Thread by @sundarrajachola

தமிழக இடைத்தேர்தலில் ஆளுங்கட்சியை மீறி யாரும் ஜெயிக்க முடியாத நிலை உள்ளது என்பதை நாமறிவோம்.ஆர்.கே.நகர் தேர்தல் மட்டும்தான் விதிவிலக்கு அதற்கு காரணம் வேறு.மதுசூதனன் வெல்லக் கூடாது என அதிமுகவிற்குள்ளே பல கோஷ்டிகள் அன்று நினைத்தார்கள்.அதை மதுசூதனனே கூட கூறியுள்ளார்.(1)

#ErodeEast

டிடிவி தினகரன் வெல்ல வேண்டுமென திமுகவும் நினைத்தது.அதுதான் அதிமுகவை பிளக்குமென்று பேருக்கு ஒரு வேட்பாளரை திமுகவும் நிறுத்தியது..டெப்பாஸிட் போகுமென நினைத்திருக்க மாட்டார்கள்.ஆனால் அதில் ஆளுங்கட்சியும் வெற்றி பெறவில்லை.இது தனி.(2)

மற்றபடி 1991 ல் இருந்து ஆளுங்கட்சிதான் இடைத்தேர்தலில் வென்று வருகிறது..அந்த நிலையில் இதில் ஆளுங்கட்சி வெற்றி பெறும் என்பதில் சந்தேகம் இல்லை.ஆனால் வித்தியாஸம் இவ்வளவு பெரிதாக இருக்கும் என்பதுதான் அதிர்ச்சியாக உள்ளது.(3)

2006 - 2011 காலங்களில் நடந்த இடைத்தேர்தல்களில் அதிமுக மோசமான நிலையை அடைந்துள்ளது.ஆனால் அதற்கும் 2023 ற்கும் நிறைய வித்தியாசம் உள்ளது(4)

2006 ம் வருடம்தான் விஜய்காந்த் களத்திற்குள் வந்தார்.அவர் வருகிற போதே தன்னை 'கருப்பு எம்ஜிஆர்' என அழைத்துக் கொண்டு,எம்ஜிஆர் பிரச்சாரம் செய்த வாகனத்திலேயே அவரும் வலம் வந்தார்.அவரோடு பண்ருட்டியார் இருந்தது இன்னும் கூடுதல் பலமாக இருந்தது.(5)

விஜய்காந்த் குறி வைத்ததே அதிமுகவின் வாக்குகளைத்தான் என தெளிவாக அடையாளம் காண முடிந்தது.2006 ல் அதிமுகவின் தோல்விக்கே விஜய்காந்த் எழுச்சி ஒரு காரணமாக இருந்தது.அதையே அடுத்து வந்த இடைத்தேர்தல்களும் நிரூபித்தன.(6)

மதுரை மேற்கு - மத்திய மதுரை - பெண்ணாகரம் ஆகிய தொகுதிகளில் அதிமுகவின் மாற்றுசக்தி என்ற நிலையை அசைத்துப் பார்த்தது.(7)

மதுரை (மே) மற்றும் மதுரை(ம) இரண்டு இடத்திலும் 25% வாக்குகளை அதிமுகவால் தாண்ட முடியவில்லை.காரணம் தேமுதிக 19% & 18% வாக்குகளை அங்கே ஆளுங்கட்சியான திமுக கூட்டணிக்கு எதிரே பிரித்தது.பெண்ணாகரத்தில் பாமக இரண்டாம் இடத்தை அடைந்து அதிமுகவை கட்டுத்தொகையை இழக்க வைத்தது.(8)

அன்றைய நிலையில் வடமாவட்டத்தில் பல இடங்களில் அதிமுகவை விட பாமக பலமாக இருந்தது.தேமுதிக தமிழகம் முழுக்க தன் தடத்தை பதித்திருந்தது..

ஆனால் 2023 ஈரோடு கிழக்கு நிலை இப்படியில்லை.(9)

அங்கே மூன்றாவது பலமான சக்தி என்ற பேச்சிற்கே இடமில்லாமல் இருந்தது.தேர்தல் இருமுனையாகியிருந்தது. காங்கிரஸ்தான் போட்டியிட்டாலும் திமுக vs அதிமுக என்றே களம் நகர்ந்தது..(10)

ஒரு பொது வேட்பாளர்,அவர் பலமான வேட்பாளராக இருக்க வேண்டுமென பாஜக மாநிலத் தலைவர் சொன்னப்படியேதான் அதிமுக வேட்பாளர் தென்னரசு களமிறக்கப்பட்டார்..(11)

திமுக Vs அதிமுக,அதிலும் திமுக கூட்டணியாக காங்கிரஸ் நின்றது.கைச்சின்னம் Vs இரட்டை இலை என்கிற நிலையில் கொங்கு மண்டலத்திலேயே அதிமுக இவ்வளவு மோசமாக போயிருப்பது தவறான அறிகுறியை காட்டுகிறது..(12)

திமுக விக்கிரவாண்டியிலும்,காங்கிரஸ் நாங்குநேரியிலும் 36% வாக்குகளை தக்க வைத்தார்கள் 2019 ல்..ஆனால் அதிமுகவால் 30% வாக்குகளைக்கூட கொங்கு மண்டலத்திலேயே தக்க வைக்க முடியவில்லை என்பது அதன் தலைமைத்துவத்தின் மீது மிகப்பெரிய சிக்கலிருப்பது கண்கூடு..(13)

ஜாதி ரீதியாகவும்,மண்டலங்களாகவும் அதிமுக பிளவுறுகிறது என்பதை மிக நுணுக்கமாக பார்க்க முடிகிறது.அதிலும் செங்குந்த முதலியார்கள் அதிகம் உள்ள ஈரோடு கிழக்கில் அதிமுகவின் படுதோல்வி சமூக ரீதியான பல மாறுபாடுகளை குறிக்கிறது..(14)

EPS தலைமையிலான அதிமுகவோடு அண்ணாமலை தலைமையிலான பாஜக அதிக நெருக்கம் காட்டுவதும்,அதனோடு மட்டுமே கூட்டணி போவதும் கொங்கு மண்டலத்திலேயே கூட சாதகமாக அமையாது என்றே தோன்ற வைக்கிறது.(15)

இதை 2024 தேர்தலை மையமாக வைத்து கவனிக்கும் போது,பாஜக சில தீவிரமான முடிவுகளை எடுக்க வேண்டும்..(16)