Thread by @RayaIaseema

కర్నూలు రాజ్య రక్షణకై రణరంగాన వీరమరణం పొందిన కడప రాజు - మట్ల తిరువెంగళనాథ రాజు

మట్ల తిరువెంగలనాథుడు తండ్రికి మట్ల అనంతరజుకు తగ్గ మానధనుడు. ఒకనాడు కందనూరి (కర్నూలు) రాజు ఆరవీటి గోపాలరాజు తిరువెంగళనాథుడితో - మీ తాత(మట్ల ఎల్లమరాజు), తండ్రి(మట్ల అనంతరాజు)

గొప్ప పరాక్రమవంతులు. నీవు చిన్నవాడివి. అనవసరపు శౌర్య ప్రదర్శనకు యత్నించకుండా సమయోచితానుసారము కాలము గడిపితే మంచిది అని హితువు చెప్పగా ఆ మాటలగొకు నొచ్చుకున్న తిరువెంగళ హనాథరాజు కందనూరు గోపాలరాజుతో మీరు మమ్మల్ని బాలురుగా అనుకున్నప్పటికీ మీ వంటి వారికి శత్రువుల నుండి ప్రమాదం

పొంచి ఉన్నప్పుడు మీ వైపున నిలవడానికి మేము వెనుకాడము అని చెప్పినాడట. వెంకటపతిరాయల నిర్యాణం అనంతరం శక 1541 సిద్ధార్థి సంవత్సరంలో బీజాపూరు సుల్తాన్ ఇస్మాయిల్ ఆదిల్ షా తరపున అబ్దుల్ హుస్సేన్, అబ్దుల్ మహమ్మద్, అబ్దుల్ వహాబ్ ఖాన్ అనే 3 సర్దార్లు సైన్యంతో కర్నూలు కోటను చుట్టుముట్టగా,

కర్నూలు కోట అధిపతి అయిన గోపాలరాజు మట్ల తిరువెంగళనాథరాజు సహాయం, కోరగా మట్ల తిరువెంగళనాథ దేవచోడ మహారాజు తన కుమారుడు కుమార అనంతరాజుకి రాజ్య భారం అప్పగించి సైన్యముతో కర్నూలు రాజ్యాన్ని బీజాపూరు సైన్యము నుండి కాపాడటానికి గోపాలరాజు సైన్యానికి సహాయముగా వెళ్లినాడు.

బీజాపూరు సైన్యం దాటికి తాళలేక యుద్ధరంగం నుండి హండేవారు (అనంతపురం ప్రభువులు) మరియు ఇతర రాజ్యాల సైన్యం నుంచి నిష్క్రమించినా మట్ల తిరువెంగళనాథరాజు అలియ రామరాజు మాదిరి యుద్దరంగమందే వీరమరణం పొందుతాను కానీ శత్రువులకు వెన్ను చూపడం అంటూ ఉండదని చివరి వరకు పోరాడి

సిద్ధార్థి నామ సంవత్సరం మాఘ బహుళ ఏకాదశి నాడు (02.02.1620?) బహమనీ సుల్తానుల చేతిలో వీర స్వర్గం పొందినాడు.

#RulersOfRayalaseema #సీమపాలకులు #సీమచరిత్ర

Sources: Further Sources of Vijayanagara History by Nilakantha Sastri and N Venkataramanayya

Picture: Matla Tiruvengalanatha with his Consort Chennamma and Son Matla Kumara Ananta Devachoda Maharaja