Thread by @wankhedeprafull

एका मोठ्या मॉलच्या पार्किंगमधे गाडी लावायला गेलो.

आत एन्ट्री करताना हायवेच्या टोलनाक्यावर जशी माणसं उभी असतात अगदी तशीच भरपूर मुलं-मुली पावती फाडायली उभी होती. बरं सर्व मशीन्स ऑटोमॅटीक होत्या तरीही.

पुढे गेलो तर ॲरोमार्कींग असून जवळपास प्रत्येक
#SundayThread #यंत्रVSमानव
१/१५

टर्न वर फ्ल्युरोसेंट जॅकेट आणि हातात लाईट असलेली माणसं पार्किंगकडे जायचा रस्ता दाखवत होती.

पुढे आत जाताना सेफ्टी चेकलाही भरपूर मंडळी व संपुर्ण ॲाटोमॅटीक लिफ्टमधेही लिफ्टमन होते.

काम झाल्यावर गाडी बाहेर काढतानाही तशीच कामगारांची गर्दी. एक्झिटची वाट-ॲरो अगदी स्पष्टपणे बाहेर
२/१५

पडण्याचे मार्ग/ मार्किंग असूनही.

पुढे कॅश जमा करायला तशीच टोलनाक्यासारखी वसूलीची गर्दी.

हे सगळं पाहत असताना विचार आला ही दिवसभर अशी (तरूण) लोकं काय म्हणून हे काम करत असतील?

त्यांची या कामात काय प्रगती होणार? प्रमोशन काय मिळणार?
यांचा पगार दरसाल किती वाढणार?
या कामामुळे
३/१५

त्यांना काय शिकायला मिळणार?
पुढे दुसऱ्या मॉलमधे किंवा पार्किंगच्या कंपनीत “स्विच” मारताना या अनुभवामुळे किती पर्सेंट पगारवाढ मिळणार?

यांना मेडीकल सुविधा, पीएफ, रोजगारातली सूरक्षा, रिटायरमेंट नंतर निवृत्तीवेतन वगैरे लाभ तरी आहेत का?

मग हे का काम करत असतील?

हेच का?
४/१५

असे अनेक लोक आपण आजूबाजूला पाहतो.

कधी ते सुरक्षा कर्मी असतात, कधी स्वच्छताकर्मी तर कधी कचरावेचक.

एखाद्या हॉटेलमधला टेबल साफ करणारा तर कधी गटार, मैला साफ करणारे, आपल्यासारखे माणूस म्हणून जन्माला आलेली माणसं.

तसं पहायला गेलं तर ते स्वाभिमानी आणि कष्टाळू असतात. इतरांसारखं
५/१५

भिक मागून, चोऱ्या करून, गंडवागंडवी करून, ब्लॅकमेल करून, चुकीचे धंदे करून जगण्यापेक्षा कष्ट करून स्वतःचे व कुटूंबाचे पोट भरतात.

आपल्याला त्यांच्याकडे पाहतांना ती माणूसकीची कणव वगैरे किती जाणवते हा ज्याच्यात्याच्या संस्काराचा आणि त्या परिस्थितीचा भाग पण ही अशी “इतकी” मंडळी
६/१५

आपल्याला विकसित देश-परदेशात नाही पहायला मिळतं.

का?

हा प्रश्न आला की तिकडे “कायदा आणि शिस्त” आहे हे ठरलेल्या पठडीतील वाक्य येते. बरं ही शिस्त आपण पाळायची की तिथल्या मॅालमधे जाणाऱ्यांनी पाळायची?

आजही मैला साफ करायला माणूस “प्राणी” आपल्याकडे वापरला जातो? त्याबद्दल आपण का बर
७/१५

कोणी माणूसकी दाखवत नाही.

विकसित देशात या अशा सर्व कामांसाठी एका रात्रीत मशीन्स आणल्या नाहीत. तिथे तसे वातावरण तयार झाले.

वास्तविकपणे ही अशी काम करण्यासाठी त्यांच्याकडे असे मनुष्यबळच उपलब्ध नाही.

त्यांच्याकडे यापैकी बरीच कामं सेल्फसर्व्हीस म्हणूनच केली जातात.

आपल्याकडे
८/१५

कोणत्याही हॉटेलमधे जा गेट बाहेरच बॅगा उचलण्यापासून ते त्या रूममधे ठेवण्यासाठीही २/३ जणं काम करतात, तिकडे मात्र स्वतःच बॅगेज स्वतःच उचलून आपसूक लोकं जातात.

शिक्षणामुळे लोकांच्या राहणीमानात अमुलाग्र बदल तर झालेच पण माणसाकडे “रिस्पेक्ट” ने पाहण्याचा दृष्टीकोन डेव्हलप झाला.
९/१५

आपल्या देशात आजही चांगले शिक्षण आणि स्किलचा अभाव आहे.

उच्चशिक्षणाचे ढासळते प्रमाण तसेच अगदी लहान वयातच व्यसनांचे वाढते प्रमाण हे अत्यंत धोकादायक बनत चाललेय.

अतिप्रचंड लोकसंख्येच्या देशात यासह इतर अनेक कारणं मोठ्या प्रमाणावर अत्यंत स्वस्तात मॅनपॉवर उपलब्ध करून देताहेत.
१०/१५

शिक्षणानं यंत्रांचं, विज्ञानाचं महत्व आपल्याल कळतं.

खरतर यंत्रांचं काम हे मनुष्याचं जगणं सुसह्य करणं, गतिशील करणं व त्याला नव्या उंचीवर घेऊन जाणं हे असतं परंतू “आपल्याकडे माणसच यंत्रांपेक्षा कमी किंमतीत सहज उपलब्ध आहेत.”

बरं त्या माणसांनाही या नव्या जगाशी तसं काही फार
११/१५

देणघेणं नाही जणू.

मैला साफ करायला रोबोट आले तर यांना काय नोकऱ्या द्यायच्या?

ॲाटोमेशन्स झाले तर कामगार कमी होतील?

ब्लॅाकचेन आले, ट्रांसपरंसी वाढली तर मधल्यांना काय काम द्यायची? असे अनेक प्रश्न आ वासुन उभे राहतात.

या माणूसकीच्या, सामाजिक पारतंत्र्यातील लोकांना राजकारणी
१२/१५

मंडळी स्टॉकहोम सिंड्रोमचा परफेक्ट फिल देतात.

मग त्यांना हे असले “रोजगार” देणारी मंडळी तारणहार, मसिहा वाटू लागतात.

योग्य शिक्षण, त्यानंतर कालसुसंगत स्किल्स,हाताला रिस्पेक्टफुल काम, आणि त्यातून शाश्वत आर्थिक, सामाजिक विकास होणार नसेल तर ही असली कामं आणि माणसं वाढतच जातील.
१३/१५

ही विषमतेची दरी अजून जितकी खोल होत जाईल तितका यंत्रापेक्षा माणूस अधिक स्वस्त होत जाईल आणि मग तेवढं आपण वेगाने अश्मयुगाकडे वाटचाल करू.

प्रत्येक माणूस बिल गेट्स, अंबानी, अदानी, टाटा, इलॉन मस्क, उसेन बोल्ट, शास्त्रज्ञ, नोबेल लॉरीएट वा त्या क्षेत्रात सर्वोकृष्टच हवा असे नाही.
१४/१५

आपण कितीतरी सोप्या सोप्या गोष्टी आपण सहज करू शकतो, ज्यात हमखास यशही मिळू शकते पण आपण उगीचच क्लिष्ट विषयांच्या मागे लागतो.

वेळेचा, उर्जेचा, आयुष्याचा अपव्यय होईल अशा गोष्टी टाळता येणं हे स्किल जेवढ्या लवकर कळेल तेवढी प्रगती अधिक होतेच शिवाय अधिक समाधानी,आनंदी राहता येते.
🙏
१५/१५