#DeathCleaning நாம் 60 வயதை அடைந்து விட்டால், சிறிது சிறிதாகவும், தொடர்ச்சியாகவும் ஒரு பண்பட்ட விதத்தில், கடந்த 60 வருடங்களில் சேகரித்த உலகாயுத பொருட்களை, மனதில் உள்ள பல கெட்ட படிமங்களை சுத்தம் செய்து வெளியேற்றத் தொடங்க வேண்டும். முதலில் நாம் சேகரித்து வைத்துள்ள தேவையற்ற துணிகள் 
பொருட்கள், பல இடங்களில் நாம் வாங்கிய கலைப்பொருட்கள், ஞாபகார்த்த சின்னங்கள், நாம் பணிபுரிந்த இடங்களில் நமக்கு கொடுக்கப்பட்ட பரிசுப் பொருட்கள், நாமே விரும்பி வாங்கிய பொருட்கள், அலங்கார பொருட்கள் ஆகியவற்றை, அவை நமக்குப் பயனுள்ளதா என ஆராய்ந்து, சிறிது சிறிதாக வெளியேற்ற வேண்டும்.
வயதாகி விட்டால் இந்த உலகத்தில் நமக்கு இடமில்லை என்பதை உணர வேண்டும். நம் குடும்பத்தாருக்கு நம்மை கவனிக்க நேரம் இல்லை. ஏனெனில் அவர்களுக்கு கவனிக்க வேண்டிய பல விஷயங்கள், அவர்களுடைய சொந்த குடும்பம் ஆகியவை உள்ளன. நம்முடைய இறப்பிற்குப் பின் நாம் ஏன் மற்றவர்களுக்கு இந்த சுத்தம் செய்யும்
வேலைகளை மிச்சம் வைக்க வேண்டும்? நல்ல உடல் நிலையில், மனநிலையில் இருக்கும் பொழுதே, நம்மிடம் இருக்கும் பொருட்களை/ சொத்துக்களை, நன்கு சிந்தித்து அதற்கு ஏற்ப பயனாளர்களை தேர்ந்தெடுத்து, அதனால் அவர்கள் பயனடைகிறார்களா என்பதை ஆராய்ந்து, அவர்களுக்கு கொடுத்து விட வேண்டும். அவர்கள்
சொந்தங்கள் ஆக இருக்கலாம், மற்றவர்கள் ஆகவும் இருக்கலாம். நம்மிடம் இருக்கும் பொருட்களை எடுத்து பகிர்ந்தளிக்கும் பொழுது, தீர்க்கமாகவும் மனசஞ்சலம் இல்லாமலும், அதைச் செய்ய வேண்டும். அப்படி பகிர்ந்தளிக்கும் பொழுது, மன அழுத்தத்திற்கு உள்ளாவதோ, உணர்வுப்பூர்வமாக மனசஞ்சலம் அடைவதோ அதீத
உணர்ச்சி அடைவதோ கூடாது. கொடுக்க நினைத்தால், கொடுத்துவிட வேண்டும். இதை இப்பொழுதே ஒவ்வொரு வாரமும், சிறிது சிறிதாக செய்ய ஆரம்பிக்க வேண்டும். ஒவ்வொரு வருட முடிவிலும் ஏதாவது பெரிதாக செய்ய வேண்டும். நம்மிடம் பணம் இருக்கிறது என்பதற்காக வாங்கிக் கொண்டே இருக்கக் கூடாது.
இருக்கும் பணத்தை
இருக்கும் பணத்தை
பத்திரப்படுத்தி அதற்கான உயிலை எழுதி வைக்க வேண்டும். அதே சமயம் கடந்த கால நினைவுகளை போற்றிப் பாதுகாத்து வைக்க வேண்டும். அது கடைசி வரை, பல காலகட்டங்களில் நம்முடன் பயணம் செய்யும். கடந்த 60 வருட வாழ்நாளில் யாரையேனும் தெரிந்தோ தெரியாமலோ துன்புறுத்தி இருந்தால், மனதளவிலோ அல்லது நேராகச்
சென்று மன்னிப்பு கேட்டு விட வேண்டும். நமக்கு உதவி செய்பவர்கள்/ செய்தவர்கள் அனைவருக்கும் நன்றி சொல்வோம்.
நாம் யாரின் மேலும் காழ்ப்புணர்ச்சி கொண்டிருந்தால், அவற்றை சுத்தம் செய்து துடைத்தெறிந்து விட்டு, நம் மனத்தை தூய்மையாக வைத்து இருந்தால், எந்த துர் கர்மாகளும் இல்லாமல் இறப்பை
நாம் யாரின் மேலும் காழ்ப்புணர்ச்சி கொண்டிருந்தால், அவற்றை சுத்தம் செய்து துடைத்தெறிந்து விட்டு, நம் மனத்தை தூய்மையாக வைத்து இருந்தால், எந்த துர் கர்மாகளும் இல்லாமல் இறப்பை
எதிர் நோக்க முடியும். நல்ல மனத்தையும் நல்ல எண்ணங்களையும் மட்டுமே நாம் கொண்டு செல்வோம். அது நம்முடைய மரபணுவில் ஒரு நல்ல அழிக்க இயலா அச்சை உருவாக்கும். இது ஒரு நல்ல கருத்தாக்கம். குறைந்த பாரம், இனிய நற்பயணம்!
சர்வம் ஶ்ரீ கிருஷ்ணார்ப்பணம்🙏🏻
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
