள். வெளியே உச்சரிக்கப்
படுகின்ற மந்திரங்களை உள்ளே ஈர்த்துக் கொடுக்கும் திறன் படைத்தவை. இறைவன் உடல் ஆக இந்தப் பாத்திரங்களையும், அதன் மேல் சுற்றப்படும் நூலினை நாடி, நரம்புகளாகவும் பொருள் காணலாம். ஏலக்காய்த் தூள் முதலான வாசனைப் பொடிகள் ஆதார சக்தியாகக் கருதப் படுகிறது. அறிவியல் ரீதியாகச் சொல்ல வேண்டும்
என்றால் குரோமோசோம், ஜீன்கள், டி.என்.ஏ. ஆர்.என்.ஏ. என்று சொல்கிறோமே அது போல. புனிதமான நதிகளின் நீர், அனைத்து வேதங்களின் சாரம் மற்றும் அனைத்து தேவதைகளின் ஆசி ஆகியவை கலசத்தில் உள்ள நீரில் வந்து சேர வேண்டும் என்று பிரார்த்திக்கப் படுகிறது. பின்னர், கலச நீர் அபிஷேகத்திற்கும் மற்ற
சடங்குகளுக்கும் பயன் படுத்தப் படுகிறது. கலசச் சொம்பு அல்லது குடத்தின் மேலே மாவிலையைச் சொருகி அதன் மேல் தலைப் பகுதியாக தேங்காயை வைக்கிறோம். மற்ற இலைகள் எல்லாம் மரத்தில் இருந்து பறித்தவுடன் காய்ந்து விடும், ஆனால் மாவிலை குறைந்த பட்சம் நான்கு நாட்களுக்காவது அப்படியே இருக்கும்
என்பதால் மாவிலையை கலசத்திற்குப் பயன் படுத்துகிறோம். மாமரம் அஞ்ஞானத்தைப் போக்கி, மெய் ஞானத்தைத் தரவல்லது. (ஞானப் பழம் மாமபழம் அந்த சம்பவம் நினைவுக்குக் கொண்டு வரவும்) அதே போல மற்ற காய்களுக்கு இல்லாத சிறப்பு தேங்காய்க்கு உள்ளது. தேங்காய்க்கு மட்டுமே 3 கண்கள் அமைந்துள்ளன. இறைவனுக்கு
உள்ள திருநாமங்களைச் சொல்லி அர்ச்சனை செய்யும்போது ‘சோம சூர்ய அக்னி லோசனாயை நம:’ என்று உச்சரிப்பார்கள். லோசனம் என்றால் கண்கள் என்று பொருள். அதாவது வலது கண் சூரியன், இடது கண் சந்திரன், மூன்றாவதாக அக்னி என்று அழைக்கப்படும் நெற்றிக்கண்.இந்த மூன்றாவது கண்ணைத் திறக்கும் வல்லமை படைத்தவன்
இறைவன் மட்டுமே. இந்த 3 கண்களும் இறைவனுக்கு அமைந்திருப்பதால் அத்தகைய 3 கண்களை உடைய தேங்காயைத் தலைப் பகுதியாக உருவகப் படுத்தி கலசத்திற்கு வைக்கிறோம். நார்ப்பகுதியை தலைமுடியாகக் கருதுகிறோம். தேங்காயை உடைத்தவுடன் குடுமியைப் பிச்சிப் போடு என்று தானே சொல்கிறோம். தேங்காய் நாரை பிய்த்துப
போடு என்று யாரும் சொல்வதில்லை. குடுமி என்ற வார்த்தை தலையில் உள்ள முடிகளின் இணைப்புதானே. நம்மையும் அறியாமல் தேங்காயை மனிதனின் தலையாகவே பார்ப்பது என்பது நமக்குள் ஊறிவிட்டது என்பதற்கு இதுவே சாட்சி . கலசம் வைக்க சொம்பு கிடைக்கவில்லை என்றால் கூட வெறும் தேங்காயை மட்டும் வைத்தே இறைவனை
ஆவாஹனம் செய்ய இயலும். ஏனெனில் இயற்கையாகவே தேங்காய்க்குள் ஆதார சக்தியான நீர் உள்ளிருக்கிறது. அதுவும் சுவை மிகுந்ததாக இருக்கிறது.
கும்பத்திற்கு உள்ள இந்தப் பெருமைகளால் நிறை மனிதர்களின் பெருமையைப் போற்றும் வகையில் பூரண கும்பத்துடன் அவர்கள் வரவேற்கப்படுகின்றனர். இது அவர்களிடத்து
கும்பத்திற்கு உள்ள இந்தப் பெருமைகளால் நிறை மனிதர்களின் பெருமையைப் போற்றும் வகையில் பூரண கும்பத்துடன் அவர்கள் வரவேற்கப்படுகின்றனர். இது அவர்களிடத்து
நமக்கு உள்ள பக்தி நிறைந்த மரியாதையை நாம் முழுமனதுடன் வெளிப்படுத்துவதன் அடையாளமாகும்.
கும்ப வழிபாட்டின் அருமையை அறிந்து, அதன்படி பூஜித்து, நாமும் பயன் பெறுவோம்
சர்வம் ஸ்ரீ கிருஷ்ணார்ப்பணம்🙏
கும்ப வழிபாட்டின் அருமையை அறிந்து, அதன்படி பூஜித்து, நாமும் பயன் பெறுவோம்
சர்வம் ஸ்ரீ கிருஷ்ணார்ப்பணம்🙏
• • •
Missing some Tweet in this thread? You can try to
force a refresh
