Thread by @ParameswaraRaoH

వన్యప్రాణి అంటే మానవుడు మచ్చిక చేసుకోని జంతువులను వన్య ప్రాణులుగా అభివర్ణిస్తారు. నేడు ప్రపంచ వన్యప్రాణుల సంరక్షణ దినోత్సవం సందర్భంగా #WorldwildlifeConservationDay
మృగాల వల్లే మానవ మనుగడ....
క్రూర మృగాలు లేకపోతే మానవ మనుగడే లేదనడం అతిశయోక్తి కాదు.
#Wildlife

వన్యప్రాణులు ఒకదానిపై ఒకటి ఆధారపడి జీవనం కొనసాగిస్తాయి. వన్య ప్రాణుల సంఖ్య భూమి మీద విపరీతంగా పెరిగి వినాశనం చోటు చేసుకోకుండా క్రూర మృగాలు వన్య ప్రాణులను వేటాడుతూ పర్యావరణాన్ని సమతూకంలో ఉంచుతాయి. క్రూరమృగాలు తమ జాతి సంతతి పెరగకుండా కూడా తమవంతుగా ముందస్తు చర్యలు తీసుకుంటాయి.

తమ చుట్టు ఉన్నవాటితో సంపర్కం కొనసాగించకుండా సుదీర్ఘ ప్రాంతంలోనున్న క్రూర మృగాలతో సంపర్కం కొనసాగించి మళ్లీ తమ యథాస్థానానికి వచ్చేస్తాయి. ఒక పులి సంవత్సరానికి 52 నుంచి 60 వన్య ప్రాణులను చంపి ఆహారంగా తీసుకుంటుంది. రోజుకు పులి 7 నుంచి 8 కిలోల మాంసాన్ని ఆహారంగా తీసుకుంటుంది.

వంద ఎకరాలలో 500 వన్య ప్రాణులు ఉన్నప్పటికీ పులులు వేటాడడం వల్ల వాటి సంఖ్య విపరీతంగా పెరగకుండా సమతూకంలో ఉంటుంది. అదే క్రూర మృగాలు లేకపోతే మానవ మనుగడే ప్రశ్నార్థకంగా మారుతుంది. వంద ఎకరాలలో 500 వన్య ప్రాణులు గడ్డి, చెట్ల ఆకులు, తేమలను ఆహారంగా తీసుకొని సంతానం అభివృద్ధి చేసుకుంటే

కొన్నాళ్ల పాటు వాటికి ఆహారం లభిస్తుంది. ఏ ఏడాదికి ఆ ఏడాది వీటి సంఖ్య విపరీతంగా పెరగడం వల్ల గడ్డి, చెట్లు ఆహారం సరిపోక భూమి లోపల బంగాళ దుప్పలను, వేర్లను ఆహారంగా తీసుకుంటాయి. భూమిలో ఉన్న వేర్ల దుప్పలు వాటికి ఆహారమైతే ఆ భూములన్నీ మొక్కలు లేకుండా బీటలువారిపోతాయి.

దీంతో అడవి ప్రదేశమంతా బీడు ప్రాంతంగా మారి వర్షాలు లేక కరువు కాటకాలతో విలవిలలాడుతుంది. తినడానికి తిండి లేక వన్య ప్రాణులు విలవిలలాడుతూ ప్రాణాలు కోల్పోతాయి. వర్షాలు, స్వచ్ఛమైన గాలి లేకపోవడంతో డ్యాంలలో నీరు లేక మానవుడు ఇబ్బందులు ఎదుర్కొంటాడు. పుష్కలంగా నీరు లేకపోవడం చేత

కరెంట్‌ ఉత్పన్నం కానేకాదు. ఇలా చూసుకుంటే మానవుడు చీకటిలో గడుపుతూ తినడానికి తిండిలేక, తాగడానికి నీరు లేక నకనకలాడుతూ దుర్భర జీవితం గడపాల్సిన పరిస్థితికి చేరుకుంటాడు. ఇప్పటికే ప్రపంచవ్యాప్తంగా లక్షల హెక్టర్లలో అడవిని మానవులు నరికి వేయడంతో వర్షాలు లేక కరువు కాటకాలతో

విలవిలలాడుతున్నారు. వన్య ప్రాణులు అధిక సంఖ్యలో మృతి చెందడంతో వాటి నుంచి వెదజల్లే దుర్వాసనతో కొత్త రోగాలకు గురవుతారు. క్రూర మృగాలు ఉంటే వన్య ప్రాణుల సంఖ్య సమతూకంగా ఉంటుంది. పచ్చని గడ్డి, చెట్లు, ఆకులను వన్యప్రాణులు ఆహారంగా తీసుకున్న భూమి కింద ఉండే దుంపలు,

వేర్లు జీవంతో అలాగే ఉండడంతో ఏ ఏడాదికి ఆ ఏడాది కొత్త గడ్డి, చెట్లు పెరగడంతో వన్యప్రాణులకు ఆహారం కొరత ఉండదు. కొన్ని సందర్భాలో చెట్ల రాపిడికి అడివి ప్రదేశం తగలబడి భూమి కింద ఉండే దుంపలు, వేర్లు సురక్షితంగా ఉండడంతో ఏ చిన్నపాటి చినుకు పడినా మళ్లీ చెట్లు, గడ్డి మొలకెత్తుతూ

ఆ ప్రాంతమంత పచ్చిక బయళ్లుగా మారిపోతుంది. వన్యప్రాణులు పండ్లు, ఫలాలను ఆహారంగా తీసుకున్నప్పుడు అరగని గట్టి గింజలు విసర్జింపబడ్డ వ్యర్థాలు భూమిపైకి చేరుతాయి. వ్యర్థాలు కుళ్లిపోయి విత్తనాలు, గింజలు మళ్లీ మొక్కలుగా పెరుగుతాయి. వీటి జీవన క్షమమంతా క్రమపద్దతిలో సాగడం వల్ల

క్రూర మృగాలతోపాటు వన్యప్రాణుల జీవనం సాఫీగా సాగిపోతుంది. విస్తారమైన వర్షాలతో అడవి ప్రాంతమంతా సస్యశామలంగా ఉంటుంది. డ్యాంలలో పూర్తిస్థాయి నీరు చేరితే కరెంట్‌ కోతలు లాంటివి ఉండక మానవ మనుగడ సాఫీగా కొనసాగేందుకు ఇంతటి బహుత్తతమైన కార్యాన్ని నిర్వహిస్తాయి.

వన్య ప్రాణులను మనం సంరక్షించుకుంటే ప్రపంచం మొత్తం సస్యశామలంగా మారి మానవ మనుగడ ఎంతో ఆహ్లాదకరంగా, ఉత్సాభరితంగా రోగాలు లేకుండా అత్యద్భుతంగా ఉంటుంది.

చిత్తూరు, కడప జిల్లాల్లో విస్తరించి ఉన్న శేషాచలం అటవీప్రాంతం కూడా క్రమంగా అంతరించిపోతోంది.

దీంతో ఈ ప్రాంతంలో కనిపించే అరుదైన జంతువులు కనుమరుగైపోతున్నాయి. దేశంలోనే అరుదైన జంతువు ''పునుగుపిల్లి''తోపాటు అడవికోళ్ళు, కొండగొర్రెల సంరక్షణ కూడా ఇక్కడే చేపడుతున్నారు.'తిరుపతి అటవీశాఖ అధికారులు అరుదైన జంతువుల సంరక్షణ కోసం ప్రత్యేక చర్యలు చేపడుతున్నారు.

గతంలో అంతరించిపోయే దశకు చేరుకున్న అడవికోళ్లు, కొండగొర్రెలను రక్షించి వాటి ఉత్పత్తిని పెంచారు. శేషాచలం అటవీప్రాంతంలో అరుదుగా కన్పించే జంతువులను ఎస్వీ జూపార్క్ అధికారులు పూర్తిస్థాయిలో సంరక్షిస్తున్నారు.

దేశంలో పకృతి సిధ్దంగా ఉన్న అతిపెద్ద జూపార్కుల్లో మెదటిస్ధానంలో

ఉన్న తిరుపతి ఎస్వీ జూపార్క్ వన్యప్రాణి సంరక్షణకు ప్రత్యేక చర్యలు చేపట్టింది. జంతువుల పరిరక్షణపై ప్రతిఒక్కరికీ అవగాహన కల్పిస్తూ అరదైన జంతుజాలాన్ని కాపాడుతోంది. జంతుప్రేమికులు కూడా జంతువులను దత్తత తీసుకుని,

వాటి సంరక్షణకు అయ్యే ఖర్చును భరిస్తున్నారు.ఇప్పటికైనా వన్యప్రాణి సంరక్షణ విషయంలో ప్రభుత్వం మెతక వైఖరి వీడి అరుదైన జంతువులను కాపాడాలని జంతుప్రేమికులు కోరుతున్నారు.