Thread by @anbezhil12

#அறந்தாங்கி_வீரமாகாளி_அம்மன் திருக்கோயில்
புதுக்கோட்டையிலிருந்து 40 கிமீ தொலைவில், காரைக்குடி-மயிலாடுதுறை ரயில் தடத்தில் காரைக்குடியிலிருந்து 45 கிமீ தொலைவில் உள்ளது இக்கோவில். அறந்தாங்கியைச் சுற்றியுள்ள 16 கிராமங்களின் காவல் தெய்வமாக வீரமாகாளியம்மன் போற்றப் படுகிறாள். முப்பது

நாட்கள் பிரம்மோற்சவம் நடைபெறும் கோவில் என்றும் இத்தலத்திற்கு தனிச்சிறப்பு உண்டு. சுமார் 300 ஆண்டுகளுக்கு முன்பு சிறிய கல் வடிவமாக வழிபட்டு வந்த கிராமத்து மக்களுக்கு திருவுருவச்சிலை செய்யும் எண்ணம் ஏற்பட்டது. அப்போது உருவான விக்ரகத்தை நான்கு கரங்களுடன் செய்து முடித்தனர். ஆனால்

வலது மேல் கரத்தில் ஒரு விரலில், பின்னம் ஏற்பட்டு விட்டது. இதனால் ஊர் மக்கள் மனவருத்தம் அடைந்தனர். அன்றைய தினம் கோவில் அர்ச்சகரின் கனவில் தோன்றிய அம்மன், தான் பூமியில் மறைந்து வாழ்ந்து வருவதாகவும். வெளிப்படும் நேரம் வந்து விட்டதாகவும் தெரிவித்தாள். தன் ஆலயத்தில் இருந்து ஓர் ஆட்டை

நடக்கவிட்டு. அது எங்கு சென்று அமர்ந்து கொள்கிறதோ அங்கே தோண்டினால் தன் வடிவம் கிடைக்கும் என்று கூறினாள். பின்னர் அவ்வாறே அக்கிராம மக்கள் அதை செய்த போது அம்மனின் பிரம்மாண்ட, கல்லால் ஆன விக்ரகம் அங்கு கண்டு எடுக்கப்பட்டது. பின்னர் அந்த பிரம்மாண்ட விக்ரகத்தை கோவிலில் பிரதிஷ்டை செய்த

மக்கள் அம்மனை காவல் தெய்வமாக வழிபட தொடங்கினர். இக்கோவில் கருவறையின் உள்ளே அன்னை வீரமாகாளி எழிலான கோலத்தில், பிரம்மாண்ட வடிவில் கருணை வடிவாக அருள் பாலிக்கிறாள். வலதுபுறம் கருப்பசாமி மற்றும் விநாயகர் சிலை வடிவங்கள் அமைந்துள்ளன. வடக்கு நோக்கி அமர்ந்த கோலத்தில், சிரசில் மகுடம் தாங்கி

வலது காதில் ஆணுக்குரிய நாகாபரணமும், இடது காதில் பெண்ணுக்குரிய பாம்படம் எனும் காதணியும் அணிந்து, சிவசக்தி சொரூபமாக அன்னை, எண்கரங்கள் உடன் காட்சியளிக்கிறாள். வன வாசத்தின் போது பஞ்சபாண்டவர்கள், வீரவனம் என்றழைக்கப்பட்ட அறந்தாங்கிப் பகுதிக்கு வந்து அம்மனை வணங்கியதாகவும், அவர்கள் தங்க

நல்ல இடத்தை அம்மன் காட்டியதாகவும் கூறுவர். திருமணத் தடை உள்ளவர்களும், அனைத்துவித திருமண தோஷம் உள்ளவர்களுக்கும், தோஷங்களை நீக்குபவளாக திகழ்கிறாள். மேலும் நாகதோஷம், புத்திரதோஷம் உள்ளவர்களுக்கும், அன்னை தோஷங்களை நீக்கி அருள் பாலிக்கிறாள். அம்மன் ஆசியால் குழந்தைப் பெற்றவர்கள்

நேர்த்திக் கடனாக அந்தக் குழந்தையை இக்கோவிலுக்குத் தத்துக் கொடுத்து, மீண்டும் பெற்றுக் கொள்கின்றனர். அம்மன் அருளால் திருமணமானவர்கள் பொட்டு கட்டிய தங்கத் தாலியை அம்மனுக்குக் காணிக்கையாக செலுத்தி, தங்கள் நேர்த்திக் கடனை நிறைவு செய்கிறார்கள்.
இக்கோயில் காலை 6.00 முதல் 12.00 வரை

மாலை 4.00 முதல் 8.30 வரை திறந்திருக்கும். ஆடிப்பெருந்திருவிழா, சித்திரை முதல் நாள், வைகாசி விசாகம், ஆனித் திருமஞ்சனம், ஆடிப்பெருக்கு, ஆவணி அவிட்டம், புரட்டாசி நவராத்திரி, ஐப்பசி தீபாவளி, கார்த்திகை தீபம், மார்கழி வைகுண்ட ஏகாதசி, தை மாதப் பிறப்பு, மாசி மகம், சிவராத்திரி உள்ளிட்ட

விழாகள் சிறப்பாக கொண்டாட படுகின்றன.
சர்வம் ஶ்ரீ கிருஷ்ணார்ப்பணம்🙏🏻