Thread by @kunalanilpatil

सायलेंट पॉयजन #Silent_Poison

"शिवरायांच्याच अस्तित्वास नाकारणारे ऐतिहासिक सिनेमे"

हर हर महादेव, तानाजी किंवा सुसाट निघत चाललेले अलीकडचे शिवरायांवरील सिनेमे बघून तुमच्या भावना उत्कटतेला गेल्या? थोडक्यात तुम्ही सिनेमा बघताना अत्यंत भावनावश झालात?

मग हा थ्रेड खास तुमच्यासाठी
1

अफजल खान कोणामुळं मेला? कोणा एकाच्या शापानं?
त्या शापाचा परिणाम म्हणून शिवरायांच्या हातून तो पराक्रम "घडला"??
मग शिवरायांच्या अप्रतिम नियोजनाचं काय, ज्याच्यामुळं त्याला घनदाट जंगलात आणि सह्याद्रीच्या अवघड पर्वतरांजीत येणं भाग पडलं?
2

आपल्या तेजतर्रार बुद्धीनं प्रसंगानुरूप केलेल्या नियोजनास अत्यंत काटेकोरपणे अंमलात आणणाऱ्या शिवरायांमधल्या एका उत्कृष्ठ व्यवस्थापन कौशल्याचं काय?
शिवरायांमधल्या "चपळतेचं" काय जीनं सेकंदाच्या वेगाने शत्रूला कळायच्या आत "स्वराज्यावरील संकटास" ठार करायचं ठरलेलं नियोजन तडीस नेलं?
3

शिवरायांच्या दुर्दम्य साहसाचं काय ज्यानं बलाढ्य शत्रू आणि त्याच्या अतिप्रचंड सेनेच्या मध्यावर जाऊन त्यांची आतडी टराटरा बाहेर काढली?
4

हे सिनेमे भाबड्या शिवभक्तांच्या मनावर नेमकं काय बिंबवतात?
शिवरायांचं कर्तृत्व हे नाममात्र, खरा न्याय केला कोणा एका "माणसाच्या" काल्पनिक शापाने !

शिवरायांचं कर्तृत्व गेलं खड्ड्यात, त्यांच्या अंगात येऊन भगवान "नरसिंहाने" ते कार्य "करवून घेतलं" !!
5

मित्रहो, आज २०२२ मध्ये बसून आपण समजू शकतो शिवरायांचं कर्तृत्व, पण अशा विकृत सिनेमांचा मारा असाच चालू राहिला तर मात्र आणखी ५०-१०० वर्षांनी आपल्या येणाऱ्या पिढ्या शिवरायांना नाही "वाचणार" बरं, त्या पुजतील "नरसिंहाला", त्या उदो उदो करतील "शाप" देणाऱ्या "दैवी" माणसाला !!
6

स्वराज्यावर चालून येणारा उदयभान कोण होता?
हिंदू ना? मग "तानाजी" सिनेमात त्याचा पेहेराव मुस्लिम का?

१९३६ ला आलेला "संत तुकाराम" सिनेमा आठवतोय?
किती वर्ष झाली त्या सिनेमाला? ८६ वर्षे, बरोबर ना?

आज ८६ वर्षांनी काय समजतीये मेजॉरिटी पिढी?
तुकोबांचा खून झाला की ते वैकुंठाला गेले?
7

विचार करा

"त्यांचं" हे "विकृत" नियोजन १००-१५० वर्षांचं असतं दोस्तहो आणि विषारी असलं तरी बहुज पोरं नासवत, पिढ्यान-पिढ्यांच्या मनात विष पेरत अत्यंत "सातत्याने" त्याला सत्यात उतरवण्यासाठी कोणत्याही थराला जाण्याची तयारी ठेऊन ही लोकं काम करत असतात,
8

दिवसेंदिवस, वर्षानुवर्षे, प्रत्येक स्तरावर, प्रत्येक क्षेत्रात, मग तो सिनेमा असो किंवा नाटके, शिक्षिताला "बाधित" करायचे असो व अशिक्षितास, पुरुष असो किंवा महिला, लहान असो किंवा मोठा, "त्यांच्या विषकार्यात" कधीच खंड पडत नाही
9

संघ स्थापनेवेळेसच "त्यांनी" देश नासवून आपण १०० वर्षांनी काय काय करायचं याच पक्कं नियोजन केलेलं "अध्यक्ष महोदय"!

पण याला छेद बसू लागला

कॉ.गोविंद पानसरेंनी "शिवाजी कोण होता" लिहिले इथपर्यंत ठीक होतं
त्याला प्रतिसाद मिळू लागला, ईथपर्यंतही कदाचित (त्यांच्या दृष्टीने) ठीक होतं
10

पण

पानसरे व्याख्यानं देऊ लागले
त्याला तरुणांमधून प्रचंड प्रतिसाद मिळू लागला
१००-२०० कॉलेजांमध्ये जाऊन त्यांनी व्याख्यानांमधून "खरा" शिवाजी समजावून सांगण्याची प्रतिज्ञा केली

इथंच "त्यांचं" बिनसलं !
11

काय सांगत होते पानसरे?

ते सांगायचे

शिवरायांनी सर्वसामान्यांमध्ये जागवलेला स्वाभिमान, न्यायाची भावना
शिवरायांची लोकहितैषी धोरणे
शिवरायांचे न्यायी आणि कोणत्याही धर्म-जातीविषयी द्वेषविरहित वागणे
12

शिवरायांनी शेती आणि शेतकऱ्यांसाठी राबवलेल्या योजना
शिवरायांनी निर्मिलेल्या स्वराज्यातील "सर्वसमावेशक" व्यवस्था
शिवरायांचे "सर्व" जातीधर्मांतील महिलांप्रती "सुरक्षा" धोरण
13

हे सर्व "ते" शिवराय होते, ज्याचा आदर्श येणाऱ्या हजारो-लाखो पिढ्या घेतील
ज्याला "वाचलं" जाईल, "पुजलं" नव्हे !

14

हे "त्यांच्या" विकृत कल्पनांना सरळ सरळ भेदणारं अजस्त्र "पानसरे अस्त्र" होतं !
त्यांच्या "हळुवार विषप्रयोगांना (सायलेंट पॉयजन)" मुळासकट उखडून फेकण्याची ताकद असणारा "विवेकी" आवाज होता !!
15

आम्हाला इयत्ता ४ थी ला इतिहासाच्या पुस्तकात "भवानी" मातेने शिवरायांना दिलेल्या तलवारीचा चक्क धडा होता दोस्तहो !
आता माझ्या वेळेसच्या किती पोरांच्या "धडा"वरच्या डोक्यात "त्या" धड्याने शिवरायांच्या पराक्रमाला"नाकारणारी" भवानी तलवार घुसवली असेल याची कल्पना केली तरी आश्चर्य वाटेल!
16

तर माझ्यासारख्या शिवभक्तांनो,

शिवरायांचं अस्तित्वच नाकारणाऱ्या
त्यांच्या पराक्रमाला, त्यांच्या धाडसाला, त्याच्यातल्या न्यायीपणाला, त्यांच्या कर्तुत्वाला मातीमोल करणाऱ्या या विक्षिप्त आणि विषारी विकृतीला वेळीच उघडं पाडणं अत्यंत गरजेचं आहे, अन्यथा..
17

..अन्यथा आपल्या येणाऱ्या पिढ्यांकडून शिवराय "वाचले" नाहीत जाणार तर "पुजले" जातील !

शिवराय वाचले गेले तरच त्यांचे आदर्श घेता किंवा देता येतील, पुजले गेले तर मात्र त्यांच्या कर्तुत्वाला मातीमोल करण्यामध्ये आपल्या २०२२मधल्या "मौनाचा" खारीचा वाटा असेल यात तिळमात्र शंका नाही !!
18/18