#ஊட்டத்தூர்_சிவபெருமான்_கோவில் சிதம்பரத்தில் உள்ள நடராஜர் கோவில் அதன் உருவாக்கத்திற்காக உலக பிரசித்தி பெற்றது. ஆனால் தமிழ்நாட்டிலேயே இன்னொரு நடராஜர் கோவில் நம்ப முடியாத அதிசயத்தை தன்னகத்தே கொண்டுள்ளது என்பது பலருக்கு தெரியாது. நடராஜரின் உருவமே பிரபஞ்ச தத்துவத்தை விளக்குவதாகும். 
பல இடங்களில் இந்த நடராஜர் சிலை ஐம்பொன்னால் கல்லாலும் செய்யப் பட்டிருக்கும் ஆனால் இங்குள்ள நடராஜர் சிலை செயற்கையாக செய்யப்பட்டதல்ல. பல கோடி சூரிய சக்திகள் கொண்ட அபூர்வ நடராஜர் சிலை கொண்டிருக்கும் கோவில் திருச்சி மாவட்டத்தில் உள்ளது. இந்த சிலை உளி கொண்டு செதுக்கப் பட்டதல்ல.
சித்தர்களின் நவலிங்க பூஜையால் சித்தர்கள் வழிபாட்டிற்கு பின் தானாகவே உருவாகிய அற்புதமான சிலை ஆகும். இந்த சிலை உருவான பாறை பஞ்சநத பாறை என்று கூறுகிறார்கள். இது மிகவும் அபூர்வமான பாறையாகும் 10 லட்சம் பாறை பூமியில் உருவானால் அதில் ஒன்று தான் பஞ்சநாத பாறையாக இருக்கும். இந்த கோவிலில்
ஒரு முறை பிரதோஷ வழிபாடு செய்தால் ஒரு கோடி புண்ணியம் கிடைக்கும் என்று அகத்தியர் பெருமானார் கூறுகிறார். வளர்பிறையில் இங்கு உள்ள தட்சிணாமூர்த்தியை பஞ்சாட்சர மந்திரம் சொல்லி ஜபம் செய்யும்போது பல வகையான தோஷங்கள் நிவர்த்தி ஆகின்றன. இந்த கோவிலில் பல நோய்களை குணப்படுத்தக் கூடிய பிரம்ம
தீர்த்தம் உள்ளது. இந்த அபூர்வ நடராஜருக்கு சாத்தப்படும் வெட்டி வேரை நீரில் ஊறவைத்து பருகி வர சிறுநீரக கோளாறுகள் அடியோடு குணமாகிறது. இங்குள்ள கொடி மரம் அருகில் மகா மண்டபத்தின் மேற்கூரையில் 27 நட்சத்திரங்கள், 15 திதிகள், 12 ராசிகள் போன்றவை சதுர வடிவில் கற்சிற்பங்களாகச் செதுக்கப்
பட்டுள்ளன. இதுவும் வேறெங்கும் இல்லாத அதிசயம். இதன் கீழ் நின்று நாம் வழிபடும்போது ஜாதகமே மீண்டும் ஒரு முறை புதிய ஜாதகமாக சிருஷ்டிக்கப் படுகிறது என்பது காலகாலமாக உள்ள நம்பிக்கை. மேலும் ஆண்டுதோறும், மாசி மாதம் 12, 13, 14 தேதிகளில் சூரிய பகவானின் கதிர்கள், கருவறை தாண்டி மூலவர் சுத்த
ரத்னேஸ்வரர் மீது விழுந்து பூஜிக்கும் அதிசயம் இன்றும் நடைபெறுகிறது. பூவுலகின் சகல புண்ணிய தீர்த்தங்களும் இங்கு பொங்கிப் பெருகி ஊறிய காரணத்தால் இந்த ஊர் ஊற்றத்தூர் என்றாகி இப்போது ஊட்டத்தூர் என்றாகி உள்ளது. ஐந்து மங்கலங்களும் சிறந்து விளங்கும் திருத்தலம் 'பஞ்ச மங்கல க்ஷேத்திரம்'
என்பார்கள். அந்த வகையில் ஊட்டத்தூரிலும் வனம் - வில்வாரண்யம், நதி - நந்தியாறு. தீர்த்தம் - பிரம்ம தீர்த்தம். ஊர் - ஊற்றத்தூர். மலை - சோழீஸ்வரர் மலை என்ற ஐந்து சிறப்பும் தொன்மையாக இருப்பதால் பஞ்ச மங்கல க்ஷேத்திரம் என்றானது. இங்குள்ள ஈசன், சுத்த ரத்னேஸ்வரர் தவிர மாசிலாமணி, தூய மாமணி
துகுமாமணி, சிந்தாமணீஸ்வரர் என்றல்லாம் போற்றப்படுகிறார். யார் பெரியவர் என்று திருமாலும் பிரம்மனும் சண்டையிட்டுக் கொண்ட காலத்தில், தாழம்பூவை பொய்சாட்சி சொல்ல வைத்து, ஈசனின் திருமுடியைக் கண்டதாகப் பொய் சொன்னார் பிரம்மா. இந்த தவறுக்கு சாபம் பெற்ற பிரம்மனுக்கு இங்கே ஈசன் காட்சி அளித்த
அவரின் சாபத்தை நிவர்த்தி செய்தார். பிரம்மனின் வாட்டத்தை நீக்கி ஊட்டம் அளித்த ஊர் என்றானதாம். இங்குள்ள ஈசனை வணங்க சகல தோஷங்களும் நீங்கி நன்மை அடைவார்கள் என்பது நம்பிக்கை. ஈசனுக்கு பிரம்மா அபிஷேகம் செய்யத் தோன்றியதே இந்த பிரம்ம தீர்த்தம். இதில் தான் சகல தீர்த்தங்களும் ஊறின என்கிறது
தலவரலாறு. இன்றும் பிரம்ம தீர்த்தத்தில் இருந்து எடுக்கும் நீரால்தான் மூலவருக்கு அபிஷேகம் செய்யப்படுகிறது. இந்த தீர்த்த நீரே நோய்கள் தீர்க்கும் அதிசய மருந்தாக உள்ளது எனப் பலரும் நம்பிக்கையுடன் பேசுகிறார்கள். ராஜராஜ சோழன் நோய்வாய்ப் பட்டிருந்தபோது, இந்த பிரம்ம தீர்த்த நீரே அவன் நோயை
போக்கியதாகக் கூறப்படுகிறது. அதேபோல, சிறுநீரகப் பிரச்னைகளுக்கு அருமருந்தாக விளங்குவது இந்த பிரம்ம தீர்த்த நீர் என்கிறார்கள். இன்று வரை எப்போதுமே வற்றாத அதிசயமும் இந்தத் தீர்த்தத்துக்கு உண்டு. இந்த கோவில் திருச்சி சென்னை வழியில் உள்ள பாடலூரில் இருந்து 5 கிலோமீட்டர் தூரத்தில் உள்ள
ஊட்டத்தூரில் உள்ளது.
திருச்சிற்றம்பலம்
சர்வம் ஸ்ரீ கிருஷ்ணார்ப்பணம்🙏
திருச்சிற்றம்பலம்
சர்வம் ஸ்ரீ கிருஷ்ணார்ப்பணம்🙏
• • •
Missing some Tweet in this thread? You can try to
force a refresh
