#நற்சிந்தனை நம் மனித ஆத்மா கீழ்நிலை உயிரினத்திலிருந்து தொடங்குகிறது. நீர்வாழ் உயிரினத்தில் தொடங்கி, தாவரம், கிருமி, பறவை, மனிதன் என பரிணமித்து, இறுதியில் மனித வாழ்வை அடைகிறது. நாம் மனித வாழ்வை அடைந்திருப்பது நம் அதிர்ஷ்டம். இந்த மனித வாழ்வில் நாம் என்ன செய்கிறோம்? உணவு, உறக்கம், 
தற்காத்தல், மற்றும் இன விருத்திக்காக மட்டும் இந்த கிடைத்தற்கரிய வாழ்க்கையை பயன்படுத்தி, தன்னை பிறப்பு இறப்பு சுழற்சியில் இருந்து விடுவித்துக் கொள்வதற்கான வாய்ப்பைக் கொடுத்துள்ளதை உணர மறந்து விடுகிறோம். ஆன்மீகப் பக்கத்திற்கு முக்கியத்துவம் கொடுப்பதில்லை. பள்ளியில் மாணவர்கள் கீழ்
வகுப்புகளிலிருந்து உயர் வகுப்புகளுக்கு உயர்ந்து, இறுதி வகுப்பிற்கு வரும்போது, அதில் தேர்ச்சி பெறாவிடில் அந்த வகுப்பு நெரிசல் மிக்கதாகி விடும். அது போலவே, மக்கள் மேன்மையான வாழ்விற்கு உயர்த்தப்படாத காரணத்தினால், தற்போதைய நாகரிகத்தில் அவ்வப்போது மக்கள் பெருக்கம் அதிகமாக உள்ளது.
ஆத்மா இறைவனடியை அடையாமல் மனித வாழ்வில் தடுத்து நிறுத்தப் பட்டுள்ளது. அச்சமயத்தில், மக்கள்தொகையைக் குறைக்க இயற்கையின் ஏற்பாட்டில், ஏதேனும் ஓர் உயிர்கொல்லி தொற்றுநோய் அல்லது போர் ஏற்படுகிறது. எனவே, மக்கள் மிகவும் பெருமையுடன் வாழும் போதிலும், அவர்களிடம் உண்மையான புத்தியோ அறிவோ இல்லை
ஸ்ரீ கிருஷ்ணன் உண்மையான அறிவைத் தருகிறார். புத்திர் ஞானம் அஸம்மோஹ, புத்தி, அறிவு, மயக்கத்திலிருந்து விடுதலை—இவையாவும் ஸ்ரீ கிருஷ்ணன் நமக்கு தந்த பரிசு. நாம் அவற்றை முறையாகப் பயன்படுத்த வேண்டும். பகவான் கொடுக்கும் பக்தி எனும் பரிசைப் பயன் படுத்துவதற்காகவே இந்த மனிதப் பிறவி
ஏற்படுத்தப்பட்டுள்ளது. ஸ்ரீ கிருஷ்ணன் நமக்கு நல்ல உணவுப் பொருட்களை வழங்கியுள்ளார். நல்ல புத்திசாலித்தனத்தை வழங்கியுள்ளார், அறிவளிக்கும் நூல்களை வழங்கியுள்ளார். அவர் தாமே நேரடியாக பகவத் கீதையை வழங்கியுள்ளார். இவற்றை பயன்படுத்தி, அவர் அறிவுரை படி நடந்தால் இந்த வாழ்க்கை முழுமை
அடையும். பிறவிப் பயனை அடைவோம்.
சர்வம் ஸ்ரீ கிருஷ்ணார்ப்பணம்🙏
சர்வம் ஸ்ரீ கிருஷ்ணார்ப்பணம்🙏
• • •
Missing some Tweet in this thread? You can try to
force a refresh
