Thread by @anbezhil12

#யாதகிரி_பஞ்ச_நரசிம்மர்_கோவில் #தெலுங்கானா
ரிஷியஸ்ருங்கர்- சாந்தா தேவியின் புதல்வராகப் பிறந்தவர் யாத ரிஷி. திரேதாயுகத்தில் வாழ்ந்த இவர், அனுமனின் அருளைப் பெற்றவர். நரசிம்மர் மீது தீராத பக்தி கொண்டவர். அவரைக் காணும் ஆவலில் கடுமையாகத் தவம் இயற்றி வந்தார். அவரது தவத்தால் மகிழ்ந்த

நரசிம்மர், அனுமன் மூலமாக தன்னுடைய இருப்பிடத்தைக் காட்டி, அங்கே ஐந்து வடிவங்களில் யாத ரிஷிக்கு காட்சி தந்து அருளினார். முதலில் ஜ்வாலா நரசிம்மர், யோகானந்த நரசிம்மர், உக்கிர நரசிம்மர், கண்ட பேருண்ட நரசிம்மர் என நான்கு வடிவங்களைக் காட்டினார். ஆனால் யாத ரிஷியோ, தாயார் லட்சுமியோடு

காட்சியருள வேண்டும் என வேண்டி நின்றார். உடனடியாக லட்சுமி நரசிம்மராகத் தோன்றி அருளினார். எனவே இத்தலம் பஞ்ச நரசிம்மர் தலமாகப் போற்றப் படுகிறது. நரசிம்மர் காட்சி தந்த ஆதிக் கோவில் தற்போதைய யாதகிரி மலை அடிவாரத்தில் இருந்து 5 கிமீ தொலைவில் உள்ளது. யாத ரிஷி முக்தியடைந்த பின்பு இப்பகுதி

வாழ் மக்கள், அந்த ஆலயத்தில் முறையாக வழிபாடு செய்யவில்லை. இதனால் அங்கிருந்து அகன்று, தற்போதைய மலை மீதுள்ள குகைக்குள் இறைவன் குடிபுகுந்தார். இந்த நிலையில் இறைவனை வழிபட விரும்பும் பக்தர்கள், நரசிம்மரைக் காணாமல் தவித்தனர். அப்போது ஒரு பெண்ணின் கனவில் தோன்றிய நரசிம்மர், தன்

இருப்பிடத்தைக் கூறினார். மகிழ்ச்சியடைந்த மக்கள் மலை மீது ஏறி, குகைக்குள் இருந்த நரசிம்மரைக் கண்டு மகிழ்ந்து வழிபடத் தொடங்கினர் என தலவரலாறு கூறுகிறது. 1148-ல் நாராயண சுவாமி கோவில் கல்வெட்டு ஒன்றில், திரிபுவன மல்லுடு மன்னர் யாதகிரி வந்து நரசிம்மரைப் பலமுறை வழிபட்டுத் தரிசித்துச்

சென்றதாக வரலாற்றில் பதிவாகியுள்ளது. விஜயநகர மன்னன் கிருஷ்ண தேவாராயர், யாதகிரி லட்சுமி நரசிம்மரை வழிபட்டு, மகப்பேறு கிடைத்ததாகக் கூறப்படுகிறது. இக்கோவிலின் தனி விசேஷம் எங்கும் காணக் கிடைக்காத நரசிம்மரின் நின்ற திருக்கோல தரிசனம். தாயாரும் அருகில் நின்ற கோலத்தில் அருள் பாலிக்கிறார்.

யாதகிரி நகரின் எல்லையில் எழிலான சிறிய குன்றில் உள்ளது நரசிம்மர் ஆலயம். தீராத நோயால் அவதிப்படுபவர்கள் இங்கு நம்பிக்கையோடு 40அல்லது48 நாட்கள் தினமும் ஆலயத்தை வலம் வந்து வணங்க, அவர்களின் நோய் பூரண குணம் பெறும் என்பது அசைக்க முடியாத நம்பிக்கையாக உள்ளது. இதனால் இவரை #வைத்தியநரசிம்மர்

என்றும் அன்போடு அழைக்கின்றனர். தீயசக்திகள், கிரக தோஷங்கள் உள்ளவர்களுக்கும் கண்கண்ட தெய்வமாக இத்தல லட்சுமி நரசிம்மர் விளங்குகிறார். அது மட்டுமின்றி வாகனம் வாங்குவோர், புது வீடு வாங்கியவர்கள், முதல் குழந்தை பெற்றவர்கள் வந்து செல்லும் திருக்கோவிலாகவும் இது விளங்குகிறது. நித்திய

கல்யாண நரசிம்மர் என்பதும் இவரின் கூடுதல் சிறப்பு. குடவரைக் கோவிலான யாதகிரி லட்சுமி நரசிம்மர் ஆலயத்தில், கருவறை உச்சியில் உள்ள விமானத்தில், தங்கத்தால் ஆன சுதர்சன சக்கரம் அமைக்கப்பட்டுள்ளது. 3 அடி உயரம், 3 அடி நீளம் கொண்ட இந்த சக்கரம் கண்கொள்ளாக் காட்சியாக இருக்கிறது. இந்த ஆலயத்தில

நாள்தோறும் திருமண வைபவமும் நடைபெறுகிறது. இந்த கோயிலில் உள்ள மூலவர் 12 அடி உயரமும், 30 அடி நீளமும் கொண்ட குகையில் வீற்றிருப்பார். இது தற்போது ரூ.1,800 கோடி செலவில் லட்சுமி நரசிம்மர் கோயில் பிரம்மாண்டமாக கட்டப்பட்டு வருகிறது. புதிய வடிவமைப்பில், கோயிலின் பின்புறம் குகை அமைந்துள்ளது

இந்த குகைக்கு செல்ல வேண்டுமாயின், பக்தர்கள் படிக்கட்டுகள் மூலம் இறங்கி சுவாமியை தரிசிக்க வேண்டி வரும். மேலும், இக்கோயிலில் நாக வடிவில் உள்ள ஜுவாலா நரசிம்மர், யோக முத்திரையில் யோக நரசிம்மர், வெள்ளியில் லட்சுமி நரசிம்மர் ஆகியோர் பக்தர்களுக்கு அருள் பாலிக்கின்றனர். கோயிலின் வலது

புறம் ஹனுமன் கோயில் உள்ளது. இக்கோவில் பிரம்மோற்சவம் தெலுங்கு பல்குண மாதத்தில் (பிப்ரவரி- மார்ச்) 11 நாட்கள் விமரிசையாக நடக்கிறது. அதே போல நரசிம்மர் ஜெயந்தியும் சிறப்பான முறையில் கொண்டாடப்படுகிறது. இது தவிர ராமானுஜர், நம்மாழ்வார், மணவாள மாமுனிகள், திருமங்கையாழ்வார், திருப்பாண்

ஆழ்வார், ஆண்டாள் திருநட்சத்திர விழாக்கள், மார்கழி, ராமநவமி, மகா சிவராத்திரி, தேவி நவராத்திரி, அனுமன் ஜெயந்தி விழாக்களும் நல்ல முறையில் நடைபெற்று வருகின்றன. தினந்தோறும் திருக்கல்யாணம் நடைபெற்று, நித்திய கல்யாண நரசிம்மராக விளங்கும் இந்த ஆலயம், காலை 4 மணி முதல் மதியம் 3 மணி வரையும்,

மாலை 5 மணி முதல் இரவு 9 மணி வரையும் பக்தர்கள் தரிசனம் செய்ய திறந்து வைக்கப் பட்டுள்ளது. இவ்வாலயம் தெலுங்கானா மாநில அரசால் நிர்வாகம் செய்யப்பட்டு வருகிறது. ஸ்ரீ லட்சுமி நரசிம்ம சுவாமி வாரி தேவஸ்தானம் இந்த ஆலயத்தை நேரடியாகக் கவனித்து வருகிறது. ஆகம சாஸ்திரப்படி பெரும் செலவில் கட்டப்

பட்டு வரும் இக்கோயில் சிமெண்ட், மணல், இரும்பு போன்றவைகளால் கட்டப்படாமல், வெறும் கற்களால் மட்டுமே கட்டப்பட்டு வருகிறது. சுவாமியின் சிலைகள் அனைத்தும் ‘கிருஷ்ண சிலா’ அல்லது புருஷ சிலா என்றழைக்கப்படும் கற்களால் செய்யப்பட்டு வருகிறது. ஸ்திரீ சிலா எனும் கற்கள் மூலம் பெண் விக்ரகங்கள்

அமைக்கப்பட்டு வருகிறது. மற்றும் நபுசகா சிலா என்றழைக்கப்படும் கற்கள் மூலம் கோயிலில் தரை மற்றும் சுவர்கள் கட்டப்பட்டு வருகிறது. மேலும், கருப்பு நிற கிரானைட் கற்களும் இக்கோயிலில் உபயோகப் படுத்தப்பட்டுள்ளன. இவை தெலங்கானா மாநில காக்கதீயர்களின் காலத்தில் வடிவமைக்கப்பட்ட கட்டிட கலையை

மாதிரியாக கொண்டு கருப்பு கிரானைட் கற்கள் உபயோகப்படுத்தப்பட்டுள்ளன. அமைவிடம்: தெலுங்கானா மாநிலம், நல்கொண்டா மாவட்டத்தில், ஐதராபாத் – வாரங்கல் வழித் தடத்தில் யாதகிரி திருத்தலம் இருக்கிறது. ஐதராபாத்தில் இருந்து 60 கி.மீ, வாரங்கல்லில் இருந்து 90 கி.மீ. போன்கிர் ரயில் நிலையத்தில்

இருந்து 13 கி.மீ தொலைவு. ஏராளமான பக்தர்கள் இங்கு வந்து தரிசித்து செல்கின்றனர்.
ஓம் நரசிம்ம சுவாமியே நமஹா
சர்வம் ஸ்ரீ கிருஷ்ணார்ப்பணம்🙏