Thread by @Moona_sikander1

کعبہ ،ابرہہ اور ابابیلیں

مونا سکندر کے قلم سے

قبل از اسلام کا زکر ہے
بہت پرانا نہیں
بس اسلام سے کچھ دہائیوں قبل کا
مکے میں ایک گھر ہے
تم جانتے ہو کہ وہ گھر ہمیشہ سے عزت والا گھر ہے کہ اسے اللہ تعالیٰ سے نسبت ہے
اور نسبتیں یونہی مقام بلند کر دیا کرتی ہیں

ادھر عرب سے کچھ پرے
👇

یمن میں صنعا کے مقام پر ابرہہ نامی عیسائی بادشاہ نے ایک گرجہ تعمیر کیا کہ وہ عبادت کا مرکز و محور بن جائے مگر انسان کی خواہش کی اللہ کی مرضی کے سامنے کیا حقیقت
کعبہ بدستور عبادت کا مرکز رہا
بتوں کے نام پر ہی سہی مگر جو گھر اللہ کے نام پر تعمیر ہوا تھا اس کی حرمت برقرار رہی
👇

ابرہہ کو بڑا طیش آیا
اس نے ارادہ کیا کہ نعوذبالّلہ کعبۃ اللہ کو مسمار کردے کہ اس کی بنائی ہوئی عمارت بن جائے عبادت کا مرکز
سو چلا ایک بڑی فوج لے کر کعبہ کو مسمار کرنے
ہیبت کے لیے ہاتھیوں کی فوج ہمراہ تھی
مگر ایک تدبیر تم کرتے ہو اور ایک تدبیر اللہ کرتا ہے اور اللہ کی تدبیر ہر
👇

تدبیر پر بھاری ہے
جب ابرہ کا لشکر شان و شوکت کے ساتھ مکہ کے قریب پہنچا تو مکہ کے لوگ پہاڑوں پر پناہ گزیں ہوئے کہ اس لشکر کا مقابلہ کرنا ان کے بس کی بات نہ تھی
کعبہ کے متولی عبدالمطلب کا ایک اونٹ کھو گیا تھا وہ اپنا اونٹ ڈھونڈتے پھر رہے تھے
لوگوں نے ان سے کہا کہ کعبہ کو منہدم
👇

کرنے فوج آیا ہی چاہتی ہے اور آپ کو اپنے اونٹ کی فکر ہے، تو عبدالمطلب نے کہا کہ کعبہ تو گھر ہے خدا کا اس کی فکر خدا کے ذمہ ہے
اونٹ میرا ہے تو اسے تو مجھے ہی ڈھونڈنا ہے

خیر ابرہہ کا لشکر آیا کعبے پر چڑھائی کرنے
جس کے دفاع کے لئے کوئی نہیں تھا
مگر کوئی ہے جو سب سے طاقتور ہے
👇

جس کے ایک "کن" کی محتاج یہ ساری خدائی ہے
اس نے ہاتھیوں کے مقابلے میں انتہائی چھوٹے چھوٹے پرندوں کی فوج بھیجی جن کی چونچوں میں کنکر تھے
ان کنکریوں نے قوی الجثہ ہاتھیوں کو ایسا کر دیا جیسے کھایا ہوا بھُس
قرآن میں اس قصے کو کچھ یوں بیان کیا گیا ہے

👇

اَلَمْ تَـرَ كَيْفَ فَعَلَ رَبُّكَ بِاَصْحَابِ الْفِيْلِ (1)

کیا آپ نے نہیں دیکھا کہ آپ کے رب نے ہاتھی والوں سے کیا برتاؤ کیا

اَلَمْ يَجْعَلْ كَيْدَهُـمْ فِىْ تَضْلِيْلٍ (2)

کیا اس نے ان کی تدبیر کو بے کار نہیں بنا دیا تھا

وَاَرْسَلَ عَلَيْـهِـمْ طَيْـرًا اَبَابِيْلَ (3)

👇

اور اس نے ان پر غول کے غول پرندے بھیجے۔

تَـرْمِيْهِـمْ بِحِجَارَةٍ مِّنْ سِجِّيْلٍ (4)

جہاں پر پتھر کنکر کی قسم کے پھینکتے تھے

فَجَعَلَـهُـمْ كَعَصْفٍ مَّاْكُوْلٍ(5)

پھر انہیں کھائےہوئے بھس کی طرح کر ڈالا

صدیاں گزریں،کعبہ شرک کے مرکز سے پھر سے توحید کا مرکز بنا
اسلام آیا
👇

اجالے لایا
کعبہ آج تک عبادت کا مرکز ہے
صنعا کا معبد اور بادشاہ نشان عبرت

اور بے شک اللہ بڑی شان والا ہے

آج سے پون صدی پیشتر، کفر کے گڑھ ہندوستان سے اللہ کے نام پر ایک ملک حاصل کیا گیا، نام رکھا اس کا پاکستان
بمعنی پاک لوگوں کی سر زمین
جہاں سارے حاجی، نمازی،حافظ اپنے ذاتی
👇

مفاد کو مقدم رکھتے ہوئے بس اس ملک کو تباہ کرنے پر تلے ہیں
جس کے پاس اختیار آتا ہے وہ خود کو خدا سمجھ لیتا ہے اور یہاں بسنے والے لوگوں کو کیڑے مکوڑے
اور ہم واقعی کیڑے مکوڑے ہی ہیں، ابابیلوں کے منتظر کیڑے مکوڑے

👇

ہم بائیس کروڑ خود "ابابیلیں" ہیں مگر ہم ادراک نہیں رکھتے
ہم سب ایک ایک کنکر لے کر یکجہتی کے ساتھ نکل پڑیں تو ہر فرعون، ہر ابرہہ، ہر ہاتھی یوں ہوجائے گا جیسے

"کھایا ہوا بُھس"

#ازقلم_موناسکندر
#اب_مائنس_تم_ہوگے
#StopDirtyGames