Thread by @IRehmanK1

جمعہ سینڈروم

ملا نصیرالدین صاحب کے پاس ایک لڑکا آیا اور ان سے پوچھا:
ملا صاحب میرے والد کی آج جمعہ کے مبارک دن وفات ہوئی ہے۔ اگلے جہان میں اُن کے ساتھ کیا سلوک کیا جائے گا؟
ملا صاحب نے پوچھا: کیا آپ کے والد صاحب نماز روزے کے پابند تھے؟
لڑکے نے کہا: نا وہ نماز پڑھتے تھے,
1/5

نا روزے رکھتے تھے, مگر خوش قسمتی سے جمعہ کے دن فوت ہوئے ہیں.
ملا نے دریافت کیا: عیاشی تو نہیں کرتے تھے؟
لڑکے نے بتایا: عام طور پر تو نہیں, مگر جس روز رشوت کی رقم زیادہ مل جاتی، اُس روز جوا بھی کھیل لیتے، عیاشی بھی کرلیتے۔ اس کے باوجود انھیں جمعہ کے مقدس دن وفات پانے کا شرف
2/5

حاصل ہوا ہے.
ملا : کچھ صدقہ خیرات بھی کرتے تھے؟
لڑکا: جی نہیں، فقیروں کو بُری طرح پھٹکارکر بھگا دیتے تھے کہ شرم نہیں آتی مانگتے ہوئے؟ مگر الحمدللہ فوت جمعہ کے دن ہوئے.
ملا: عزیزوں، رشتے داروں اور محلے والوں سے اُن کا سلوک کیسا تھا؟
یہ سوال سن کر لڑکا جھلا گیا
کہنے لگا:
3/5

جی, وہ تو پورے محلے میں لڑاکا اور جھگڑالو مشہور تھے۔ سب ان کو دیکھتے ہی اِدھر اُدھر ہوجاتے تھے۔ مگر ملا صاحب! میں صرف اتنا جاننا چاہتا ہوں کہ اس سب کے باوجود میرے والد صاحب جمعہ کے متبرک دن فوت ہوئے ہیں، ان کے ساتھ اگلی دُنیا میں کیسا سلوک کیا جائے گا؟
4/5

ملا صاحب نے اُسے پیار سے سمجھاتے ہوئے دلاسا دیا: بیٹا! جمعے کے دن تو اُنھیں کچھ نہیں کہا جائے گا۔ مگر جیسے ہی ہفتے کا دن آئے گا سارا حساب کتاب بے باق کردیا جائے گا!
5/5
منقول

#اپنی_زبان_اردو