Thread by @DrNagajothi11

#கலைஞரின்_பேனா என்னவெல்லாம் செய்தது!!!

இன்று அனைத்து அரசு விழாக்களிலும், கல்வி நிலைய விழாக்களிலும் பாடப்படும் "நீராருங் கடலுடுத்த” எனத் தொடங்கும் தமிழ்த்தாய் வாழ்த்துப் பாடல் பாடப்படவேண்டும் என ஆணை பிறப்பித்து கையெழுத்திட்டது.

{Pic credit: @TamilSpaceViz தோழர்}

(1)

ஒரு மனிதனை சக மனிதன் உட்கார வைத்து இழுத்துக்கொண்டு செல்லும் அவலம் நிறைந்த கை ரிக்ஷாக்கள் ஒழிக்கப்பட்டு சைக்கிள் ரிக்ஷாக்களை அறிமுகம் செய்ய கையெழுத்திட்டது.

குடிசை வீடுகள் இல்லா தமிழகத்தை அமைக்க 'குடிசை மாற்று வாரியம்’ உருவாக்க கையெழுத்திட்டது.

(2)

சுதந்திர தினத்தன்று பிரதமரும், குடியரசு தினத்தில் குடியரசுத் தலைவரும், மாநிலங்களில் ஆளுநர்கள் மட்டுமே கொடியேற்றுவது மரபாக இருந்த நிலையில், மத்திய அரசால் நியமிக்கப்படும் ஆளுநரைவிட மக்களால் தேர்தெடுக்கப்பட்ட முதலமைச்சர்களே கொடி ஏற்றும் உரிமை பெற்றவர்

(3)

என போராடி இன்று அனைத்து மாநில முதலமைச்சர்களும் தேசிய கொடி ஏற்றும் உரிமையைப் பெற்றுத் தந்தது கலைஞரின் பேனா தான்.

ஆணும் பெண்ணும் சமம் என வெறும் வாய் வார்த்தையில் மட்டும் சொல்லாமல், ஆண்களுக்கு மட்டுமே காலம் காலமாக வழங்கப்பட்ட சொத்தில் பெண்களுக்கும் சம உரிமை

(4)

வழங்கும் தனிச் சட்டத்தை நிறைவேற்றியதும் கலைஞரின் பேனா தான்.

ஏழை மக்களும் பயன் பெரும் வகையில் பெண்களின் திருமணத்துக்காக, மூவலூர் இராமாமிர்தம் அம்மையார் திருமண உதவித் திட்டம், அஞ்சுகம் அம்மையார் நினைவு கலப்புத் திருமண உதவித் திட்டம், டாக்டர் தர்மாம்பாள்

(5)

அம்மையார் நினைவு விதவை மறுமணத் திட்டம், அன்னை தெரசா நினைவு ஆதரவற்ற பெண்கள் திருமண நிதியுதவித் திட்டம், ஈ.வே.ரா - நாகம்மையார் நினைவு மகளிர் இலவசப் பட்டப்படிப்புத் திட்டம், ஈ.வே.ரா - மணியம்மையார் நினைவு ஏழை விதவைகளின் மகள் திருமண உதவித் திட்டம்,

(6)

சத்தியவாணி முத்து அம்மையார் இலவசத் தையல் இயந்திரம் வழங்கும் திட்டம், டாக்டர் முத்துலட்சுமி ரெட்டி நினைவு மகப்பேறு நிதியுதவித் திட்டம், சத்தியா அம்மையார் குழந்தைகள் காப்பகங்கள் திட்டம், சிவகாமி அம்மையார் பெண் குழந்தைகள் பாதுகாப்புத் திட்டம்,

(7)

பங்காரு அம்மையார் மகளிர் குழுக்கள் திட்டம் என பெண்கள் கல்வி பொருளாதாரம் சமூகம் என அனைத்திலும் தலை நிமிர்ந்து நிற்க அத்தனை திட்டங்களையும் வடிவமைத்து நடைமுறைக்கு கொண்டு வந்து பெண்கள் வாழ்வை செழிப்பாக்கியது கலைஞரின் பேனா தான்.

(8)

இன்றும் வடமாநிலங்களில் பல கிராமங்கள் இருளில் மூழ்கி இருக்கும் நிலையில் 1966-ம் ஆண்டே குடிசைக்கு ஒரு விளக்கு என்ற திட்டம் மூலம் மலைமேல் இருக்கும் குக்கிராமங்களுக்கும் கூட மின் இணைப்பு வழங்கி மக்களை இருளில் இருந்து காத்தது கலைஞரின் பேனா.

(9)

கடந்த 50 ஆண்டுகளுக்கு முன் ஊருக்குள் பல குழந்தைகள் போலியோவால் பாதிக்கப்பட்டு வீட்டில் முடங்கியிருந்த நிலையை களைய போலியோ ஒழிப்புத் திட்டத்தை நிறைவேற்றி இன்று போலியோவால் ஒரு குழந்தை கூட பாதிக்கப்படாத நிலையை உருவாக்கியது கலைஞரின் பேனா.

(10)

1966-ம் ஆண்டுத் தமிழகத்தில் 109 கலை மற்றும் அறிவியல் கல்லூரிகளின் இருந்தன, அவற்றில் அரசு கல்லூரிகள் 2, தனியார் கல்லூரிகள் 87. அதில் படித்த மாண்வர்களின் எண்ணிக்கை 1,31,093. 1969 முதல் 1976-ம் ஆண்டுவரையிலான காலகட்டத்தில் கலைஞர் முதலமைச்சரானதும்,

(11)

68 கலை மற்றும் அறிவியல் கல்லூரிகள் புதிதாக தொடங்கப்பட்டன. பின்னர், அடுத்தடுத்துக் கலைஞர் முதலமைச்சர் ஆன காலகட்டங்களில் புதிதாகக் கலை மற்றும் அறிவியல் கல்லூரிகள் திறக்கப்பட்டு, 2010-ம் ஆண்டில் தமிழகக் கல்லூரிகளின் எண்ணிக்கை 587, இதை சாத்தியப்படுத்தியது கலைஞரின் பேனா தான்.

(12)

போக்குவரத்து வசதி இல்லாமல் மாணவர்களின் கல்வி தடைபட்டுவிடக் கூடாது என்பதற்காக இலவச பஸ்பாஸ் வழங்க ஆணையிட்டது கலைஞரின் பேனா தான்.

24 அரசு பல்கலைக் கழகங்களும், 25 தனியார் பல்கலைக்கழகங்களும் தொடங்க ஆணையிட்டது கலைஞரின் பேனா தான்.

(13)

வெறுமனே கல்லூரிகள் தொடங்கினால் மட்டும் போதாது மாணவர்களுக்கு இலவசமாக உயர்கல்வி வழங்க வேண்டும் என 2010-ம் ஆண்டு, அரசுக் கல்லூரிகளில் பட்ட மேற்படிப்பு இலவசமாக்க கையெழுத்திட்டது கலைஞரின் பேனா தான்.

(14)

ஆரம்பக் கல்விக்குக் காமராசர், உயர்கல்விக்குக் கலைஞர் என்று சொல்லும் அளவுக்கு உயர்கல்வி வளர்ச்சியில் பங்காற்றியது கலைஞரின் பேனா தான்.

வாய் வார்த்தையில் மட்டுமே தமிழ் தமிழ் என பேசும் பிழைப்புவாதிகள் மத்தியில், தமிழை 1967-68-ம் ஆண்டு இளங்கலை வகுப்பிலும்,

(15)

1969-70-ம் ஆண்டு இளம் அறிவியல் வகுப்பிலும் பயிற்றுமொழி ஆக்க ஆணையிட்டது கலைஞரின் பேனா. தமிழில் பயிலும் மாணவர்களுக்குச் சிறப்பு ஊக்கத்தொகை வழங்கவும் ஆணை பிறப்பித்ததும் கலைஞரின் பேனா தான்.

(16)

அனைத்துப் பள்ளிகளிலும் 1-ம் வகுப்பு முதல் 10-ம் வகுப்புவரை தமிழை கட்டாய பாடமாகக் கற்பிக்க வேண்டும் என சட்டம் இயற்ற எழுதியது கலைஞரின் பேனா தான்.

2010-2011-ம் ஆண்டு அண்ணா தொழிற்நுட்ப பல்கலைக் கழகங்களில் கட்டுமானவியல், இயந்திரவியல் ஆகிய பாடப் பிரிவுகளில்

(17)

தமிழ்மொழி வழியாகக் கல்வி கற்க வகைச் செய்து, இந்தியாவிலேயே முதன்முறையாகத் தாய்மொழியில் கற்க ஆணையிட்டது கலைஞரின் பேனா தான். ஆக, இன்றைக்குத் தமிழ்நாட்டில் அனைத்துப் பள்ளிகளிலும் தமிழ் கற்பிக்கப்படுவதற்குக் முழு காரணம் கலைஞரின் பேனா மட்டும் தான் என சொன்னால் அது மிகையாகாது.

(18)

இவை அனைத்திற்கும் மேல் தமிழுக்கு செம்மொழி அந்தஸ்தை வாங்கித்தந்து, செம்மொழி மாநாடு நடத்தி உலகிற்கு தமிழ்மொழியின் சிறப்புகளை கொண்டு சேர்த்தது கலைஞரின் பேனா தான். இவை மட்டுமல்ல இன்னும் பல மக்கள் நல திட்டங்களில் கையெழுத்திட்டு மக்களின் நல்வாழ்வுக்கு வழிவகை செய்தது கலைஞரின் பேனா.
(19)

இலக்கியத்துறையில் அவர் பேனா செய்த சாதனைகள் எண்ணில் அடங்காதது, பார்ப்பன ஆதிக்கம் நிறைந்த திரைத்துறையில் இவர் பேனா செய்த புரட்சிக்கு ஒரு சிறந்த எடுத்துக்காட்டு பராசக்தி திரைப்பட அனல் பறக்கும் வசனங்கள், சிலப்பதிகாரத்தை அடிப்படையாக கொண்ட பூம்புகார் திரைப்படத்தின்

(20)

கொஞ்சு தமிழ் வசனங்களுக்கு சொந்தக்காரர் கலைஞர். ராஜகுமாரி, மந்திர குமாரி என இன்னும் எத்தனையோ உதாரணங்களை சொல்லலாம் கலைஞரின் பேனா திரைத்துறையிக் செய்த புரட்சியை எடுத்துச்சொல்ல.

இது மட்டுமல்ல பல பாடல்கள் கவிதைகள் கதைகள் என கலைஞரின் பேனா தொடாத இலக்கியவடிவமே இல்லை எனலாம்.

(21)

சேரன் செங்குட்டுவன், உதயசூரியன், தூக்குமேடை, பழனியப்பன் என 21 நாடகங்களை எழுதித் தள்ளியது கலைஞரின் பேனா தான். அப்பப்பா எத்தனை எத்தனை ஆச்சரியங்களை நம் தமிழ்நாட்டு மக்களுக்கு பரிசளித்துள்ளது கலைஞரின் பேனா.

(22)

கலை இலக்கியம் மக்கள் பணி மக்கள் நலன் என அனைத்திலும் ஆளுமை செலுத்திய, வாழ்நாள் முழுவதும் எழுதி எழுதி தமிழுக்காய் வாழ்ந்த கலைஞரின் நினைவை போற்ற, பேனா நினைவுச்சின்னம் வைப்பது அவர் தமிழுக்கு நாம் செய்யும் மரியாதை.

#கலைஞரின்_பேனா தமிழ்நாட்டின் பெருமை.

நன்றி ❤️