Thread by @Zubair_Sarkash

#longread
#भारत_जोड़ो_यात्रा आणि "रि"डिस्कव्हरी ऑफ इंडिया

जेव्हा कन्याकुमारी ला विवेकानंद, थिरुवल्लर आणि राजीव गांधी यांना नमन करून 7 सप्टेंबर ला भारत जोडो यात्रा सुरू केली होती तेव्हा विरोधकांसोबत काँग्रेस समर्थकांमध्ये पण शंका होती की यात्रा कशी होईल, लोकं येतील का,राहुल खरंच

एवढं चालेल का वगैरे. त्यासोबतच अनेक आक्षेपासोबत प्रश्न सुद्धा होते की फक्त तिरंगा का? पक्षाचा झेंडा ऐच्छिक असं का? यात्रा मार्ग असाच का , तसा का नाही, xyz ठिकाण का मार्गात नाही, ज्या सिव्हिल सोसायटी व लोकांनी सत्तेतून घालवण्यासाठी नसलेल्या मुद्द्यांवर बदनामी करून आंदोलन उभारले

ते यात्रेत काय करत आहेत वगैरे वगैरे.. जेव्हा जवळपास 1500 km चा प्रवास करून भारत जोडो यात्रा महाराष्ट्र मध्ये दोन महिन्याने पोहोचली तेव्हा या सगळ्या शंकेचं निरसन झाले होते. तामिळनाडू, केरळ, कर्नाटक, आंध्र प्रदेश आणि तेलंगणा मध्ये लाखो लोकांना भेटत, त्यांचे प्रेम घेत, एकही दिवस वेळ

न चुकवता राहुल देगलूर पर्यंत पोहोचला होता.
जेव्हा भारत जोडो यात्रा महाराष्ट्र मध्ये पोहोचली होती तेव्हा सगळ्या देशाचे त्यावर लक्ष केंद्रित झाले होते. याला राजकीय आणि सामाजिक कारणे सुद्धा आहेत. महाराष्ट्र हे नेहमीच देशासाठी दिशादर्शक राज्य ठरले आहे. इथल्या सामाजिक घटना आणि

राजकारणाचे पडसाद देशभर उमटतात. मविआचा अभूतपूर्व प्रयोग, नुकताच झालेला सत्तापालट आणि खोकेबाजीचा आरोप, काँग्रेस मधील गटबाजी, मरगळलेल्या पक्षात जीव टाकण्याची गरज या सर्व पार्श्वभूमीवर काँग्रेस चं काय होणार हा प्रश्न होताच.
देगलूर मध्ये छत्रपती शिवाजी महाराज यांच्या जयघोषाने

महाराष्ट्र यात्रेची सुरवात जबरदस्त झाली आणि ज्याला म्हणतात ना It started with a bang.. एक नवीन ऊर्जा भरली. पुढचे 14 दिवस नांदेड, हिंगोली, वाशीम, अकोला, बुलढाणा या 5 जिल्ह्यातून जात असताना, महाराष्ट्र राज्याने भारत जोडो यात्रेची पातळी एका वेगळ्याच उंचीवर नेलीये. यात्रेत

राष्ट्रवादी काँग्रेस आणि शिवसेना ने सहभागी होत मविआ एकत्र आहे हा निरोप दिलाच, सोबत आम्ही एकत्र येऊन लढायला तयार आहोत हे देखील दाखवून दिले.
भारत जोडो यात्रेच्या महाराष्ट्र टप्प्यात या यात्रेला जोरदार राजकीय रंग चढला. RSS आणि सावरकर वर थेट नाव घेत टीका करत राहुलने मुद्दाम फुटेज न

देणाऱ्या मीडिया ला मागे यायला भाग पाडले. वनवासी नव्हे तर आदिवासी च आणि ते पण देशाचे पहिले मालक ही भूमिका ठासून मांडली. छत्रपती शिवाजी महाराज हे महाराष्ट्राचे आवाज होते आणि राष्ट्रमाता जिजाऊ यांनी त्यांना मार्ग दाखवण्याचे काम केले हे वाक्य प्रत्येक मराठी मनाला साद घालणारी होते.

नांदेड सभेतील #डरो_मत हा संदेश जर अमलात आणला तर आयुष्याला कलाटणी देणारा आहे.
या यात्रेत आतापर्यंत बघितलेली आणि सगळ्यात आश्चर्यचकित करणारी गोष्ट म्हणजे महिलांचा मिळणारा अफाट प्रतिसाद. लहान , तरुण,थोर, शहरी, ग्रामीण, खेड्यापाड्यातील, उच्चभ्रू वर्तुळातील, परपुरुषापासून नजरेपासून

पण दूर राहणाऱ्या स्त्रिया बिनदिक्कत सगळ्या थरातील महिला राहुल ची गळाभेट घेत आहेत, सोबत हातात हात घेऊन चालत आहेत, ओवाळत आहेत, मायेने नजर काढून कानशिलावर बोटं मोडत आहेत. हा एक आश्वासक नजारा आहे.
समाजाच्या वेगवेगळ्या घटकांना राहुल भेटतोय. दलित, आदिवासी, मुस्लिम, LGBTQ+ संघटना

यांच्यासोबत संवाद साधतोय, ऐकून घेतोय. कोणीतरी एककल्ली मनकी बात थोपवण्याऐवजी आपलं ऐकून घेतोय हे खूप वेगळं आहे. कित्येक जण जे सोबत चालले, ते जेव्हा त्यांच्या सूचना, अडचणी, गाऱ्हाणी मांडत होते तेव्हा आपला शहाणपणा मिरवण्याऐवजी "आप बोलो, मै सून रहा हू" हे ऐकणे लोकांसाठी सुखद धक्का

होता. खुपश्या लोकांना तो भेटल्यावर overwhelming वाटत होते, भरून येत होते, तेव्हा त्यांना आश्वस्त करून राहुलचे बोलणे हा पण एक वेगळाच अनुभव येत होता लोकांना. यात्रेतील असंख्य फोटो बघून कळून येते की हे खरे फोटो आहेत, रिकाम्या टनेल मध्ये, बोटीत कोण नसताना, गुहेत जाऊन काढलेले खोटे

फोटो नाहीत. या फोटो / व्हिडीओ मधल्या संवेदना ह्या खऱ्या मानवी आहेत.
विविध रंगी , गुंतागुंत असलेल्या भारतीय समाजापुढे असणाऱ्या समस्यांची जाणीव राहुल ला आहे हे दिसतेय. त्याच सोबत त्या समस्या व्यवस्थित रॅशनल आणि लॉजिकल रित्या सोडवायला हवे ही पण त्याला जाणीव आहे आणि त्याला लागणारा

वेळ देण्याची आणि कष्ट घ्यायची त्याची तयारी दिसते. सूट बूट की सरकार, नोटबंदी, गब्बर सिंग टॅक्स, कोवीड, कृषी कायदे याबद्दल राहुल जे सावध करत होता त्याचा परिणाम संपूर्ण भारताला दिसून आलाय.
24*7 राजकारण करून, प्रपोगंडा चा भयंकर मारा करून, जिवंत माणसाला फक्त मतदार नावाच्या कमोडिटी

वर आणून ठेवलेल्या आणि मानवी हितापेक्षा निवडणूक जिंकणे हे उद्दिष्ट असणाऱ्या कॉर्पोरेट मॅनेजमेंट वाल्या राजकीय विरोधकांना आता काय करावे हे कळेनासे झालेत. कधी कोण टी शर्ट ची किंमत काढतोय, तर कोण स्त्रियांसोबतच्या फोटोवरून खालच्या पातळीवर टिप्पणी करतोय. पण एक बदल हा दिसतोय की

जे काँग्रेस समर्थक नाहीत किंवा कधी काळी विरोधकच होते पण सेन्सिबल जाणीव असणारे लोक आहेत ते अश्या घाणीला, अश्या ट्रोलिंग ला स्वतः विरोध करत आहेत. पक्षातील सरंजामी लोकं देखील गडबडले आहेत. राहुल पुढे चालून गेलाय पण या अफाट जनसमुदाय, जो राहुल ला बघून भारावून गेलाय आणि बदल अपेक्षित

करतोय, त्याला उत्तरे या नेत्यांनाच द्यावे लागणार याचं भान त्यांना आलंय.
या यात्रेमुळे राहुल ची नॉन सिरीयस, केअर लस राजकारणी, पप्पू अशी अजस्त्र मीडिया मॅनेजमेंट मुळे जी खोटी इमेज बनवली होती, ती आता टरकावली गेली आहे. गेली अडीच महिने, रोज सकाळी 6 वाजता सुरू करून, दिवसभर 25 30 किमी

चालणे, ते पण वेळ न चुकता, लाखो लोकांना भेटत, ऐकत चालणारा व्यक्ती हा सिरीयस तर आहेच पण सोबत दृढ निश्चय सोबत संयमी पण आहे हे सगळ्यांना कळून चुकलं आहे.
राहुल यात्रेत होणाऱ्या सभांमधून एक वैचारिक बैठक मांडतोय. जी पक्षासाठी एक मार्ग दाखवणारा ठरतोय. भाजप आणि त्याला चालवणारी संस्था RSS

वर जोमाने टीका करतोय, संस्थात्मक संरचनेत कट्टर उजव्या विचारसरणी ची माणसे RSS घुसवत आहे आणि त्यामुळे तिरस्कार, राग, घृणा वाढण्यास मदत होतेय हे तो बोलून दाखवतोय. मूठभर धनाढ्य उद्योगपतींच्या शोषण आणि संपत्तीच्या केंद्रीकरणाबद्दल वारंवार सांगतोय. आप आदिवासी हो, वनवासी नही यातून

भाजपच्या शब्दच्छलाला उघडा पाडतोय. संविधान सगळ्यांना एका समान पातळीवर आणतो आणि ते प्रत्यक्षात आणले पाहिजे हे पण बोलून दाखवतोय. हे बोलताना तो विरोधक संपवून टाका, त्यांच्या पासून देश मुक्त करा अशी खुनशी भाषा तो वापरत सुद्धा नाहीये. एकत्र येऊया, देश जोडूया, संवाद चालू राहिला पाहिजे

अशी शहाणी, बुद्धिवादी भूमिका राहुल घेतोय. राहुलची आज्जी , वडील हे ज्यापद्धतीने शहीद झालेत हे माहीत असून पण राहुल अकृत्रिमपणे गर्दीत जातोय, सहज नैसर्गिकरित्या लोकांसोबत संवाद साधतोय. त्याच्या वागण्यात बोलण्यात स्पर्शात कमालीची सहजता, विश्वास आणि आपुलकी आहे.
त्याला माहित आहे ही

लढाई एका दिवसाची नाहीये आणि सोपी तर अजिबातच नाही. पण तो प्रेमाने जग जिंकत निघालाय.
राहुलच्या पणजोबा, देशाचे पहिले पंतप्रधान जवाहरलाल नेहरू यांनी स्वतःच्या नजरेतून डिस्कव्हरी ऑफ इंडिया केलेली. आता ही 3500 km ची भारत जोडो यात्रा त्यांच्या पणतू साठी नक्कीच "रि"डिस्कव्हरी ऑफ इंडिया

बनेल असं दिसतंय. तेव्हा या प्रेमाच्या, एकत्र येण्याच्या, भारत जोडण्याची इच्छा असलेल्या यात्रेला सलाम आणि शुभेच्छा.