Thread by @Shakoor_Apriday

بدلتا ہوا جیو پولیٹیکل منظرنامہ اور پاکستان کا ڈیفالٹ:

پاکستان مغرب کیلئے اپنی جیوسٹریٹیجک محوریت سے ہاتھ دھو چکا ہے۔ چین کا مقابلہ کرنے کے لیے امریکہ کی قیادت میں بننے والے چار فریقی اتحادوں میں پاکستان شامل نہیں ہے۔ انڈو-پیسیفک کواڈ میں امریکہ، ہندوستان، جاپان اور ۔۔۔
/1

۔۔۔ آسٹریلیا شامل ہیں۔ جبکہ مغربی ایشیائی کواڈ میں ہندوستان، امریکہ، متحدہ عرب امارات اور اسرائیل شامل ہیں۔ پاکستان کے لیے تشویشناک بات یہ ہے کہ ہندوستان مشرقی اور مغربی دونوں کواڈز میں کلیدی اسٹیک ہولڈر ہے۔ کہنے کا مطلب یہ ہے کہ، امریکہ انڈو-پیسیفک میں پاکستان کے سب سے ۔۔۔
/2

۔۔۔بڑے حریف ہندوستان پر انحصار کر رہا ہے؛ اور بھارت کو خوش کرنے کے لیے امریکا نے اپنی ایشیا پیسیفک اسٹریٹجی کا نام بدل کر انڈو پیسیفک اسٹریٹجی رکھ دیا ہے۔

پاکستانی حکمران اشرافیہ بشمول جناح پاکستان کی جغرافیائی اہمیت کے بارے میں اس حد تک غلط فہمی کا شکار تھے کہ انہوں نے ۔۔۔
/3

۔۔۔ کبھی بھی دوطرفہ روابط اور تجارت کواہمیت نہیں دی۔ یہ مفروضہ کہ پاکستان آزاد دنیا کی سرحد پر واقع ہے اور اس وجہ سے اسے امریکہ سے مستقلاً لامحدود مالی امداد ملتی رہیگی اپنے دن پورے کرچکا ہے۔ کیونکہ موجودہ جیو پولیٹیکل منظرنامے میں پاکستان کی کوئی خاص اہمیت نہیں۔ پاکستان۔۔۔
/4

۔۔۔ جسکی تمام تر توجہ دھشتگرد پالنے اور طالبان کی حکومت کابل میں قائم کرنے جیسے جیو سٹریٹیجک امور پر مرکوز تھی، جیو اکنامکس پیراڈایم کو اختیار نہ کرسکا۔ پاکستانی جرنیل اپنی عادت سے مجبور اپنے محدود مدتی کامیابیوں پر ضرور شیخی بگھارے، لیکن حقیقت یہ ہے کہ وہ سٹریٹیجک طور پر ۔۔۔
/5

۔۔۔مکمل ناکام ہوچکے ہیں۔ ملٹری اسٹیبلشمنٹ کا افغانستان پر کنٹرول کا خواب چکنا چور ہو چکا ہے۔ یہ وسطی ایشیا کے لیے پل نہیں بن سکا۔ ٹی ٹی پی اور دیگر عسکریت پسند گروپ پاکستان کی سلامتی کے لیے سنگین خطرہ بن چکے ہیں اور پاکستان کی پہلے سے ابتر صورتحال کو مزید سنگین بنارہے ہیں۔
/6

... سیکورٹی کی نازک صورتحال اور مذہبی طور پر قدامت پسند معاشرہ سرمایہ کاروں کی پاکستان میں دلچسپی اور یہاں بسنے میں رکاوٹ ہے اسلئے کہ کاروبار کرنے کے علاوہ انہوں نے موج مستی بھی کرنی ہوتی ہے۔ تاہم، پاکستان میں وہ یہ عیش و آرام حاصل نہیں کر سکتے۔ سی پیک جیسے "گیم چینجر" ۔۔۔
/7

۔۔۔کہا جاتا تھا اب مردہ گھوڑا بن چکاہے: گیارہ چینی پاور کمپنیاں پاکستانی حکام کی طرف سے اپنی سرمایہ کاری کو غلط طریقے سے سنبھالنے کی وجہ سے سنگین مسائل کا سامنا کر رہی ہیں۔ CPEC کے تحت لاگو ہونے والے منصوبے بدعنوانی، اقربا پروری اور نااہلی کے شکار ہیں۔ نتیجتا، نئی چینی۔۔۔
/8

...کمپنیاں پاکستان میں دلچسپی نہیں لے رہی ہیں اور موجودہ کمپنیاں بھی پاکستان چھوڑ رہی ہیں۔ چینی کمپنیاں پاکستان کے مقابلے میں بنگلہ دیش، ویتنام، ایران اور بھارت کو ترجیح دے رہی ہیں۔

مجھے امید ہے کہ پاکستانی حکمران اشرافیہ کو اجیت ڈوول کا " Defensive Offense Doctrine" ...
/9

۔۔۔ضرور یاد ہوگا۔ پاکستان دنیا میں تنہا اور الگ تھلگ ہے، اور ایک غیر یقینی مستقبل سے دوچار ہے: یہی اجیت ڈوول کے ڈاکٹرائن کا بنیادی ھدف تھا۔ سی پیک بنیادی طور پر ایک اقتصادی راہداری سے زیادہ سٹریٹیجک اہمیت رکھتا ہے۔ اسکی اقتصادی اہمیت کے خاتمے کے بعد گوادر کو بھارت کے ۔۔۔
/10

۔۔۔محاصرے کیلئے چین بحری اڈے کے طور پر استعمال کرسکتا ہے۔ تو ان حالات میں سی پیک کا پتہ کاٹنے کیلئے اگر بھارتی فوج گلگت بلتستان کا رخ کرتی ہے تو مالی طور پر دیوالیہ پاکستان کتنے دن اسکے سامنے ٹیک پائے گا۔
/11
#ختم_شد