Thread by @Moona_sikander1

بیٹیاں بھی کبھی کبھی نا بہت رلاتی ہیں :
ابوبکر قدوسی

لکھنا بھی بسا اوقات ایسا مشکل ہو جاتا ہے کہ دل و دماغ ، قلم و قرطاس کچھ بھی تو بس میں نہیں رہتا - اب بھلا بھیگی برسات آنکھوں سے بندہ کیا لکھے اور کیسے لکھے ؟
لیکن سوچئے جن کی اپنی بیٹی تھی ان کی کیا حالت ہوئی ہو گی -
👇

تنہائ میں کیا کیا نہ یاد کیا ہو گا ، اکھیاں کیسے کیسے نہ برس گئی ہوں گی ؟؟؟
بیٹی مکے بیٹھی تھی اور مکے والے جنگ کرنے چلے آئے - جنگ ہوئی ، کچھ قید ہوے کچھ مقتول
" محبت "ختم ہوئی ، اب زخم شمار کرنے کا وقت آیا
مکے والوں نے اپنے اپنے قیدیوں کی رہائی کے لیے فدیہ بھجوایا تھا
👇

قیدی رہا کیے جا رہے تھے ، رحمتیں بٹ رہیں تھیں - روشنی کی ایک کرن سی ابھری اور سب ماحول روشن ہو گیا
سامان میں ایک کونے میں اک ہار تھا
ہمارے رقیق القلب نبی کی نظر اس ہار پر پڑی تو آنکھیں ساون بھادوں ہو گئیں
یہ تو خدیجہ کا ہار ہے ، ہاں اس دکھ سکھ کی ساتھی کا کہ جو مشکلوں کے سفر
👇

میں سایہ بن کے ساتھ رہی
جب ہمارے رسول کا تن من زخمی تھا یہ خدیجہ تھیں کہ زخموں کا مرہم بن گئیں
جنگی قیدی کہ ان میں خود نبی کریم (صلی اللہ علیہ وسلم ) کے اپنے داماد بھی تھے
ابو العاص کہ نبی کریم (صلی اللہ علیه وسلم) کی پیاری بیٹی زینب کے خاوند
کفار کی طرف سے لڑنے آئے
👇

لوگ کہتے ہیں کہ جنگ میں سرگرم حصہ تو نہ لیا لیکن قبیلے کا ساتھ بھی مجبوری تھی
تب یہ مسلمان نہ ہوے تھے
آج ان کی رہائی کے لیے فدیے میں ان کی اہلیہ سیدہ زینب نے اپنا ہار بھجوا دیا تھا ، جو کبھی ان کی اماں کا تھا ، اب ان کے پاس تھا
بیٹیاں تو باپوں کی جان ہوتی ہیں ،
لیکن کبھی کبھی
👇

بہت رلاتی ہیں
لیکن آج تو آسمان بھی رو دیا
آنسوؤں کے بیچ آپ نے بس اتنا کہا کہ
"لوگو ! یہ برا داماد نہیں ، ہاں یہ برا داماد نہیں
دوستو ! اگر آپ اجازت دیں تو میں اس قیدی کو رخصت دے دوں
اور ہاں یارو ....
اس کا ہار بھی .........واپس کر دوں ؟؟؟"
لکھنے والے سے جب بھیگی برسات آنکھوں
👇

سے لکھا نہیں جا رہا تو وہ آنکھیں کیسے برسی ہوں گی جنہوں نے اپنی خدیجہ کا ہار تھامے ، بیٹی کی ملتجائی آنکھوں کا تصور کیا ہو گا زینب نے تصور ہی تصور میں کہا تو ہو گا اور باپ نے تصور کی آنکھوں سے بیٹی کے بڑھے ہوے ہاتھ دیکھے تو ہوں گے کہ :
"بابا ہار لے لیجئے کہ اس اک متاع عزیز
👇

کے سوا دامن میں کچھ بھی نہیں"
ہم خستہ تنوں سے محتسبو کیا مال منال کا پوچھتے ہو
جو عمر سےہم نے بھر پایا سب سامنے لائےدیتے ہیں
دامن میں ہے مشت خاک جگر ساغر میں ہے خون حسرت مے
لو ہم نے دامن جھاڑ دیا لو جام الٹائے دیتے ہیں
"ہاں بابا
ہار لے لیجئے اور ابو العاص کو واپس کر دیجئے"
👇

بس یہ بیٹیاں نا کبھی کبھی بہت رلاتی ہیں

ساتھی بھلا کیا کہتے اور کیونکر انکار کرتے کہ آپ کے پاؤں سے اٹھتی خاک ان کی جان تھی اور یہاں تو آپ کے آنسو تھے ، ان کے نبی کے آنسو
خدیجہ کے ہار کو دیکھ کے جیسے سارے دکھ یاد آ گئے
بیٹی بھی یاد آ گئی

👇

"دوستو ! اگر اجازت ہو تو یہ ہار بھی اسی قیدی کے ہاتھ واپس اس کی مالکہ کے پاس بھیج دوں ؟
انکار کون کر سکتا تھا کہ سب آپ کے آنسوں کو دیکھ دیکھ آنسوں میں بھیگ رہے تھے

یہ بیٹیاں بھی ناں - - ----

Copied
#نمود_عشق
#موناسکندر