Thread by @ullangaiyil

அனைவருக்கும் வணக்கம், ஒருவயதிற்கு குறைவாக உள்ள குழந்தைகளுக்கு தொடை பகுதியில் தான் தடுப்பூசிகள் போடப்படும், அப்போது ஒரு சில சமயம் அரிதிலும் அரிதாக எதிர்வினைகள் ஏற்படலாம். @DrVinoth_ortho #orthotwitter #MedTwitter *1/8

கடந்த வாரம், பிறந்து 18 நாட்கள் ஆன குழந்தையை ,அவரது பெற்றோர்கள் 15 நாட்கள் தொடர் காய்ச்சல் மற்றும் இடது தொடையில் ஏற்ப்பட்ட வீக்கம் காரணமாக மருத்துவமனை அழைத்து வந்தனர் .*2/8

குழந்தைக்கு பிறந்தவுடன் HbsAg தடுப்பூசி இடது தொடையில் அருகில் உள்ள மருத்துவமனையில் செலுத்தியுள்ளனர், பின்பு லேசான காய்ச்சல் மற்றும் தொடையில் வீக்கம் ஏற்பட்டுள்ளது. அதன் பின் காய்ச்சல் இல்லை. ஆனால் வீக்கம் குறையவில்லை, மீண்டும் காய்ச்சல் தொடர்ந்து ஏற்பட்டுள்ளது.*3/8

தீபாவளி காரணமாக மருத்துவமனை செல்லவில்லை , அருகில் உள்ள மருந்து கடையில் மருந்துகள் வாங்கி கொடுத்துள்ளனர் . பரிசோதனை செய்ததில் எலும்புகளை சுற்றி சீழ் கொர்தது தெரிந்தது, வெள்ளை அணுக்கள் 34,000 இருந்தது.*4/8

உடனே அறுவை சிகிச்சை செய்து சீழ் நீக்கப்பட்டது. இவ்வளவு அடர்த்தியான சீழ் நான் பார்த்தது இல்லை , கிட்டதட்ட ஜெல்லி போல இருந்தது. குழந்தைக்கு தொடை எலும்பிலும் தொற்று ஏற்பட்டிருக்க வாய்ப்பு உள்ளது.*5/8

இதனால் எலும்பின் ஒரு பகுதியில் சிறிய துளைகள் போடப்பட்டது. உள்ளே சீழ் இருந்தால் , அதுவாக வடிய,இந்த துளைகள் பயன்தரும். பின்பு தையால் போடப்பட்டது. அடுத்தநாள் காய்ச்சல் இல்லை - இரத்த அணுக்கள் அளவு - 15,000 ஆக குறைத்தது.*6/8

இந்த அரிதான பிரச்சனையை தவிர்ப்பது எப்படி ?

1.குழந்தைக்கு காய்ச்சல் இருந்தால் , தடுப்பூசிகள் எடுக்க வேண்டாம்.

2. தடுப்பூசி எடுத்த பின் காய்ச்சல் 3 நாட்களுக்கு மேல் இருந்தால் உடனே மருத்துவரை அணுகுங்கள். *7/8

3. தடுப்பூசி செலுத்திய தொடை பகுதி மட்டும் சூடாக இருந்தால் - தொற்று ஏற்பட்டிருக்க வாய்ப்பு உள்ளது, உடனே மருத்துவரை அணுகுங்கள்.

4. தடுப்பூசி எடுத்தவுடன் குழந்தை காரணமின்றி அதிக நாட்கள் அழுகிறது என்றால் - அருகில் உள்ள மருத்துவரை அணுகுங்கள்.*8/8