Thread by @RayaIaseema

దేవబ్రాహ్మణ అగ్రహారాల సీమ - కమలాపురం

కడప జిల్లాలోని కమలాపురం మరియు కమలాపురం చుట్టుపక్కల చాలా ప్రధాన గ్రామాలు బ్రాహ్మణులకు, కవులకు లేదా ఆలయాలకు సర్వమాన్యాలుగా / అగ్రహారాలుగా ఇవ్వబడిన గ్రామాలు. వీటిల్లో అనేక గ్రామాలకు ఇప్పుడున్న పేరు కాకుండా దానసమయంలో ఇవ్వబడిన పేర్లు ఉండేవి -a 🧵

1. కమలాపురం-మండల/తాలూకా కేంద్రం

పుష్పగిరి క్షేత్రం ఉన్న కుసుమాచల పర్వతానికి పశ్చిమాన పాపాగ్ని పాగేరు అనే నదుల మధ్య ఉండే కమలాపురం గ్రామం పుష్పగిరిలో ఉన్న బ్రహ్మదేవ ప్రతిష్ట కమలేశ్వర స్వామికి పడితరానకు నడిచేది. పుష్పగిరిలోని కమలేశ్వర స్వామి పేరిటే ఈ ఊరికి కమలాపురం అనే పేరొచ్చింది

2. కోగటం / కోకటం

ఇతర పేర్లు : కమలాజీపురం, శఠగోపపురం

విజయ సింగ్ మహారాజు వకీలు కమలాజీ అనే అతను ఈ గ్రామాన్ని అగ్రహారంగా చేయించాడని అక్కడ స్థలీకులు చెప్పుకుంటున్నారు. కృష్ణదేవరాయల కాలంలో ఈ కూకటం గ్రామాన్ని అల్లసాని పెద్దనకి సర్వమాన్ని అగ్రహారంగా ధారపోసి ఇచ్చినాడు

3. పెద్దచెప్పలి / కృష్ణరాయపురం / అహోబలయఝపురం

పెద్దచెప్పలి గ్రామం బ్రాహ్మణులకు కృష్ణరాయపుర సముద్రం అనే పేరుతో అగ్రహారంగా ఇవ్వబడింది అగ్రహారాన్ని ప్రతిగ్రహం చేసిన అహోబల వఝలు అనే బ్రాహ్మణుడి పేరిట అహోబలయఝపురం అని మరో పేరు ఉన్నది

4. చిన్నచెప్పలి

పెద్ద చెప్పలి గ్రామంలోని అగస్త్యేశ్వర స్వామికి కొన్నిరోజులు, శ్రీశైల మల్లిఖార్జున స్వామి నిత్య మధ్యాహ్న అవసరం నైవేద్యానకు సర్వమాన్యముగా మరికొన్ని రోజులు ఈ గ్రామం నడిచింది

5. వల్లూరు / త్రైలోక్య వల్లభాపురం / తిమ్మసముద్రం

కాయస్థ రాజులకు రాజధానిగా ఉన్న ఈ గ్రామం పుష్పగిరి వైద్యనాథస్వామికి సర్వమాన్యంగా నడిచేది

6. కొండూరు / దేవేశపురం -

కమలాపురానికి నైరుతిలో 5పరువుల దూరం

బుక్కరాయలు చంద్రబుషణాచార్యులకు ఇవ్వగా, ఆయన తన గురువు క్రియాశక్తికి ప్రీతిగా ఏర్పరచిన అగ్రహారం

7. తల్పనూరు / హరిహరాపురం / కృష్ణరాయ సముద్రం అగ్రహారం / కృష్ణరాయపురం -

కమలాపురానికి పడమరలో 5పరువుల దూరం

హరిహరరాయలు బ్రాహ్మణులకు ధారా గ్రహితంగా ఇచ్చి తామ్ర శాసనం వేయించాడు. ఊరు శిథిలయమైపోతే కృష్ణదేవరాయలు మళ్ళీ బ్రాహ్మణులకు సర్వమాన్యంగా ఇచ్చాడు

8. లింగాల / శింగాయజ్వపురం -

కమలాపురానికి నైరుతిలో 4పరువుల దూరం

ప్రౌఢదేవరాయలు హిమకుంట శింగావఝలు కు సర్వమాన్య అగ్రహారంగా ఇచ్చి తామ్ర శాసనం వేయించాడు

9. ఉప్పలూరు / దేవరాయసముద్రం -

కమలాపురానికి పడమరలో 10పరువుల దూరం

ప్రౌఢదేవరాయలు / దేవరాయలు బ్రాహ్మణులకు సర్వగ్రహారంగా ఇచ్చి తామ్ర శాసనం వేయించాడు

10. అల్లిదొన / అల్దెన - దేవరాయపురం

కమలాపురానికి నైరుతిలో 3పరువుల దూరం

ప్రౌఢదేవరాయలు బ్రాహ్మణులకు సర్వగ్రహారంగా ఇచ్చి తామ్ర శాసనం వేయించాడు

11. జమ్మాపురం / శ్రీరామానుజాపురం -

చదిపిరాళ్లకు దక్షిణాన ఉన్న గ్రామం

కృష్ణదేవరాయలు బ్రాహ్మణులకు అగ్రహారంగా ఇచ్చిన గ్రామం

12. ఇందుకూరు / ఇందూపురం -

చెప్పలికి పడమరలో 3 పరువుల దూరం

కృష్ణదేవరాయలు సిద్దవటం ఇష్టకామేశ్వర భైరవేశ్వరులకు సర్వమాన్యంగా ఇచ్చిన గ్రామం

13. ఉరుటూరు / శ్రీమహాలక్ష్మీపురం

ఇందూపురానికి వాయువ్యంలో ఒక పరువు దూరం

14. భూమేపల్లె /భూమానాయునిపల్లె / భూమాయి పల్లె / వేదాంతాచార్యపురం -

కృష్ణరాయలకు గొడుగుపెట్టే గొడుగు భూమానాయుడు తనపేర గ్రామం కట్టించి తె లుకచర్ల గోపాలాచార్యునకు ఏకభోగపు సర్వమాన్య అగ్రహారంగా ఇచ్చాడు

15. కొప్పోలు / కృష్ణరాయపురం

కమలాపురానికి ఆగ్నేయ దిశలో రెండు పరువుల దూరంలో

కృష్ణరాయలతో చదరంగం ఆడిన బొద్దుచర్ల తిమ్మన అనే బ్రాహ్మణ కవికి రాయలు సర్వమాన్య అగ్రహారంగా ఇచ్చిన గ్రామం

16. తిప్పలూరు

కమలాపురానికి దక్షిణం 3 పరువుల దూరం

కృష్ణదేవరాయలు అష్టదిగ్గజ కవులకు అగ్రహారంగా ఇచ్చిన గ్రామం

17. పైడికాల్వ / కృష్ణరాయపురం

కమలాపురానికి 3 పరువుల దూరం

కృష్ణదేవరాయలు బ్రాహ్మణులకు అగ్రహారంగా ఇచ్చిన గ్రామం

18. సంబటూరు, గడ్డమయ్య పల్లె / శ్రీభాష్యపురం / చ్యవనూరు / చ్యవటూరు -

కమలాపురానికి ఉత్తరం పరువు దూరం

అచ్యుతదేవరాయల కాలంలో నంద్యాల నారపరాజు బ్రాహ్మణులకు సర్వమాన్యం

19. వెదరూరు / సదాశివరాయపురం

కమలాపురానికి ఉత్తరం 2 పరువుల దూరం

సదాశివరాయలు కుందాళం వరదాచార్యులకు ఇచ్చిన సర్వాగ్రహారం

20. దొండపాడు / శ్రీనృసింహ్వపురం

శ్రీమద్వేదమార్గ ప్రతిష్టాపనాచార్యులయిన తిరుమల శ్రియః పత్యాచార్యుల వారి కుమార్తె కోనేటమ్మకు నంద్యాల పిన నరసింహయ్య ఏకభోగంగా ఇచ్చిన గ్రామం

21. యర్రగుంట్ల

బాల భాగవతం కావ్యం రచించిన దోనూరి కోనేటి కవికి నంద్యాల రాజులు అగ్రహారంగా ఇచ్చిన గ్రామం

22. తాళ్ళపాక పెద్ద తిరుమలయ్య , వారి వంశస్థులకు అగ్రహారాలుగా నడిచిన గ్రామాలు

మాచనూరు, ల్యాటపల్లె, తుమ్మలూరు, పొడదుర్తి (కమలాపురం తాలూకా) కామనూరు (దువ్వూరు తాలూకా ) తంగటూరు (చిట్వేలి తాలూకా)

23. పుష్పగిరి వైద్యనాథ స్వామికి నడిచిన గ్రామాలు

ఏటూరు, గంగవరం, మిడ్తూరు (కమలాపురం తాలూకా)
సరువనపల్లె (చెన్నూరు తాలూకా)

24. చిన్నమాచుపల్లె (చెన్నూరు తాలూకా) -

పుష్పగిరి చెన్నకేశవ స్వామికి కృష్ణదేవరాయలు సర్వమాన్యంగా ఇచ్చిన గ్రామం

#సీమచరిత్ర #సీమపేర్లు #సీమగ్రామాలు #సీమఆలయాలు