#கார்த்திகை_தீப_ஸ்பெஷல் #கணம்புல்ல_நாயனார் தில்லை வீதியெங்கும் மூவாயிரவர் திருமனைகளில் கார்த்திகை தீபங்கள் வைக்க தொடங்கி இருந்தனர், அவற்றை கண்டதும் நாயனாருக்கு இதயம் வேகமெடுத்து துடித்தது. சர்வேஸ்வரா! தீபம் வைக்கத் தொடங்கி விட்டார்களே உங்கள் ஆலயம் தீபமின்றி இருளுமே, என்ன செய்வேன் 
என்று வாய்விட்டு பதறினார். வடவெள்ளாற்றின் தென்கரையிலே அமைந்துள்ள இருக்குவேளூர் என்னும் தலத்திலே வாழ்ந்து வந்த பெருங்குடி மக்களுக்குத் தலைவனாக விளங்கியவர் சிவனருட்செல்வர் என்னும் நாயனார். அவர் கோவில்களுக்கு விளக்கேற்றுவதை தம் பணியாக செய்து வந்தார். நற்பணி செய்து வந்த இவருக்கு
நாளடைவில் வறுமை தொற்றியது. தன் நிலபுலன்களை விற்று அங்கே இருக்க பிடிக்காமல் தேசாந்திரியாக சென்ற அவர் தில்லை வந்தார். அவ்விடம் மிகவும் பிடித்து போக அங்கேயே தங்க முடிவு செய்தார். தில்லைத் திருவிடத்தில் அமைந்துள்ள #திருப்புலீச்சரம் என்னும் சிவன் கோயிலுக்கு விளக்கேற்றும் பணியை
மேற்கொண்டார். மேற்கொண்டு மனையில் விற்க பொருள் இல்லா நிலை ஏற்பட்டதும் நாயனார் ஊராரிடம் இரப்பதற்கு அஞ்சிய நிலையில் கணம்புல்லை அரிந்து வந்து அவற்றை விற்று பணமாக்கி நெய் வாங்கி விளக்கேற்றி வந்தார்.
அன்று மதியம் அறுத்து கட்டிய கணம்புல் கட்டினை "வாங்கலியோ வாங்கலியோ" என்று குயவர் தெரு,
அன்று மதியம் அறுத்து கட்டிய கணம்புல் கட்டினை "வாங்கலியோ வாங்கலியோ" என்று குயவர் தெரு,
தச்சர் தெரு, கம்மாளர் தெரு என்று வீதிவீதியாக ஏலம் போட்டும் யாரும் வாங்கவில்லை. தினம் தினம் மேற்படித் தெருகளில் யாராவது ஒரு கட்டு கணம்புல்லை வாங்கி கொண்டு காசு கொடுப்பார்கள் ஓடிவந்து நெய் வாங்கி கொண்டு தில்லை புலீச்சரத்திற்கு ஓடி தாம் வழக்கமாக விளக்கேற்றும் பகுதிக்கு வந்து
அமர்ந்து கொண்டு அர்த்தசாம பூஜையாகி நடையடைக்கும் வரை விளக்கெரிப்பார். ஆனால் தில்லையில் திடீரென்று நெய்க்கு வந்த வாழ்வு ஆனைவிலை, குதிரை விலை கூறுகிறார்கள். அதுவும் நேற்று அண்ணாமலையார் தீபம், இன்று சர்வாலய தீபம் நெய்யின் விலை முற்றிலுமாக ஏறிவிட்டது கையில் இருந்த காசுக்கு நேற்றே நெய்
வாங்கி எரித்தாயிற்று. கண்ணீர் முட்டிக்கொண்டு வந்தது அவருக்கு. பொழுது இருட்டிக் கொண்டிருந்தது, எம்பெருமானே!சித்சபேசா! சிதம்பரேசா! இந்த கார்த்திகை நாளிலா இப்படி ஒரு சோதனை வரவேண்டும் என்று நாயனார் வாய்விட்டு கதறினார். வேறுவழியின்றி தலையில் சுமந்த புல்கட்டுடன் ஆலயத்துக்குச் சென்றார்.
ஆலயம் முழுவதும் தீபங்கள் வைக்கப்பட்டு இருந்தது ஆனால் இவர் வழக்கமாக தீபம் வைக்கும் இடம் மட்டும் இருண்டு கிடந்தது, அங்கு நாயனார் வந்து தீபம் வைப்பது வழக்கம் என்பதால் யாரும் தீபம் வைக்கவும் முன்வரவில்லை போலும். நாயனாருக்கு மனம் சுக்குநூறாக உடைந்தது. புற்கட்டை தரையில் போட்டுவிட்டு
அமர்ந்த பொழுதுதான் அந்த யோசனை தோன்றியது. சடார் என்று, அகல் விளக்குகளை எடுத்து வைத்து, அந்த கணம்புல்லையே சிறிது சிறிதாக திரிபோல திரித்து விளக்குகளில் இட்டு தீயிட்டார். வாடிய புல் அனைத்து விளக்குகளிலும் சரசர என்று எரிய தொடங்கியது, ஓரளவுக்கு அப்பகுதியில் தீபங்கள் எரிவது போல தோன்ற
செய்தது. ஒன்றும் இல்லாததற்கு இந்த வெளிச்சத்தையாவது எம்பெருமான் சன்னதியில் ஏற்படுத்த முடிந்ததே என்று நாயனார் மிகுந்த மகிழ்வுடன் மேலும் மேலும் சிறிது சிறிதாக விளக்குகளில் புல்லை திரித்து சேர்த்து கொண்டே வந்தார், ஆனால் அந்த மகிழ்ச்சியும் வெகுநேரம் நீடிக்கவில்லை. புல்லின் அளவு குறைய
குறைய தீபங்களின் எண்ணிக்கையும் குறையத் தொடங்கியது, ஆனால் அர்த்தசாமம் ஆக இன்னும் வெகு நேரம் இருக்கிறதே என்ன செய்வேன் என்று பதறினார் நாயனார். நிறைவாக ஒரே ஒரு தீபம் எரிந்து கொண்டு இருந்தது கடைசிப் பிடி புல் மட்டுமே இருந்தது, நாயனாரின் நயனங்கள் கண்ணீரை சொரிந்தன. அப்பொழுது தான்
கணம்புல்லை போலவே மிருதுவாக எரிப்பதற்கு ஏற்ற ஒரு பொருள் தம் தலையில் இருப்பதனை உணர்ந்தார். எம்குடியாளும் கணம்புல்ல நாயனார்
அடுத்த விநாடி சிறிதும் யோசிக்காத பெருமானார், கையில் உள்ள கணம்புல்லை பற்றவைத்து தம் தலைமுடியில் வைத்து கொண்டார். தலைமுடி பற்றி எரியத் தொடங்கியது, எம்பெருமான்
அடுத்த விநாடி சிறிதும் யோசிக்காத பெருமானார், கையில் உள்ள கணம்புல்லை பற்றவைத்து தம் தலைமுடியில் வைத்து கொண்டார். தலைமுடி பற்றி எரியத் தொடங்கியது, எம்பெருமான்
சன்னதி வெளிச்சத்திற்கு இந்த பாழும் உடல் பயன்படுகிறதே என்று சிவானந்தமுற்ற நாயனார் ஆனந்த நிட்டையில் வீற்றிருந்தார். உடனேயே ஆகாயத்தில் உமையொரு பாகன் விடையொரு பாகனாய் எழுந்தருளி கணம்புல்ல நாயனாரை சிவ லோகத்தில் இனிது வீற்றிருக்கும்படி ஆட்கொண்டு அருளினார். கணம்புல்லர் நாயனாரின்
குருபூஜை கார்த்திகை மாதம் கார்த்திகை நட்சத்திரத்தில் கொண்டாடப்படுகிறது.
திருசிற்றம்பலம்
சர்வம் ஶ்ரீ கிருஷ்ணார்ப்பணம்🙏🏻
திருசிற்றம்பலம்
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
