Thread by @anbezhil12

#ஶ்ரீராமநவமி_ஸ்பெஷல் #வடுவூர்கோதண்டராமர்
ஶ்ரீராமநவமியை ஒட்டி இன்று தொடங்கி 10 நாட்கள் இங்கு பிரம்மோத்ஸவம் விமர்சையாக கொண்டாடப்படுகிறது. வடுவூர் #தெட்சிண_அயோத்தி என்னும் பெருமையை உடையது. முன்மண்டபத்தில் ருக்மணி சத்யபாமாவுடன் கோபாலன் தனி சன்னதியில் அருளுகிறார். ராமர் பிரதிஷ்டைக்கு

முன்பு இவரே மூலஸ்தானத்தில் இருந்தார். பிரகாரத்தில் ஹயக்ரீவர், விஷ்வக்ஷேனர், ஆண்டாள், ஆழ்வார்கள் உள்ளனர். சரயு தீர்த்தம் கோயிலுக்கு வெளியில் இருக்கிறது.
மூலவர் சன்னதியின் மேல் உள்ள விமானம் #புஷ்பக_விமானம் எனப்படுகிறது. ராமரிடம் வேண்டிக் கொள்ள பெற்றோர் சொல் கேட்கும் குழந்தைகள்

பிறப்பார்கள், நியாய சிந்தனை உண்டாகும் என்பது நம்பிக்கை. இங்கு பக்தர்கள் சுவாமிக்கு திருமஞ்சனம் செய்து நேர்த்திக்கடன் செலுத்துகிறார்கள். மூலஸ்தானத்தில் ராமபிரான், சீதை, லட்சுமணன், ஆஞ்சநேயருடன் காட்சி தருகிறார். மார்பில் மகாலட்சுமி பதக்கம் மற்றும் சாளக்கிராம மாலை அணிந்து

இருக்கிறார். ராமரின் நட்சத்திரமான புனர்பூசத்தின் போது, திருமஞ்சனம் நடக்கிறது. அன்று மாலையில் இவர் சீதையுடன் புறப்பாடாகிறார். ராமநவமியை ஒட்டி 10 நாட்கள் பிரம்மோற்ஸவத்தில் 7ஆம் நாள் திருக்கல்யாணம், 9ம் நாள் தேர்த்திருவிழா நடக்கிறது. 5ஆம் நாளில், இவர் நாச்சியார் திருக்கோலத்தில்

எழுந்தருளுவது விசேஷம். #அட்சயதிரிதியை அன்று ராமர் கருடசேவை சாதிக்கிறார்.
வனவாசம் முடித்தபிறகு, ராமபிரான் அயோத்திக்கு கிளம்ப தயாரானார். அப்போது வனத்தில் அவரது தரிசனம் பெற்ற மகரிஷிகள், அவரைத் தங்களுடனேயே இருக்கும்படி வேண்டினர். அவர்களது கோரிக்கையை ஏற்ற ராமர், மறுநாள் அவர்களைச்

சந்திப்பதாக சொன்னார். தன் உருவத்தை சிலையாக செய்து, தான் தங்கியிருந்த இடத்தின் வாசலில் வைத்து விட்டார். ரிஷிகள் அதைப் பார்த்தனர். அதன் அழகில் லயித்து, ராமபிரானிடம், "ராமா! இந்தச் சிலை உயிரோட்டம் உள்ளதாக உன்னைப் போலவே இருக்கிறது. இது எப்படி வந்தது? அதை நாங்கள் வைத்துக் கொள்ள

விரும்புகிறோம்” என்றனர்.
ராமர் ஒன்றும் தெரியாதவர் போல, "அப்படியா! அப்படியானால் உங்களுடன் நான் இருப்பதைவிட அந்தச் சிலை இருப்பதைத்தான் விரும்புகிறீர்கள்போலும்!'' என்றார். விக்ரகத்தின் அழகில் மயங்கியிருந்த ரிஷிகள், தாங்கள் பூஜிக்க அதைத் தரும்படி கேட்டனர். அதன்படி ராமர் அவர்களிடம்

விக்ரகத்தை கொடுத்துவிட்டு, அயோத்தி திரும்பினார். பிற்காலத்தில், திருக்கண்ணபுரத்தைச் சேர்ந்த பெருமாள் பக்தர்கள் இந்த விக்ரகத்தைப் பூஜித்து வந்தனர். மேலும் சீதை, லட்சுமணர், பரதன், ஆஞ்சநேயருக்கும் விக்ரகம் வடித்தனர். அந்நியர் படையெடுப்பின்போது, பாதுகாப்பிற்காக இவற்றை தலைஞாயிறு

என்னும் தலத்தில் மறைத்து வைத்தனர். தஞ்சையை சரபோஜி மன்னர்கள் ஆண்டு வந்த போது, ஒரு நாள் மன்னரின் கனவில் தோன்றிய ராமர், தான் இருக்கும் இடத்தை குறிப்பிட்டு தனக்கு கோயில் எழுப்பும்படி கூறினார். அதன்படி தலைஞாயிறு சென்ற மன்னர் விக்ரகங்களை மீட்டு வரும் வழியில் வடுவூரில் தங்கினார். அவரைச்

சந்தித்த பக்தர்கள் சிலர், தங்கள் ஊரிலேயே விக்ரகங்களௌ பிரதிஷ்டை செய்ய வேண்டுகோள் விடுத்தனர். பக்தர்களின் வேண்டுதலை ஏற்ற மன்னர், இங்கேயே ராமபிரானை வைத்துச் சென்றார். அதன்பின் மூலஸ்தானத்திலும் பிரதிஷ்டை செய்யப்பட்டது.

காலை 7.30 மணி முதல் 12.30 மணி வரை, மாலை 4.30 மணி முதல் இரவு

8.30 மணி வரை நடை திறந்திருக்கும்.
கண்டிப்பாக சென்று சேவிக்க வேண்டிய புண்ணிய ஸ்தலம் இது.
ஜெய் ஶ்ரீராம்
ஆஞ்சனேய ஸ்வாமிக்கு ஜெய்
சர்வம் ஸ்ரிகிருஷ்ணார்ப்பணம்🙏🏻