Thread by @arakkarperiyar

✍️ #என்றென்றும்_அண்ணா வின் தமிழ் புலமைக்கு சிறிய எ.கா.

✍️ எப்படிப்பட்டக் காலத்தில் புத்தரும் புத்தமார்க்கமும் தோன்றிற்று என்பதற்கான அண்ணாவின் விளக்கம் இந்த இழையில்...👇

புத்த மார்க்கம், எளிதிலே கிடைத்ததல்ல - இந்த அறிவாயுதத்தைக் காணச் சித்தார்த்தர் பட்டபாடு கொஞ்சமல்ல.

1/N

📍 அரச மன்றங்களிலெல்லாம் ஆரியக் குருமார்கள் ஆதிக்கம் பெற்றிருந்த காலம்

📍 காலாகாலத்தில் மழை பெய்யாவிட்டாலும், கொடிய நோய் ஏதேனும் ஏற்பட்டாலும், போர் மூண்டாலும், பூபதிக்குப் புத்திரபாக்கியம் இல்லை என்றாலும், வேள்விகளைச் செய்து, விசேஷ பலன்களைப் பெற முடியும் என்ற நம்பிக்கை

2/N

ஆழப்பதிந்திருந்த காலம் படைபலத்தைவிட அதிகமாக, பூஜாபலத்தை நம்பிக்கொண்டு, மன்னர்கள் இருந்த காலம்.

📍சோமதேவனுக்கும். இந்திரனுக்கும், வாயுவுக்கும், வருணனுக்கும், அக்கினிக்கும் மற்றும் பல தேவதைகளுக்கும், 'யாகம்' செய்யப்பட்டு, ஒவ்வோர் வகையான யாகத்தின் மூலமும் ஒவ்வோர் விதமான

3/N

"பலன்' கிடைக்கும் என்ற நம்பிக்கையுடன், நாடாள்வோர் இருந்த காலம். ஓம குண்டத்தருகே கிளம்பும் வேத மந்திர ஒலிக்கு ஈடான சக்தி வாய்ந்த குரல், வேறெதற்கும் இல்லை என்று பலரும் நம்பிக்கொண்டிருந்த நாட்கள். வேள்வி நடத்தவும் வேத மோதவும் 'பிராமணர்களுக்கு மட்டுமே பிறப்புரிமை உண்டு

4/N

என்ற 'தர்மம்' எல்லோராலும் ஒப்புக்கொள்ளப் பட்டிருந்த காலம்.

📍 பிராமண மார்க்கம், ஈடு எதிர்ப்பற்று அரசோச்சி வந்த நேரம்.

📍 ஜாதி முறையைச் சந்தேகிக்கவோ, எதிர்க்கவோ, முடியும் என்ற எண்ணமே.ஏற்படாத நாட்கள்.

5/N

📍கடவுள், அவரவர்களுக்கென்று, குலத்தையும், ஒவ்வோர் குலத்துக்கென ஓர் தர்மத்தையும், ஏற்கெனவே அமைத்து வைத்து விட்டிருக்கிறார். எனவே, அந்தத் தர்மத்தைத் தவறினால் ஆண்டவனால் அழிக்கப்படுவர் என்ற அச்சம், எவர் உள்ளத்திலும் குடிகொண்டிருந்த காலம்.

6/N

📍வீராதி வீரனும் சாம்ராஜ்ய சிருஷ்டிக்கர்த்தாக்களும், பிராமன மார்க்கத்துக்கு அடிபணிந்தாலொழிய வாழமுடியாது என்ற அளவுக்கு, வைதீக மார்க்கத்துக்கு ஆதிக்கம் இருந்த காலம்.

📍விஷ்ணுவுக்கும் சிவனுக்கும் பிரம்மாண்டான கோயில்கள் கட்டப்பட்டு, வேந்தர்களின் காணிக்கைகள் குவிக்கப்பட்டு,

7/N

வேத மோதிகளின், ஆதிக்கத்தின் கீழ் விடப்பட்டிருந்த காலம்.

📍 ஆலய அதிபர்களாக ஆரியக் குருமார்கள் வீற்றிருந்த காலம்.

📍 அவர்களின் தாய்மொழியான. சமஸ்கிருதம், 'தேவபாஷை' என்பதை அனைவரும் ஏற்றுக்கொண்டிருந்த நாட்கள்.

📍 ஜெபமாலை, செங்கோலை ஆட்டிப் படைத்த காலம்.

8/N

📍பூஜாரியின் கண் செல்லும் வழி செல்ல - பூபதிகள் காத்துக் கிடந்த
காலம்.

📍வங்கம், கலிங்கம், துளுவம், பாஞ்சாலம், நேபாளம், கூர்ஜரம், மகதம், அங்கம் எனும் எந்த அரசிலும், வைதீக பிராமண மார்க்கமே, ஆதிக்கம் செலுத்திக்கொண்டிருந்த காலம்.

9/N

📍வேதமார்க்கம், வேள்விமுறை, ஜாதி அமைப்பு, குலதா்மம், மந்திர உச்சாடனப் பலம், எனும் இம்முறைகளுக்கு. மேலானவைகளாகவோ இவைகளைப் போன்றவைகளாகவோ வேறு ஏதேனும் இருக்கிறதா என்ற கேள்வியும் பிறக்காத காலம்.

📍வேதமார்க்கத்தின் பயனாக. ஜாதி முறையும், ஜாதி முறையின் பயனாக, பிராமண ஆதிக்கமும்

10/N

ஏற்பட்டிருக்கிறதே. இது சரியா, பயன் தருவதுதானா என்பதுபற்றி, எண்ணமும் எழாமலிருந்தது.

📍வேதமோதி வேள்வி நடாத்துவதன் மூலம், இகத்திலே, இடுக்கண் களைந்து கொள்ள முடிவதில்லையே. வாழ்க்கையிலே ஏற்படும் கஷ்டங்களும, பஞ்சம், பிணி, போர், கலகம். முதலிய பெரும் நாசப் புயல்கள் வீசாமல் தடுக்க

11/N

முடிவதில்லையே. இந்நிலையிலே, வைதீக மார்க்கம் என்ன சாதித்து விட்டது, என்று எவரும் கேட்கத் துணியவில்லை

📍சாந்தி இல்லை - சமர்கள் ஏராளம்! ராஜகோலாகலத்துக்குக் குறைவில்லை. ராப்பட்டினிகளுக்கும் குறைவில்லை! கண்டாரைக் கொல்லும் கட்டழகியருக்கும் காதல் வாழ்க்கை நடத்தும் சீமான்களுக்கும்

12/N

குறைவில்லை - கண்டுகொண்டிருக்கும்போதே, ஊன், உருகி, எலும்புக் கூடாகி, மடியும்,பஞ்சைகளுக்கும் குறைவில்லை!

📍இன்பத்துக்கு அருகே துன்பம்! செல்வத்துக்கு அருகே வறுமை! அரண்மனைக்கருகே அன்னக்காவடிகள்! சாந்தோபதேச மண்டபத்துக்கருகே பாசறைகள்! மாயப் பிரபஞ்ச உபதேசியாருக்குப் பக்கத்திலே

13/N

மண்டலம் பல ஜெயித்து, மணிமுடியின் ஜொலிப்பை அதிகப்படுத்திடும், கூர்வாள் ஏந்திய படைத்தலைவர்1 இப்படி இருந்தது - இவ்வண்ணமிருப்பது சரியா என்ற கேள்வியும் எழாமலிருந்தது.

📍மழை இல்லையா, வருண பூஜை செய்வோம்!
மாற்றானா வெல்ல வேண்டுமா, மற்றோர் யாகம் செய்வோம்!

14/N

ஆடுகள், பசுக்கள். (முக்கியமான நேரத்திலே நரபலியும் கூட) அறுத்துப் போட்டு. வேள்வி நடாத்துவோம் விசேஷ பலன் கிடைக்கும் என்று குருமார்கள் கூறக் கேட்டு, கோல்கொண்டோன் அதுபோலவே செய்திடும் காலம்.

📍அந்தக் காலத் திரையைக் கிழித்துக் கொண்டு கிளம்பிற்று. கதிரொளி கபிலவஸ்து நகரில்.

15/N

📍ஆரிய மார்க்கத்தின் கோட்டையாக விளங்கிய அரண்மனைக்
குள்ளிருந்தே கிளம்பிற்று. ஆரியத்தை ஒழிக்கும் அறிவொளி!!

📍அரச வம்சத்தை ஆட்டிப் படைத்த ஆரிய மார்க்கத்தை எதிர்த்திடும் ஆற்றலுள்ள ஆண்மகனொருவன். அதே அரச வம்சத்திலிருந்தே கிளம்பினான்!

16/17

📍ஆரிய மார்க்கத்தினர், எதிர்பார்த்திருக்கவே முடியாத
இடத்திலிருந்து கிளம்பிற்று, புத்தொளி - புத்த மார்க்கம்.

🎯 அறிஞர் அண்ணாவை ஆயுதமாக்குவோம்; ஆரியத்தை அழித்தொழிப்போம்!

🙏🙏🙏

17/17